slc
logo
Home   |    News
මැයි 22, 2022
තීරණය සොයන අවසන් සටනට ප්‍රවීන්ට කැඳවුම්

sinhala editor

By Chamila Karawita

සංචාරක ශ්‍රී ලංකා කණ්ඩායම සහ සත්කාරක බංග්ලාදේශ කණ්ඩායම අතර පැවැත්වෙන තරග දෙකකින් සමන්විත ටෙස්ට් තරගාවලියේ දෙවැනි සහ අවසන් තරගය මීර්පූර් ක්‍රීඩාංගණයේදී හෙට (23 වැනිදා) ආරම්භ වේ.

පළමු තරගය ජය පරාජයකින් තොරව අවසන් වීමත් සමගින් අද ආරම්භ කෙරෙන තරගය ජය ගැනීමට සමත්වන කණ්ඩායමට තරගාවලියේ ජය හිමිකර ගැනීමට තීරණාත්මක අවස්ථාවක් උදාවී තිබේ.

ඒ අනුව ශ්‍රී ලංකාව සහ බංග්ලාදේශය අතර ජාත්‍යන්තර ටෙස්ට් තරග ඉතිහාසයේදී මේ දක්වා එක් තරගයක් පමණක් ජය ගැනීමට සමත්වී සිටින බංග්ලාදේශයට අද ආරම්භ කෙරෙන තරගය ජයග්‍රහණයකින් යුතුව නිමා කිරීමට සමත්වුවහොත් ශ්‍රී ලංකාවට එරෙහිව පළමු වරට ටෙස්ට් තරගාවලියක් ජය ගැනීමේ අවස්ථාව ඔවුන්ට උදාවේ.

දෙරට අතර ක්‍රියාත්මක වී ඇති ටෙස්ට් තරග 23න් තරග 17ක් ජය ගැනීමට සමත්වී ඇති ශ්‍රී ලංකාව මෙම තරගය ජය ගැනීමට සමත්වුවහොත් බංග්ලාදේශයට එරෙහිව පිට පිටම වාර්තා කරන 3 වැනි ටෙස්ට් තරගාවලි ජයග්‍රහණය සැමරීමට සංචාරක කණ්ඩායමට අවස්ථාව උදාවේ.
කෙසේ වෙතත් පළමු තරගයට ක්‍රීඩා කළ බංග්ලාදේශ සුපිරි දඟ පන්දු යවන ක්‍රීඩක නයීම් හසාන්ට මෙම තරගය අහිමි වි තිබේ.

දෙරට අතර පළමු තරගයේදී ශ්‍රී ලංකා පළමු ඉනිමේ කඩුලු 6ක් බිඳ දැමීමට නයීම් හසාන් සමත්විය.

මීට අමතරව පළමු තරගයේදී සිදු වූ ආබාධයක් හේතුවෙන් වේග පන්දු යවන ක්‍රීඩක ශොරිෆුල් ඉස්ලාම්ටද දෙවැනි තරගය අහිමි වී තිබේ.
මෙම තරගය සඳහා ශ්‍රී ලංකා කණ්ඩායම මේ වන ක්‍රීඩා කරන 11 දෙනා මේවන විට ප්‍රකාශයට පත්කර තිබේ.

ඒ අනුව කසුන් රාජිත සහ අසිත ප්‍රනාන්දු වේග පන්දු යවන්නන් ලෙසින් කටයුතු කරන අතර දඟ පන්දු යවන ලසිත් ඇඹුල්දෙණිය වෙනුවට ප්‍රවීන් ජයවික්‍රම කණ්ඩායමට කැඳවා ඇත.

ක්‍රීඩා කිරීමට නියමිත ශ්‍රී ලංකා කණ්ඩායම – දිමුත් කරුණාරත්න, ඕෂධ ප්‍රනාන්දු, කුසල් මෙන්ඩිස්,ඇන්ජලෝ මැතිව්ස්, දිනේෂ් චන්දිමාල්, ධනංජය ද සිල්වා, නිරෝෂන් දික්වැල්ල, රමේෂ් මෙන්ඩිස්, ප්‍රවීන් ජයවික්‍රම,අසිත ප්‍රනාන්දු, කසුන් රාජිත.
බංග්ලාදේශ කණ්ඩායම – මොමිනුල් හක්, මහමුදුල් හසන්, තමිම් ඉක්බාල්, නජ්මුල් හසන්, මුෂ්ෆිකර් රහීම්, ලිටන් දාස්, ෂකීබ් අල් හසන්, තයිජුල් ඉස්ලාම්, කලීඩ් අහමඩ්, එබටඩ් හසන්, ෂොයිදුල් ඉස්ලාම්, රහමන් රාජා.

Active filters

Recent Posts

  • වැස්සෙන් සිදුවන බාධා මැද තරග තුනක් ඇරැඹෙයි
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සති අන්තයේ පැවැත්වෙන තරග අතුරින් තරග තුනක් හැර අනෙක් තරග සියල්ලම වර්ෂාව හේතුවෙන් ආරම්භ […]
  • ආසියානු ක්‍රීඩා තරගාවලියට ශ්‍රී ලංකා පිල පිටත්ව යයි
    19 වැනි වතාවට චීනයේ පැවැත්වෙන ආසියානු ක්‍රීඩා තරගාවලියේ පිරිමි ක්‍රිකට් තරග ඉස්සවට සහභාගිවන ශ්‍රී ලංකා කණ්ඩායම සැප්තැම්බර් මස 30 වැනිදා චීනය බලා පිටත්ව ගියේය. ශ්‍රී ලංකා ක්‍රිකට් ආයතන […]
  • රිදී පදක්කම් දිනූ කාන්තාවෝ මව්බිමට එති
    චීනයේ හංජෝ නුවර පැවැති ආසියානු ක්‍රීඩා තරගාවලියේ කාන්තා ක්‍රිකට් තරග ඉසව්වේ රිදී පදක්කම දිනාගැනීමට හැකිවීම පිළිබඳව තමන් ඇතුළු කණ්ඩායම දැඩි සතුටට පත්ව සිටින බව ශ්‍රී ලංකා කාන්තා කණ්ඩායමේ […]
  • වැස්සට සේදුණු දිනයේදී තිලකරත්න සම්පත්ගෙන් අර්ධ ශතකයක්
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සතියේදී පැවැත්වීමට නියමිතව තිබූ තරග අටෙන් නුගේගොඩ ක්‍රීඩා, සුබ සාධක සමාජය හා කෝල්ට් අතර […]
  • පළමු පුහුණු තරගයේදී බංග්ලාදේශයට කඩුලු 7ක ජයක්
    තවත් දින කිහිපයකින් ආරම්භ වන ලෝක කුසලාන ක්‍රිකට් තරගාවලියේ පෙරහුරු තරගමාලාව ආරම්භ කරමින් ශ්‍රී ලංකාව හා බංග්ලාදේශය අතර පැවැති එක්දින පුහුණු තරගයේදී බංග්ලාදේශ පිල කඩුලු 7ක ජයක් වාර්තා […]
LKR Sri Lankan rupee

Pin It on Pinterest