slc
logo
Home   |    News
නොවැම්බර් 19, 2022
සිංහ – ඇෆ්ගන් ක්‍රිකට් ගැටුමේ ‘ටිකට්’ ගන්න පුලුවන් තැන් මෙන්න

sinhala editor

ඇෆ්ගනිස්තාන ක්‍රිකට් කණ්ඩායමේ ශ්‍රී ලංකා තරග සංචාරය යටතේ පැවැත්වීමට නියමිත තරග 3 කින් සමන්විත එක්දින තරගාවලිය සදහා වන ප්‍රවේශපත්‍ර නිකුත් කරන දින සහ ස්ථාන මොනවාද යන්න ශ්‍රී ලංකා ක්‍රිකට් විසින් නිවේදනය කර සිටියි.

පන්දුවාර 50 එක්දින ලෝක කුසලාන ක්‍රිකට් තරගාවලිය සඳහා සුදුස්සන් තේරීම වෙනුවෙන් පවත්වනු ලබන තරගාවලියට අයත් මෙම තරගාවලියේ සියලුම තරග මහනුවර පල්ලකැලේ ජාත්‍යන්තර ක්‍රීඩාංගණයේ පැවැත්වේ.

මෙම මස 25 වැනිදා සිට ආරම්භ වීමට නියමිත දෙරට අතර එක්දින තරගාවලියේ ප්‍රවේශ පත1 මේ මස 22 වැනිදා සිට නිකුත් කිරීමට ශ්‍රී ලංකා ක්‍රිකට් විධි විධාන යොදා තිබේ.

ඒ අනුව එම ප්‍රවේශ පත්‍ර ශ්‍රී ලංකා ක්‍රිකට් ආයතන මූලස්ථානයේ පිහිටුවා තිබෙන ප්‍රවේශ පත1 කවුලුවෙන් පෙ.ව. 9.00 සිට ප.ව. 5.00 දක්වා කාලයේදී මිලදී ගැනීමේ හැකියාව පවතිනු ඇත. ඊට අමතරව පල්ලකැලේ ක්‍රීඩාංගණයේද එම ප්‍රවේශ පත්‍ර අලෙවි කිරීමට ශ්‍රී ලංකා ක්‍රිකට් ආයතනය බලාපොරොත්තු වන අතර එහිදී තරග පැවැත්වෙන දිනයන්හිදී හැර සෙසු දිනයන්හිදී පෙ.ව. 9.00 සිට ප.ව. 5.00 දක්වා ක්‍රීඩාංගණයේ ඉදිරිපසදී අලෙවි වන අතර තරග පැවැත්‌වෙන දිනයන්හිදී පමණක් බලගොල්ල, අභීත ක්‍රීඩාංගණයේදී පෙ.ව. 9.00 සිට ප.ව. 6.00 දක්වා ප්‍රවේශ පත්‍ර මිලදී ගැනීමේ හැකියාව ක්‍රීඩා ලෝලීන්ට උදාකර දී තිබේ.

Active filters

Recent Posts

LKR Sri Lankan rupee

Pin It on Pinterest