මේජර් ලීග් තුන්දින ක්‍රිකට් තරගාවලියේ තවත් තරග දෙකක් ඔක්තෝබර් 24 ජයපැරදුමින් තොරව නිමාවට පත්විය. නාවික හමුදාව සහ ඒස් කැපිටල් තරගයත් බදුරලිය සහ ගුවන් හමුදාව අතර තරගත් එසේ විසඳුම් රහිතව නිමාවට පත්වූ තරග බවට පත්විය.
නාවික හමුදාව – ඒස් කැපිටල් තරගයේදී මුලින් පන්දුවට පහරදුන් නාවික හමුදාවේ පිතිකරුවන් තිදෙනෙකුම අර්ධ ශතක ලබාගනිමින් කැපී පෙනුණි. අර්ධ ශතක රැස්කළ නාවික හමුදා පිතිකරුවන් වුයේ සහන් කෝසල (71) අදීෂ නානායක්කාර (56) සහ සවින් ගුණසේකරය (නොදැවී 51) දක්ෂ පන්දු යැවීම නිරතවූ ඒස් කැපිටල් කණ්ඩායමේ මොහමඩ් ඉර්ෆාන් ලකුණු 83 කට කඩුලු හයක් දවාලීය .
ඒස් කැපිටල් කණ්ඩායමේ නිහාඩ් කාදම් (නොදැවී 63) සහ ප්‍රමුද් හෙට්ටිවත්ත (51) පිතිකරුවන් දෙදෙනාද අර්ධ ශතක වාර්තා කළහ.
බදුරලිය සහ ගුවන් හමුදාව අතර තරගයේදී වාර්තාවූයේ එකම අර්ධ ශතකයක් පමණකි. මුලින් පන්දුවට පහරදුන් බදුරලිය කණ්ඩායමේ අලංකාර අසංක ද සිල්වා ලකුණු 53 ක් රැස් කිරීමට සමත්විය . ගුවන් හමුදාවේ ගයාන් සිරිසෝම දක්ෂ පන්දු යැවීමක නිරත වෙමින් ලකුණු 71 කට කඩුලු පහක්ම දවාලීමට සමත්විය.
බදුරලිය මුල් ඉනිමේ රැස්කල ලකුණු 188 පිළිතුරු ලෙස දිනය නිමවනවිට ගුවන් හමුදාව කඩුලු පහට ලකුණු 71ක් ලබා සිටි අතර වැඩිම ලකුණු ලාභියා වුයේ උදයවංශ පරාක්‍රමය (19යි) පන්දු යැවීමේදී කැපී පෙනුණු බදුරලිය කණ්ඩායමේ චලන ද සිල්වා ලකුණු 36 කට කඩුලු තුනක් දවාලිය.
නාවික හමුදාව – ගුවන් හමුදාව
නාවික හමුදාව මුල් ඉනිම කඩුලු 9 ට 206 ( පන්දුවාර 60.2යි) – සහන් කෝසල 71 අදීෂ නානායක්කාර 56, සවින් ගුණසේකර නොදැවී 51 සුපුන් ලීලාරත්න 18 මොහමඩ් ඉර්ෆාන් 83/6 රොහාන් ජයතිස්ස 26/3
ඒස් කැපිටල් 6 ට 155 යි ( පන්දුවාර 38) – නිනාඩ් කාදම් නොදැවී 63 ප්‍රමුද් හෙට්ටිවත්ත 51 ලසිත් කෘස්පුල්ලේ 17 නවින් කවිකාර 67/3 යි විනෝද් පෙරේරා 27/2
බදුරලිය – ගුවන් හමුදාව
බදුරලිය මුල් ඉනිම 188( පන්දුවාර 48.5යි) – අලංකාර අසංක ද සිල්වා 53 දුනිත් ජයතුංග 46 රනේෂ් සිල්වා 32 හසිත අමරසිංහ 21චලන ද සිල්වා 19 ගයාන් සිරිසෝම 71/5 මුවින් සුබසිංහ 50/4
ගුවන් හමුදාව කඩුලු 5 ට 71( පන්දුවාර 12.2යි) – උදයවංශ පරාක්‍රම 19 මිෂෙන් සිල්වා 17 සුපේසල ජයතිලක නොදැවී 14 චලන ද සිල්වා 36/3 නිර්මාල් රත්නායක 4/1
