ඔස්ට්රේලියාව සමග නිමාවූ සුපිරි 12 වටයේ තරගයේදී වේග පන්දු යවන ක්රීඩක බිනුර ප්රනාන්දු ආබාධයකට ලක්විමෙන් ඉවතට ගියේය. ඔහුගේ කළවා ප්රදේශයේ ආබාධායක් සිදුව ඇතැයි ශ්රී ලංකා පුහුණුකරු ක්රිස් සිල්වර්වුඩ් මහතා තරගයෙන් අනතුරුව පැවැති මාධ්ය හමුවේදී සදහන් කළේය.
ඔස්ට්රේලියාවට එරෙහිව බිනුර පන්දු යැවීම ආරම්භ කළ අතර, පන්දු පහක් යැවීමෙන් අනතුරුව ඔහුගේ දකුණු පාදයේ අපහසුතාවක් ඇතිවිය. ඔහු ඕවරය නිමා නොකොට ක්රීඩාගාරයට පැමිණි අතර ඒ සම්බන්ධව විමසීමේදී ශ්රී ලංකා පුහුණුකරු ඉහත අදහස් පළ කර සිටියේය.
“අවාසනාවන්ත ලෙස අපේ ක්රීඩකයන් ආබාධවලට ලක්වෙනවා. විශේෂයෙන්ම වේග පන්දු යවන්නන්. අපේ භෞත චිකිත්සක හා කණ්ඩායමේ වෛද්යවරයා ඉතා වෙහෙස මහන්සියෙන් මේ සම්බන්ධව වැඩ කරනවා. මේ තත්ත්වය තවදුරටත් සොයා බලා තීරණ කිහිපයක් ඉදිරියේදී ගන්න සිදු වෙනවා“.
මෙයට පෙර ශ්රී ලංකා ප්රධාන වේග පන්දු යවන ක්රීඩක දුෂ්මන්ත චමීර ආබාධයකට ලක්වූ අතර එය ශ්රී ලංකාවට දැඩි පහරක් විය. අනතරුව ධනුෂ්ක ගුණතිලක හා දිල්ෂාන් මධුසංඛ ආබාධවලට ගොදුරු වූ අතර ඒ අතරට බිනුර ප්රනාන්දු ද එක්ව තිබේ.
