පළමු තරගය පරාජය පරාජය වූ පසුව කණ්ඩායමේ උනන්දුව වැඩි වූ බව ශ්‍රී ලංකා දඟ පන්දු යවන ක්‍රීඩක මහීෂ් තීක්ෂණ පැවැසීය. හෙතෙම මේ බව පැවැසූවේ නෙදර්ලන්තය සමග තරගයෙන් ශ්‍රී ලංකාව ලකුණු 16ක ජයක් ලබා විස්සයි 20 ලෝක කුසලාන සුපිරි 12 යටයට පිවිසීමෙන් අනතුරුව ජීලෝන්ග් හීදී පැවැති මාධ්‍ය හමුවකදීය.
“ පළමු තරගයෙන් පසුව අප දැනගත්තා අනෙක් තරග දෙකම ජයගත යුතු බව. ඒ නිසා උනන්දුව වැඩි වුණා. කණ්ඩායමක් හැටියට අප එක්ව වෙහෙස මහන්සි වී කළ පුහුණුවේ ප්‍රතිඵල දැන් ලැබෙනවා. ලෝක කුසලානයේ හැම ටීම් එකක්ම හොද කණ්ඩායම්. නමුත් අපට යම් පීඩනයක් තිබුණා ආසියා කුසලානය දිනා පැමිණි කණ්ඩායම නිසා අපේ තත්ත්වය රැකගෙන ක්‍රීඩා කිරීමට. දෙවැනි තරගයෙන් පසුව අපේ විශ්වාසය වැඩි වෙලා තියෙන්නේ. දැන් අපි කලින් වගේ ජයග්‍රාහී මාවතට පිවිස සිටිනවා. හොද මානසිකත්වයක් ගොඩ නැගුණා. ආසියා කුසලානය දිනා ගත්තා සේම ක්‍රීඩකයන්ගේ විශ්වාසය වැඩි වෙලා තියෙනවා“ තීක්ෂණ පැවැසීය.
“ඔස්ට්‍රේලියාවේ සීතල දේශගුණයක් තියෙනවා. එයටත් වඩා ජීලෝන්ග් පිටියේ පිතිකරණයේදී හොදින් තේරෙනවා උඩින් ගහන පාරවල් හතරේ සීමාවට යන්නේ නැති බව. පන්දුව එක තැන නවතිනවා. මේ ක්‍රීඩා පිටිය හරිම මෘදු එකක්. පන්දුව හයියෙන් ගමන් කරන්නේ නෑ. ඒ නිසා පිතිකරණයේදී යම් පීඩනයක් වගේම පන්දු රුකීමේදී ක්‍රීඩකයන් ආබාධවලට ලක් වෙන්න පුලුවන්“ තීක්ෂණ පැහැදිලි කළේය.
ජීලෝන්ග් තණතිල්ල ඉතා මන්දගාමී එකක් බව මෙම මාධ්‍ය හමුවට එක්වූ කුසල් මෙන්ඩිස් පැවැසීය. ඔහු නෙදර්ලන්තයට එරෙහි තරගයේද පරිනත ක්‍රීඩා විලාශයක් ප්‍රදර්ශනය කරමින් පන්දු 44කදී දැවැන්ත හයේ පහර 5ක් හා හතරේ පහර 5ක් සමග ලකුණු 79ක් ලබා ගැනීමට සමත් විය. එය ශ්‍රී ලංකා ජයග්‍රහණයට ප්‍රබල පිටුබලයක් ද විය.
“ තරගයට පෙර විකට් එක බලද්දී අප හිතුවේ නෑ මන්දගාමී එකක් වෙයි කියලා. නමුත් ඕවර් කිහිපයක් ක්‍රීඩා කරද්දී දැනුනා විකට් එකේ තත්ත්වය. මට ප්‍රහාර එල්ල කළ හැකි පහසු පන්දු කිහිපයක් ලැබුණා. නමුත් පැතුම් ට එල්ල වූ පන්දු අමාරු ඒවා. ඒ නිසා ක්‍රීඩා ගාරයට පණිවිඩයක් යැව්වා ඕවර් 10ක් වගේ යනකල් හෙමින් පහර දෙනවා කියලා. ඒකයි මුල් ඕවර් කිහිපයේ ලකුණු වෙිගය අඩු වුණේ“ කුසල් මෙන්ඩිස් පැවැසීය.
“ඔස්ට්‍රේලියාවේ අප මෙයට ටික කලකට පෙර තරගාවලියකදී ක්‍රීඩා කළා. ඒ තරගාවලිය පැරදුනත් අපේ ක්‍රීඩකයන් දක්ෂතා දැක් වූවා. ඒ නිසා ලෝක කුසලානයේදී අපට මොන කණ්ඩායම ඉදිරියේදී හමු වුනත් ප්‍රශ්නයක් නෑ. අපි දැන් දන්නවා මේ තණතිලි මේ දිනවල හැසිරෙන ආකාරය. හොදින් මුහුණදිය හැකි ශක්තිමත් කණ්ඩායමක් අප සතුව තිබෙනවා“ යැයි කුසල් සදහන් කළේය.
ඔක්තෝබර් 21, 2022
අපි කලින් වගේ ජයග්‍රාහී මාවතට පිවිස සිටිනවා – මහීෂ් තීක්ෂණ
sinhala editor
- ඕවර් 50 කාන්තා ආරාධිත ක්රිකට් අවසන් මහා තරගය හෙට බීආර්සී පිටියේදී
ශ්‍රී ලංකා ක්රිකට් ආයතනය සංවිධානය කරන කාන්තා ප්රධානතම ක්‍රීඩා සමාජ ඕවර් 50 ආරාධිත ක්රිකට් තරගාවලියේ අවසන් මහා තරගය ශ්‍රී ලංකා ගුවන් හමුදාව හා ශ්‍රී ලංකා යුද හමුදා කණ්ඩායම […] - තුන්දින ක්රිකට් මූලික වටයේ අවසන් සතියශ්රී ලංකා ක්රිකට් ආයතනය මෙහෙය වන අන්තර් සමාජ මේජර් තුන්දින ලීග් ක්රිකට් තරගාවලියේ මූලික වටයේ අවසාන සති අන්තයේ තරග දෙසැම්බර් 1 – 3 දක්වා පැවැත් වේ. මූලික වටයේ […]
- ගුවන් – යුද කාන්තාවෝ අවසන් මහා සටනට එතිශ්රී ලංකා ක්රිකට් ආයතනය සංවිධානය කරන කාන්තා ප්රධානතම ක්‍රීඩා සමාජ ඕවර් 50 ආරාධිත ක්රිකට් තරගාවලියේ අවසන් මහා තරගයට ශ්‍රී ලංකා ගුවන් හමුදාව හා ශ්‍රී ලංකා යුද හමුදා කණ්ඩායම් […]
- සත්යා – හංසිමා ශතක රැස් කරතිශ්රී ලංකා ක්රිකට් ආයතනය මෙහෙයවන කාන්තා අන්තර් සමාජ ආරාධිත එක්දින ක්රිකට් තරගාවලියේ අද (29) පැවැති නාවික හමුදාව සහ ඒස් කැපිටල් අතර තරගයේදී නාවික හමුදාවේ සත්යා සංදීපනී (නොදැවී 156) […]
- කොළඹින් පිට පළාත් 15න් පහළ ක්රීඩකයෝ කොළඹ සමඟ කරට කරමෙරට අනාගත ක්රිකට් තරු හඳුන්වාදීමේ අරමුණින් ප්රීමා සමාගම හා එක්ව ශ්‍රී ලංකා ක්රිකට් ආයතනය විසින් සංවිධානය කරනු ලැබූ ප්රීමා කුසලාන වයස අවුරුදු 15න් පහළ යූත් ලීග් ක්රිකට් තරගාවලියේ […]
