Chamila Karawita reporting from Pallekele

ලංකා ප්‍රිමියර් ලීග් ක්‍රිකට් තරගාවලිය යටතේ ප්‍රබල කැන්ඩි ෆෙල්කන්ස් කණ්ඩායමත් දඹුල්ල අවුරා පිලත් මුණ ගැසුණු පළමු අවස්ථාව වන 11 වැනි තරගයේදී කාසියේ වාසිය තමන් සතු කරගත් කැන්ඩි නායක වනිඳු හසරංග පළමුව පන්දුවට පහර දීමට තීරණය කළේය.

මෙතෙක් සහභාගිව ඇති තරග 4 න් තරග 3 ක් ජය ගැනීමට කැන්ඩි කණ්ඩායම සමත්ව සිටියත් ඔෘවුන්ගේ ප්‍රතිවාදීන් වන දඹුල්ල පිල තවමත් තරගාවලියේ ජයග්‍රහණයක් ලැබීමට අසමත්ව තිබේ. එබැවින් අද තරගයේ ජය ඔවුන් අතිශය තීරණාත්මක වේ. මන්ද යත් අවසන් කණ්ඩායම් 4 අතර තරග යටයට පිවිසීමේ බලාපොරොත්තු තබා ගැනීමට නම් ‌අද තරගයේ ජය දඹුල්ල පිලට තීරණාත්මක වේ.

අද තරගය පැවැත්වෙන තණතීරුව නවතම තණතීරුවක් බැවින් කාසියේ වාසියත් සමඟ වැඩි ලකුණු සංඛ්‍යාවක් ලකුණු පුවරුවේ රඳවමින් ප්‍රතිවාදීන්ට තර්ජනයක් එල්ල කිරීම වනිඳු ඇතුළු පිරිවරගේ සැලසුම වී තිබේ. කෙසේ වෙතත්, දෙවැනියට හඹා යෑම එතරම් අසීරු දෙයක් නොවන බවද දසුන් ශානකගේ මතය වී තිබේ.

දඹුල්ල අවුරා – 1. ෂෙවෝන් ඩැනියල්, 2. ජෝර්ඩ්න් කොක්ස්, 3. භානුක රාජපක්ෂ, 4. ලසිත් කෲස්පුල්ලේ, 5. දසුන් ශානක (නායක), 6. සිකන්දර් රාසා, 7. රමේෂ් මෙන්ඩිස්, 8. චතුරංග ද සිල්වා, 9. ප්‍රමෝද් මදුශාන්, 10. නූර් අහමඩ්, 11. පෝල් වෑන් මීකරන් කැන්ඩි ෆැල්කන්ස්  – 1. පැතුම් නිස්සංක, 2. ඇන්ඩ්‍රෙ ෆ්ලෙචර්, 3. කමිඳු මෙන්ඩිස්, 4. අෂේන් බණ්ඩාාර, 5. නජිබුල්ලා සද්‍රාන්, 6. වනිඳු හසරංග, 7. කාලෝස් බ්‍රැත්වෙයිට්, චාමික කරුණාරත්න, 9. ෆේබියන් ඇලන්, 10. චමිදු විජේසිංහ, 11. ඉසුරු උදාන.