ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් සිව්දින ක්‍රිකට් තරගාවලියේ අවසන් පූර්ව තරග දෙක සඳහාම හෙට (03 දා) දිනය විවේක දිනයක් ලෙස නම් කර තිබේ. ශ්‍රී ලංකාව පුරා පනවන ලද ඇඳිරී නීති හේතුකොට මෙම තරග දෙක අතරට විවේක දිනයක් එකතු කිරීමට ශ්‍රී ලංකා ක්‍රිකට් ආයතනය පියවර ගෙන තිබේ. ඒ අනුව සඳුදා දිනයේදීද මෙම තරග ක්‍රියාත්මක වනු ඇත.

පල්ලකැලේ සහ හම්බන්තොටා පැවැත්වෙන මෙම තරග අතුරින් හම්බන්තොට පැවැත්වෙන තරගයේදී යාපනය කණ්ඩායමේ ජයග්‍රහණය සඳහා ලකුණු 67 ක් පමණක් අවශ්‍ය ව පවතින අතර පල්ලකැලේ තරගය විසඳුමක් නොපෙනන තත්ත්වයකට පත්ව තිබේ. පළමු ඉනිම ක්‍රීඩා කළ මහනුවර පිල ලකුණු 458 ක් ලබාගත් අතර තෙවැනි දින තරගය නිමා කරන විට ගාල්ල කණ්ඩායම කඩුල්ලක් දැවී ලකුණු 147 ක් ලබා සිටියි.

කලම්බු – ජැෆ්නා

කොළඹ පළමු ඉනිම 272 යි සහ දෙවැනි ඉනිම 158 යි – (කුසල් මෙන්ඩිස් 39, සිතාර ගිම්හාන 18, මාධව වර්ණපුර 12, ප්‍රමෝද් මදුවන්ත 54*, ලක්ෂිත මානසිංහ 15, කසුන් රජිත 13, ධනංජය ද සිල්වා 55/2, දිලුම් සුධීර 35/3, ජෙෆ්රි වැන්ඩර්සි 22/2)

යාපනය පළමු ඉනිම 339 යි සහ දෙවැනි ඉනිම කිසිවකු නොදැවී ලකුණු 25 යි (නවෝද් පරණවිතාන 15*, නිෂාන් මදුෂ්ක 10*)