ලෝක කුසලාන තරගාවලියේදී ශ්‍රී ලංකාවේ මහත් යලා‌පොරොත්තුවක් බවට පත්ව සිටි වේග පන්දු යවන ඩිල්ෂාන් මදුශංකට ආබාධයක් හේතුවෙන් ලෝක කුසලාන තරගාවලියට ක්‍රීඩා කිරීමේ අවස්ථාව අහිමිව තිබේ. කලවයේ මස්පිඩු ඉරීයෑමක් ඊට හේතුවී තිබේ.
කෙසේ වෙතත් ඒ සදහා තවත් වමත් පන්දු යවන්නකු වන බිනුර ප්‍රනාන්දුව කණ්ඩායමට එක් කිරීමට අන්තර්ජාතික ක්‍රිකට් සභාවේ තාක්ෂණික කමිටුවේ අනුමැතිය ලැබී තිබේ. ඒ අනුව බිනුර වහාම ක්‍රියාත්මක වන පරිදි ඔස්ට්‍රේලියාව බලා පිටත්ව යනු ඇත.
අන්තර්ජාතික ක්‍රිකට් සභාවේ ක්‍රිකට් කමිටු සභාති වසීම් ඛාන්, එම ඉසව් ප්‍රධානී ක්‍රිස් ටෙට්ලි, ඔස්ට්‍රේලියානු ක්‍රිකට් ආයතනයේ පීටර් රෝච්, ලෝක කුසලාන තරගාවලි සංවිධායක කමිටු සාමාජික ෂේන් ඩොයිල්, දකුනු අප්‍රිකානු හිටපු නායක ෂෝන් පොලොක් සහ බටහිර ඉන්දීය දූපත්හි හිටපු වේග පන්දු යවන්නකු වන ඉයන් බිෂොප් එම තාක්ෂනික කමිටුවට ඇතුළත්ව සිටිති.
