slc
logo
Home   |    News
මැයි 29, 2022
කාන්තා පිල තෙවැනි තරගයත් පරදියි

sinhala editor

සංචාරක ශ්‍රී ලංකා කාන්තා කණ්ඩායම සහ පාකිස්තානය අතර පැවැති තෙවැනි විස්සයි-20 තරගයෙන් ශ්‍රී ලංකා කාන්තා කණ්ඩායමට එරෙහිව කඩුලු 4 ක ජයක් අත්කර ගැනීමට පාකිස්තානු කාන්තා කණ්ඩායම අද (28 දා) සමත්විය. ඒ අනුව දෙරට අතර තරග 3 කින් සමන්විත විස්සයි-20 තරගාවලියද 3-0 ක් ලෙස ජය ගැනීමට පාකිස්තානු ක්‍රීඩිකාවෝ සමත්වූහ.

කරච්චිහි පැවැති මෙම තරගයේදී ජයග්‍රහණය සඳහා ලකුණු 108 ක ඉලක්කයක් හඹා ගිය පාකිස්තානු ක්‍රීඩිකාවෝ කඩුලු 6 ක් පමණක් දැවී ඉලක්කය සපුරාගත්හ. ඉතාම තියුණු මුහුණුවරක් ගෙන පැවැති මෙම තරගයේදී පාකිස්තානු ජයග්‍රහණය සඳහා අවසන් පන්දුවට ලකුණු 2 ක් ලබාගත යුතු වූ අතර නායිකා බිස්මා මරූෆ් එම ලකුණු රැස් කරමින් පාකිස්තානු කණ්ඩායම ජය කණුව කරා රැගෙන ගියාය.

ශ්‍රී ලංකා පිල වෙනුවෙන් කැපී පෙනන පන්දු යැවීමක නිරත වුණු ඕෂධී රණසිංහ පන්දුවාර 4 ලකුණු 18 ක සීමා කරමින් කඩුලු 3 ක් දවා ගත්තාය. ඊට අමතරව කවීෂා දිල්හාරි ලකුණු 28 කට කඩුලු 2 ක් දවා ගනිමින් පාකිස්තානු හඹා යෑම අසීරුවට පත් කළාය.

මෙම පරාජයේදී කාන්තා පිල මුහුණ දුන් ප්‍රධානම ගැටලුව බවට පත්වූයේ දුවද්දී දැවී යෑම් 5 කට මුහුණ දීමය. එම තත්ත්වය නිසා නියමිත පන්දුවාර 20 අවසන් වන විට ශ්‍රී ලංකාවට රැස් කරගත හැකි වූයේ කඩුලු 8 ක් දැවී ලකුණු 107 ක් පමණි.

පළමු තරග දෙකේදී ලකුණු අතරට පැමිණීමට අපොහොසත් වුණු නායිකා චමරි අතපත්තු ද තරගයේදී ලකුණු 37 ක් රැස් කිරීම කැපී පෙනුණි. හයේ පහර 2 ක් සහ හතරේ පහර 2 ක් ඇතුළත් වුණා චමරිගේ ඉනිමට අමතරව හසිනි පෙරේරා සමඟ පළමු කඩුල්ල වෙනුවෙන් ලකුණු 69 ක සම්බන්ධතාවක් පැවැත්වීමට සමත්වීම විශේෂත්වයක් විය.

ශ්‍රී ලංකා කාන්තා පිල පන්දුවාර 20 කදී කඩුලු 8 ට ලකුණු 107 යි – හසිනි පෙරේරා 24, චමරි අතපත්තු 37, අනුෂ්කා සංජීවනී 14*

පාකිස්තානු කාන්තා පිල පන්දුවාර 20 කදී කඩුලු 6 ක් දැවී ලකුණු 108 යි – ආලියා රීසා 17, නීඩා ඩාර් 14, බිස්මා මරූෆ් 15*, මුනිබා අලී 25, ඕෂදී රණසිංහ 18/3, කවීෂා දිල්හාරි 28/2

Active filters

Recent Posts

  • දඹුල්ල පිලේ රනේෂ් සිල්වාගෙන් ශතකයක්
    ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය ක්‍රිකට් තරගාවලිය වන නැෂනල් සුපර් ලීග් (NSL) සිවුදින තරගාවලියේ ඊයේ (23) ආරම්භ වූ තරගයකදී දඹුල්ල කණ්ඩායම නියෝජනය කරන රනේෂ් […]
  • ශ්‍රී ලංකා කාන්තා කණ්ඩායමේ ලෝක කුසලාන සුදුසුකම් ලැබීමේ තරග
    බංග්ලාදේශයේ පැවැත්වෙන මීළඟ කාන්තා ලෝක කුසලාන කාන්තා විස්සයි 20 තරගාවලියට සුදුසුකම් ලැබීමේ තරගාවලියට සහභාගි වන ශ්‍රී ලංකා කාන්තා ක්‍රිකට් කණ්ඩායම එක්සත් අරාබි එමීර් රාජ්‍යයේ අබුඩාබි නගරයේදී බ්‍රහස්පතින්දා (25) […]
  • චමරි අතපත්තු ලොව අංක 1ට ශ්‍රේණිගත වේ
    ජාත්‍යන්තර ක්‍රිකට් සමුළුවේ ක්‍රිකට් ක්‍රීඩක ක්‍රීඩිකාවන්ගේ නවතම ශ්‍රේණිගත කිරීම් අනුව එක්දින තරග පිතිකාරිණියන් අතුරින් ශ්‍රී ලංකාවේ චමරි අතපත්තු ප්‍රථම ස්ථානයට පත්ව සිටී. ශ්‍රී ලංකා පිතිකාරිණියක ක්‍රිකට් ශ්‍රේණිගත කිරීමේදී […]
  • චමරිගෙන් විශිෂ්ට ලකුණු 195ක්. අවසාන තරගය ශ්‍රී ලංකාව පහසුවෙන් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායමේ නායිකාව චමරි අතපත්තු එහි පැවැති තෙවැනි හා අවසාන එක්දින තරගයේදී විශිෂ්ට පිතිහරඹයක නියැළෙමින් නොදැවී රැස් කළ ලකුණු 195ක […]
  • දකුණු අප්‍රිකා කාන්තා කණ්ඩායම කඩුලු හතකින් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායම සෙනසුරාදා (13) කිම්බර්ලි නගරයේ ඩයමන්ඩ් ඕවල් ක්‍රීඩාංගණයේදී දකුණු අප්‍රිකා කාන්තා කණ්ඩායම සමඟ පැවැති දෙවැනි එක්දින තරගයේදී සත්කාරක දකුණු […]

Pin It on Pinterest

LKR Sri Lankan rupee