slc
Home   |    News
මැයි 4, 2022
LPL අධ්‍යක්ෂ ‘වික්‍රමරත්න’ ධුරයෙන් ඉවත්වෙයි – හිස්වූ පුටුව ‘දොඩන්වෙල’ට

sinhala editor

වසර 2 ක කාලයක් ලංකා ප්‍රිමියර් ලීග් ක්‍රිකට් තරගාවලියේ තරගාවලි අධ්‍යක්ෂකවරයා ලෙසින් කටයුතු කරන ලද ශ්‍රී ලංකා ක්‍රිකට් ආයතනයේ උප සභාපතිවරයා වන රවීන් වික්‍රමරත්න මහතා එම තනතුරින් ඉවත්වීමට තීරණය කර තිබේ. පෞද්ගලික හේතුවක් මත ඒ මහතා එම ධුරයෙන් ඉවත්ව ඇත.

ලොව පුරා ක්‍රීඩා ලෝලීන්ගේ දැඩි අවධානයට පාත්‍රවෙමින් අතිශය සාර්ථකත්වයට පත්ව 2020 වසරේදී පවත්වන ලද අභිනව ලංකා ප්‍රිමියර් ලීග් ක්‍රිකට් තරගාවලියේ සිට තරගාවලි අධ්‍යක්ෂකවරයා ලෙසින් කටයුතු කරන ලද වික්‍රමරත්න මහතා, 2021 වසරේ පැවැති තරගාවලියේදීද තරගාවලි අධ්‍යක්ෂකවරයා ලෙසින් තිරයෙන් පිටුපස සිට දැඩි කාර්ය භාරයක් ඉටු කළේය.

“මෙතෙක් කලක් අපි ඉතා හොඳින් ඉටු කරපු කාර්යය භාරය දිගටම කරගෙන යන්න අලුත් කෙනෙකුට භාර දෙන්න හොඳම කාලය තමයි මේ” යැයි සිය ධුරයෙන් ඉවත්ව යෑම පිළිබඳව වික්‍රමරත්න මහතා කරුණු දක්වා සිටියේය.

වික්‍රමරත්න මහතාගේ ඉවත්ව යෑමත් සමග එම තනතුර සඳහා ශ්‍රී ලංකා ක්‍රිකට් වර්තමාන තරග සංවිධායක කමිටුවේ සභාපතිවරයා ලෙසින් කටයුතු කරනු ලබන සමන්ත දොඩන්වෙල මහතා පත් කිරීමට ශ්‍රී ලංකා ක්‍රිකට් විධායක කමිටුව තීරණය කර තිබේ. විධායක කමිටුවේ සාමාජිකයකු ලෙසින්ද කටයුතු කරනු ලබන දොඩන්වෙල මහතා, මෙරට පළමු පෙළ ක්‍රිකට් තරගාවලිනය නියෝජනය කරමින් ශ්‍රී ලංකා ක්‍රිකට් සභාපතිවරයාගේ කණ්ඩායම පවා නියෝජනය කිරීමට වරම් ලද්දෙකි. දොඩන්වෙල මහතා 1991 සිට 1997 දක්වා වු කාල සීමාවේදී කොළඹ එස්. එස්. සී. ක්‍රීඩා සමාජය වෙනුවෙන් ක්‍රීඩා කර තිබේ.

වෘත්තියෙන් තේ රස පරීක්ෂකයකු වන දොඩන්වෙල මහතා වර්තමානයේ වෙළෙඳ සේවා තේ නිෂ්පාදන තැරැව්කරුවන්ගේ කළමනාකාර අධ්‍යක්ෂකවරයා ලෙස කටයුතු කරයි. කොළඹ තේ තැරැව්කරුවන්ගේ සංගමයේ සභාපතිවරයා ලෙසින්ද කටයුතු කරනු ලබන දොඩන්වෙල මහතා අන්තර්ජාතික ක්‍රිකට් සභාව සහ ශ්‍රී ලංකා ක්‍රිකට් ආයතනය විසින් සකස් කොට ඇති නීති රීතීන්වලට අනුව 2022 වසරේ පැවැත්වීමට නියමිත ලංකා ප්‍රිමියර් ලීග් හෙවත් එල්.පී.එල්. තරගාවලිය මෙහෙයවීමේ වගකීම පැවැරෙනු ඇත.

Recent Posts

  • අවධානම අඩු කර ගැනීමේ පළමු සටනට ශ්‍රී ලංකා පිල සූදානම් – දසුන්
    BY CHAMILA KARAWITA ලෝක කුසලාන ක්‍රිකට් තරගාවලියට සුදුසුකම් ලබා ගැනීම වෙනුවෙන් පැවැත්වෙන සුපිරි ලීග් තරගාවලිය යටතේ ශ්‍රී ලංකා කණ්ඩායම සහභාගිවන අවසන් එක්දින තරගාවලිය නවසීලන්ත කණ්ඩායමට එරෙහිව හෙට (25 […]
  • දඹුල්ල සිව්වැනි ජයත් සමඟින් අපරාජිතව ඉදිරියට
    නැෂනල් සුපර් ලීග් එක්දින සීමිත පන්දුවාර ක්‍රිකට් තරගාවලියේ අද (23 දා) රංගිරි දඹුලු ජාත්‍යන්තර ක්‍රීඩාංගණයේ පැවැති තරගයේදී ජැෆ්නා කණ්ඩායම ලකුණු 76 ක පරාජයකට ඇද දැමූ දඹුල්ල කණ්ඩායම පිට […]
  • කෲස්පුල්ලේගෙන් අනුකම්පා විරහිත පිතිහරඹයක්
    ශ්‍රී ලංකා ක්‍රිකට් ආයතනය විසින් මෙහෙයවනු ලබන නැෂනල් සුපර් ලීග් සීමිත පන්දුවාර ක්‍රිකට් තරගාවලියේ මූලික තරග වටය යටතේ අද (23 දා) පල්ලකැලේ ජාත්‍යන්තර ක්‍රීඩාංගණයේ පැවැති තරගයේදී ලකුණු 167 […]
  • යාපනයේ ක්‍රිකට් ගැන විතූෂාන් කතා කරයි
    යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් […]
  • ශ්‍රී ලංකා යොවුන් පිලට ලකුණු 62 ක පරාජයක්
    අබුඩාබිහි පැවැත්වෙන තුන්කොන් ක්‍රිකට් තරගාවලියේ ශ්‍රී ලංකා වයස අවුරුදු 19 න් පහළ කණ්ඩායම තරග වැදි දෙවැනි එක්දින තරගයේදී ඇෆ්ගනිස්තානු පිළ හමුවේ ලකුණු 62 ක පරාජයක් ලැබීය. මෙම ජයත් […]
LKR Sri Lankan rupee

Pin It on Pinterest