slc
logo
Home   |    News
ජූනි 2, 2022
සිංහ – කැන්ගරු සටනේ ප්‍රවේශ පත්‍ර සෙනසුරාදා සිට

sinhala editor

ලබන 07 වැනිදා සිට ආරම්භ වන ඔස්ට්‍රේලියානු ක්‍රිකට් කණ්ඩායමේ ශ්‍රී ලංකා තරග සංචාරයට අදාළ ප්‍රවේශ පත්‍ර ජුනි මස 04 වැනිදා හෙවත් සෙනසුරාදා දිනයේ සිට නිකුත් කිරීමට ශ්‍රී ලංකා ක්‍රිකට් ආයතනය විධිවිධාන යොදා තිබේ.

ජුනි මස 07 වැනිදා ආරම්භ වන දෙරට අතර පන්දුවාර විස්සයි-20 තරගාවලියෙන් අනතුරුව තරග 5 කින් සමන්විත ඒක්දින තරගාවලියත් ඊට පස් තරග 2 කින් සමන්විත ටෙස්ට් තරගාවලියත් පැවැත්වෙනු ඇත. තරගාවලිය නැරඹීමට බලාපොරොත්තු වන ක්‍රීඩා ලෝලීන්ට www.srilankacricket.lk නිල වෙබ් අඩෙවයෙන් වෙන්කරවා ගත හැකි වන අතරම ඊට අමතරව ශ්‍රී ලංකා ක්‍රිකට් ආයතනයේ පිහිටුවා තිබෙන ප්‍රවේශපත්‍ර කවුලුවෙන් මිලදී ගැනීමේ අවස්ථාව උදාවේ.

මේ අතර පල්ලකැලේ සහ ගාල්ල අන්තර්ජාතික ක්‍රීඩාංගණවලදී පැවැත්වෙන තරග සඳහා වන ප්‍රවේශ පත්‍ර පිළිවෙළින් ජුනි 08 වැනිදා සහ ජුනි 26 වැනිදා සිට මිලදී ගැනීමට ක්‍රිකට් ලෝලීන්ට අවස්ථාව උදාවෙනු ඇත. තරග පැවැත්වෙන දිනයන්හි ක්‍රීඩාංගණයේ ප්‍රවේශපත්‍ර අළෙවිය සිදු නොකරන අතර අන්තර්ජාල ඔස්සේ වෙන්කර ගනු ලබන ප්‍රවේශ පත්‍රද තරගය පැවැත්වෙන දිනට පෙර දිනයේදී අදාළ ප්‍රවේශපත්‍ර කවුලුවලදී ගත හැකි වන ආකාරයට ශ්‍රී ලංකා ක්‍රිකට් ආයතනය කටයුතු යොදා තිබේ.

කොළඹ ආර්. ප්‍රේමදාස ක්‍රීඩාංගණයේ පැවැත්වෙන තරග සඳහා රු. 300, 1500,  2500, 4000 සහ 5000 යන මිල ගණන් වලටද පල්ලකැලේ ජාත්‍යන්තර ක්‍රීඩාංගණයේ පැවැත්වෙන තරග වල ප්‍රවේශ පත්‍ර රු. 300, 2000, 4000, 5000 සහ 6000 යන මිල ගණන් වලටද අලෙවි වන අතර ගාල්ලේ පැවැත්වෙන ටෙස්ට් තරග සඳහා රුපියල් 300, 500, 1000, 5000 සහ 7500 යන මිල ගණන් වලට අලෙවි වෙනු ඇත.

ගෙවී ගිය වසර 2 කට අධික කලයේදීම රට තුළ පැවැති කොරෝනා වසංගත තත්ත්වය හේතුවෙන් තරග නැරඹීමේ අවස්ථාව සීමිත පිරිසකට උදාවුවත් මෙම තරගාවලියේදී මුලු ක්‍රීඩාංගණයම ප්‍රේක්ෂකයින් වෙනුවෙන් විවෘත කිරීමට සෞඛ්‍ය අංශ අවසර දී තිබීමද විශේෂත්වයක් වේ.

Active filters

Recent Posts

  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]

Pin It on Pinterest

USD United States (US) dollar