slc
logo
Home   |    News
නොවැම්බර් 19, 2022
නිමාෂාගේ සුපිරි පන්දු යැවීමෙන් ග්‍රීන්ස්ට පළමු ජය

sinhala editor

ශ්‍රී ලංකා ක්‍රිකට් ආයතනය විසින් මෙහෙයවනු ලබන කාන්තා සුපිරි කණ්ඩායම් 4 අතර තරගාවලියේ තෙවැනි තරගය ලෙසින් ‌අද (19 දා) කොළඹ බී.ආර්.සී. පිටියේ පැවැති තරගයෙන් බ්ලූස් පිලට එරෙහිව කඩුලු 8 ක පහසු ජයක් වාර්තා කිරීමට ග්‍රීන්ස් කණ්ඩායම සමත්විය.

වමතින් දඟ පන්දු යවන නිමාෂා මදුශානි විසින් ග්‍රීන්ස් පිලේ කඩුලු 6 ක් දවා ගනිමින් දක්වන ලද දක්ෂතාව මත මෙවර තරගාවලියේ පළමු ජය වාර්තා කර ගැනීමටද අනුෂ්කා සංජීවනීගේ නායකත්වයෙන් යුතු ග්‍රීන්ස් පිලට හැකියාව ලැබිණ.

තම පන්දුවාර 10 ම යැවූ නිමාෂා මදුශානි ලකුණු 13 ක් ඇතුලත කඩුලු 6 ක් දක්වමින් දක්වන ලද දක්ෂතාවය මෙවර තරගාවලියේ මෙතෙක් පන්දු යවන්නියක් විසින් වාර්තා කරන ලද හොඳම පන්දු යැවීම ලෙසින් ද සටහන් විය. නිමාෂා හැරුනු කොට දැවී ගිය කඩුලු 10 න් තවත් කඩුලු 2 ක් තමන් සතු කර ගැනීමට සුලේෂා සත්සරණි සමත්වූවාය.

මෙම පන්දු යැවීමේ දක්ෂතාවන් ප්‍රධාන කොට ලකුණු 92 ක ඉලක්කයක් හිමිවූ ග්‍රීන්ස් පිල එය හඹා යෑමේදී පන්දු වාර 23 කුත් පන්දු 4 ක් අවසනදී කඩුලු 2ක් පමණක් දැවී රැස් කර ගැනීමට සමත්විය. එම හඹා යෑමේදී ආරම්භක පිතිකාරිණියන් වුනු හසිනි පෙරේරා පන්දු 76 කදී නොදැවී ලකුණු 35 ක් ලබා වැඩිම ලකුණු ලාභිණිය වූවාය. එම ඉනිමට හතරේ පහර 3 ක් පමණක් ඇතුළත් විය. ඇයට අනගි සහායක් ලබා දුන් කුෂාන්ති ලියනගේ ලකුණු 21 ක් ලබා ගත්තාය.  ලකුණු අතරට පැමිණීමට අසමත්ව සිටින නායිකා අනුෂ්කා සංජීවනී අද තරගයේදීද ලකුණු 09 කට දැවී ගියාය.

මෙතෙක් තරගාවලියේ අපරාජිතව පසුවන කණ්ඩායම් වන රෙඩ්ස් සහ ග්‍රේස් අතර තරගය හෙට (20 දා) බී.ආර්.සී. පිටියේදී පැවැත්වෙනු ඇත.

බ්ලූස් පන්දුවාර 36.1 කදී ලකුණු 91 යි – (රෝෂිනී පෙරේරා 26, සත්‍යා සංදීපනී 18, නිමාෂා මදුශානි 13/6, සුලේෂා සත්සරණි 14/2)

ග්‍රීන්ස් පන්දුවාර 23.4 කදී කඩුලු 2 ට ලකුණු 94 යි – (හසිනි පෙරේරා (නොදැවී) 35, කුෂාන්ති ලියනගේ 21, අමාදි විජේසිංහ (නොදැවී) 19)

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo