slc
logo
Home   |    News
මැයි 25, 2022
ශ්‍රී ලංකා ක්‍රිකට් වෙතින් සෞඛ්‍ය අංශයට ඩොලර් මිලියන 2 ක පරිත්‍යාගයක්

sinhala editor

රටේ සෞඛ්‍ය පද්ධතියට සහායවීම සඳහා ඩොලර් මිලියන 2 ක් හෙවත් ශ්‍රී ලංකා  මුදලින් රුපියල් මිලියන 718 ක මුදලක් සෞඛ්‍ය අංශ වෙත පරිත්‍යාග කිරීමට ශ්‍රී ලංකා ක්‍රිකට් ආයතනය තීරණය කර තිබේ. මැයි 24 වැනිදා ශ්‍රී ලංකා ක්‍රිකට් මූලස්ථානයේදී රැස් වුණු ශ්‍රී ලංකා ක්‍රිකට් විධායක සභාව විසින් මෙම මුදල් පරිත්‍යාගය සඳහා අනුමැතිය ලබා දී තිබේ.

ඒ අනුව ළමා රෝග ‌සඳහා වන අත්‍යාවශ්‍ය ඖෂධ මිලදී ගැනීම සඳහා කොළඹ ‘රිජ්වේ ආර්යා රෝහල’ වෙත ඇමරිකානු ඩොලර් මිලියනක මුදලක් පරිත්‍යාග කෙරෙන අතර ඉතිරි ඇමරිකානු ඩොලර් මිලියනක මුදල පිළිකා රෝගීන්ට අවශ්‍ය ඖෂධ මිලදී ගැනීම වෙනුවෙන් ජාතික පිළිකා රෝහල වෙත ලබා දෙනු ඇත.

“රටට උපකාර අවශ්‍ය මේ මොහොතේදී මෙම පරිත්‍යාගය කිරීමට හැකිවීම සම්බන්ධව ශ්‍රී ලංකා ක්‍රිකට් ආයතනය අතිශයින්ම සතුටට පත් වන අතරම, මෙම අභියෝගාත්මක අවස්ථාව ජය ගැනීම සඳහා අපගේ ජාතියට අපේ උපරිම සහයෝගය ලබා දීමට බලාපොරොත්තු වෙනවා” යැයි අදාළ පරිත්‍යාගය සිදුකිරීම සම්බන්ධව ශ්‍රී ලංකා ක්‍රිකට් ආයතන සභාපති ශම්මි සිල්වා මහතා අදහස් දක්වා සිටියේය.

මෙම හදිසි අවශ්‍යතාවය සැලකිල්ලට ගනිමින් මෙම මූල්‍ය පරිත්‍යාගය අදාළ ආයතනවල නිලධාරීන් වෙත වහාම ක්‍රියාත්මක වන පරිදි ලබාදීමට ශ්‍රී ලංකා ක්‍රිකට් ආයතනය ක්‍රියාකරනු ඇත .  

“හැම විටම කොන්දේසි විරහිතව ශ්‍රී ලංකා ක්‍රිකට් ක්‍රීඩාවට සහ ක්‍රීඩකයින්ට සහයෝගය ලබා දෙන අපගේ ජනතාවට උපකාර කිරීමට පෙරට පැමිණීමට සුවිශේෂී ක්‍රීඩා සන්නාමය වන අපගේ වගකීමක් ලෙස අප සලකනු ලබනවා” යැයි ශ්‍රී ලංකා ක්‍රිකට් ලේකම් මොහාන් ද සිල්වා මහතා අදහස් දක්වා සිටියේය.

Active filters

Recent Posts

  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]

Pin It on Pinterest

USD United States (US) dollar