By Chamila Karawita
ලෝක ටෙස්ට් ශූරතාවලිය යටතේ වන තරග 2 කින් සමන්විත ටෙස්ට් තරගාවලිය යටතේ අද චිටෝග්රෑම්හි ඇරැඹි පළමු ටෙස්ට් තරගයේ දිවා භෝජනය සඳහා තරගය නිමා කරන සංචාරක ශ්රී ලංකා පිලේ කඩුලු 2 ක් දවා ගනිමින් විට වැඩි වාසි අත්කර ගැනීමට සත්කාරක බංග්ලාදේශ කණ්ඩායම සමත්ව සිටියේය.
පන්දුවාර 24 කට සීමා වුණු පළමු සැසියේදී දැවී ගිය කඩුලු 2 ම නයීම් හසන්ගේ නම ඉදිරියේ සටහන් වද්දී ශ්රී ලංකා පිල 3.04 ක දළ ලකුණු වේගයක් රඳවා ගනිමින් ලකුණු 73 ක් ලබා සිටියේය. පන්දු යවන්නන්ට එතරම් දායකත්වයක් ලබා නොදුන්නත් ඉතාමත් නිවැරදි එල්ලයේ පන්දු යැවීමක නිරත වුණු නයීම් හසන් දිවා විවේකයට මිනිත්තු කීපයකට පෙර ඕෂධ ප්රනාන්දුගේ කඩුල්ල දවා ගනිමින් බංග්ලාදේශ පිලට වැඩි වාස් අත්කර දුන්නේය.
එම කඩුල්ල අහිමිවීමේදී ශ්රී ලංකාවට සිදුවූ ප්රබලම පාඩුව වූයේ දෙවනි කඩුල්ල වෙනුවෙන් ඕෂධ සහ කුසල් මෙන්ඩිස් මනා ස්ථාවරත්වයක් ගොඩ නඟමින් පන්දුවට පහර දීමේ නියැළී සිටි බැවිනි. ආරම්භයේ සිටම වඩා විශ්වාසනීය පහර එල්ල කරමින් පන්දුවට පහර දුන් ඕෂධ මනරම් පහර එල්ල කරමන් ලකුණු ලබා ගැනීමේ කාර්යයේ නිරත විය.
එහෙත් උපක්රමයක් ලෙසින් දඟ කැවීමකින් තොරව නයීම් යොමු කරන ලද පන්දුවට ඕෂධ පිත්ත පැරදිණ. ඒහි ප්රතිඵලය වූයේ පිත්තේ පිටත දාරයේ වැදුණු පන්දුව කඩුලු රකින්නා සුරකිව රැක ගැනීම විය. දැවී ගියේ යැයි කරන ලද ඉල්ලීමට ප්රධාන විනිසුරුවරයා වූ රිචර්ඩ් කෙට්ල්බ්රෝගේ දබරැඟිල්ල ඉහළට එසවෙද්දී ඕෂධගේ ඉනිම ලකුණ 37 කදී නිමාවට පත්විය. කෙසේ වෙතත් ප්රධාන විනිසුරුවරයාගේ තීරණය අභියෝගයට ලක් කිරීමට ඕෂධ පියවර ගනු ලැබවද ඒම තීරණයේ වෙනසක් නොවීය.
ඕෂධගේ දැවී යෑමට ප්රථම නායක දිමුත්ව කඩුල්ල මුවා කිරීමේ වරදට හසු කර ගැනීමට නයීම් සමත්වූවේය. සාමාන්ය පන්දු යවන වේගයට වඩා තරමක් වේගයෙන් එවන ලද පන්දුවට කට් පහරක් එල්ල කිරීමට යෑමේදී පිතිකරු පසුකරගෙන පන්දුව යන විට ශබ්ද දෙකක් ඇසිණ. ඒ අනුව සිදකරන ලද ඉල්ලීමේදී විනිසුරුවරයා එය කඩුල්ල මුවා කිරීමේ දැවී යෑමෙක් ලෙසින් සංඥා කළේය. එහෙත් අනෙක් අන්තයේ රැදී සිටි ඕෂධගෙන් විමසීමෙන් අනතුරුව එම තීරණය අභියෝගයට ලක් කිරීමට ශ්රී ලංකා නායකයා පියවර ගත්තද රූපවාහිනී පුණරූපණවලදී පන්දව පිත්තේ වැදීමට ප්රථම පා ආවරණයේ වැදෙන බව පැහැදිළිවම සටහන් විය.
ඕෂධ සමඟ දෙවැනි කඩුල්ල වෙනුවෙන් ලකුණු 43 ක සම්බන්ධතාවක් පැවැත්වූ කුසල් මෙන්ඩිස් පන්දු 43 කදී ලකුණු 27 ක් ද ඇන්ජලෝ මැතිව්ස් පන්දු 11 කට මුහුණ දෙමින් ලකුණක්ද ලබා කඩුල්ලේ රැඳී සිටිති.
ශ්රී ලංකාව පළමු ඉනිම පන්දුවාර 24 කදී කඩුලු 2ට ලකුණු 73 යි – (ඕෂධ ප්රනාන්දු 36, දිමුත් කරුණාරත්න 09, කුසල් මෙන්ඩිස් නොදැවී 27, ඇන්ජලෝ මැතිව්ස් නොදැවී 01, නයීම් හසන් 28/2)
