ආබාධ තත්ත්වයක් හේතුවෙන් ලෝක කුසලාන තරගාවලිය සඳහා සහභාගිව සිටින ශ්‍රී ලංකා කණ්ඩායමෙන් ධනුෂ්ක ගුණතිලකව ඉවත් කෙරුණද දිගින් දිගටම කණ්ඩායම සමග රඳවා තබා ගැනීමට හේතු වූ කරුණු මොනවාද යන්න පැහැදිළි කිරීමට ශ්‍රී ලංකා ක්‍රිකට් ආයතනය අද (11 දා) පස්වරුවේ පියවර ගනු ලැබීය.
නැමීබියාවට එරෙහි තරගයේදී ආබාධයට මුහුණ දුන් ගුණතිලක ඉක්මනින් සුව ලබමින් සිටි නිසා වෛද්‍යවරුන් සහ තේරීම් කමිටුව නිලධාරීන් සමග සමඟ සාකච්ඡා කිරීමෙන් පසු කණ්ඩායම් කලමනාකාරීත්වය තවදුටත් ඔහුව තවදුරටත් කණ්ඩායමේ රඳවා තබා ගැනීමට තීරණය කර ඇත.
මෙහිදී වැඩිදුරටත් කරුණු පැහැදිළි කර සිටින ශ්‍රී ලංකා ක්‍රිකට් ආයතනය, ගුණතිලක යනු ඒ වන විටත් ඔස්ට්‍රේලියාවේ පවතින දේශගුණික තත්ත්වයට හුරුවී සිටි බැවින් නැවත අවශ්‍යතාවයක් ඇති වුවහොත් වහාම සංචිතයට ගුණතිලකව එකතු කරගැනීම සඳහා තිබූ හැකියාව පිළිබඳව අවධානය යොමු කරමින් ඔහුව තවදුරටත් ඔස්ට්‍රේලියාවේ රඳවා තබා ගනිමින් පුහුණුවීම් කටයුතු වලට සහභාගිකර ගැනීමට කලමනාකාරීත්වය තීරණය කර තිබේ.
