slc
logo
Home   |    News
ජනවාරි 29, 2023
කඩුලු 5 ක ජයක් සමගින් දඹුල්ල කරළියට

sinhala editor

නැෂනල් සුපර් ලීග් සමාරම්භක සතියේදී අන්ත පරාජයකට මුහුණ දුන්නද යලිත් දස්කම් අතර පිවිසි දඹුල්ල කණ්ඩායම කොළඹ එස්. එස්. සී. පිටියේ පැවැති දෙවැනි සිව්දින තරගයේදී ජැෆ්නා පිලට එරෙහිව කඩුලු 5 ක ජයක් වාර්තා කරමින් තරගාවලියේ පළමු ජය අද (29 දා) පෙරවරුවේදී වාර්තා කරගත්තේය.

ජයග්‍රහණය සඳහා ලකුණු 199 ක ඉලක්කයක් හඹා ගිය දඹුල්ල කණ්ඩායමට සිව්වැනි දිනදී අවශ්‍ය වූයේ කඩුලු 6 ක් ඇතුළත ලකුණු 45 ක් වන අතර එක් කඩුල්ලක් පමණක් දැවී ඉලක්කය සපුරා ගැනීමට දඹුල්ල පිතිකරුවෝ සමත්වූහ.

දිනය ආරම්භයේදී අශාන් ප්‍රියන්ජන් ලකුණු 12 කට දැවී ගියත් සනෝජ් දර්ශික ලකුණු 60 ක් සහ රනිත ලියනාරච්චි ලකුණු 10 ක් වශයෙන් දඹුල්ල පිල ජයග්‍රහණය කරා රැගෙන ගියහ. රනිතට අමතරව දඹුල්ල දෙවැනි ඉනිම වෙනුවෙන් පළමු ඉනිමේ අර්ධ ශතකයක් වාර්තා කළ මිනෝද් භානුක යළිත් සාර්ථක වෙමින් ලකුණු 55 ක් ලබා ගත්තේය.

යාපනය කණ්ඩායම පළමු ඉනිම ලකුණු 62 කට දැවී ගියද දෙවැනි ඉනිමේදී සටන්කාමී පිතිහරඹයක නියැළෙමින් ලකුණු 349 ක් රැස් කර ගැනීමට සමත්විය. ඒ වෙනුවෙන් පිතිකරුවන් තිදෙනෙකු අර්ධ ශතක වාර්තා කළ අතර නවෝද් පරණවිතාන (64), රොන් චන්ද්‍රගුප්ත (57) සහ රවිදු ප්‍රනාන්දු (64) එම පිතිකරුවෝ වූහ.

ජැෆ්නා කණ්ඩායමට මෙම තරගයේදී සිදුවූ දැවැන්තම පාඩුව බවට පත්වූයේ පළමු ඉනිම ලකුනු 62 කට සීමාවීමය. එහිදී විශිෂ්ඨ පන්දු යැවීමක නිරත වුණු විශ්ව ප්‍රනාන්දු ලකුණු 14කට කඩුලු 5 ක්ද අසිත ප්‍රනාන්දු ලකුණු 24 කට කඩුල 4 ක්ද දවාලමින් පන්දුවෙන් කැපී පෙනිණ. දෙවැනි ඉනිමේදීද සාර්ථක වුණු අසිත ප්‍රනාන්දු ලකුණු 64කට කඩුලු 3 ක් දවාලීය.

ජැෆ්නා පළමු ඉනිම 62 යි – (කසුන් අබේරත්න 16, ළහිරු මදුශංක 10, රවිදු ප්‍රනාන්ද 13, විශ්ව ප්‍රනාන්දු 14/5, අසිත ප්‍රනාන්දු 24/4) සහ දෙවැනි ඉනිම 349 යි – (රොන් චන්ද්‍රගුප්ත 67, නවෝද් පරණවිතාන 64, සුඛිත මනෝජ් 15, මාධව වර්ණපුර 46, ළහිරු මදුශංක 18, රවිදු ප්‍රනාන්දු 64, නිපුන් මාලිංග 38, අසිත ප්‍රනාන්දු 64/3, අශාන් ප්‍රියන්ජන් 76/2, දුවිදු තිලකරත්න 72/3)

දඹුල්ල පළමු ඉනිම 349 යි – (මිනෝද් භානුක 67, නිමේෂ් ගුණසිංහ 10, රනිත ලියනආරච්චි 51, සනෝජ් දර්ශික 18, විශ්ව පුනාන්ද 25*, යසිරු රුද්‍රිගෝ 52/3, නිපුන් මාලිංග 39/2, එෂාන් මාලිංග 39/2, දිලුම් සුධීර 18/2) සහ දෙවැනි ඉනිම කඩුලු 5 ට ලකුණු 204 යි – (ඩිලාන් ජයලත් 34, මාධව වර්ණපුර 46, මිනෝද් භානුක 55, අශාන් ප්‍රියන්ජජන් 12, සනෝජ් දර්ශික ‌60*, රනිත ලියනාරච්චි 10*, නිමේෂ් ගුණසිංහ 11, ලියෝ ෆ්‍රැන්සිස්කෝ, රවිදු ප්‍රනාන්දු 73/2, දිලුම් සුදීර 56/2)

Active filters

Recent Posts

  • සෑම තරගයකදීම අපි පිටියට යන්නේ කණ්ඩායම් හැගීමෙන් යුතුවයි – මහීෂ් තීක්ෂණ
    සෑම තරගයකදීම ශ්‍රී ලංකා ක්‍රිකට් ක්‍රීඩකයින් පිටියට පිවිසෙන්නේ කණ්ඩායම් හැගීමෙන් බවත්, යම් ක්‍රීඩකයෙකුගෙන් අතපසුවීමක් සිඳු වුවහොත් අනෙක් සියලු ක්‍රීඩකයින් එහි පාඩුව මකා දැමීමට කැපවීමෙන් ක්‍රියාත්මකවන බව ශ්‍රී ලංකා […]
  • ජව සම්පන්න  පහරට විශේෂඥ පුහුණුකරුවෙක්
    ශ්‍රී ලංකා ජාතික කණ්ඩායම් නියෝජනය කරනු ලබන ක්‍රීඩක ක්‍රීඩිකාවන්ගේ ජව සම්පන්න කුසලතා වැඩි දියුණු කිරීම සඳහා අරමුණු කර ගත් සතියක පුහුණු වැඩ සටනක් පැවැත්වීම සදහා ඒ සම්බන්ධ විශේෂඥ පුහුණුකරුවකු […]
  • දෙවැනි විස්සයි-20 තරගයෙත් ‘ටිකට්‘ විකිණී අවසන්
    ශ්‍රී ලංකාව සහ බංග්ලාදේශය අතර ලබන ඉරිදා (13 වැනිදා) රංගිරි දඹුලු ජාත්‍යන්තර ක්‍රීඩාංගණයේ පැවැත්වීමට නියමිත දෙවැනි විස්සයි-20 ක්‍රිකට් තරගයේසියලුම ප්‍රවේශපත් විකිණී අවසන්ව ඇති බව ශ්‍රී ලංකා ක්‍රිකට් ආයතනය නිවේදනය […]
  • පළමු විස්සයි-20 න් ශ්‍රී ලංකාවට කඩුලු 7 ක ජයක්
    කඩුලු දවා ගැනීමට වඩා ලකුණු නවාතාලීම උපක්‍රමය ලෙසින් භාවිතා කිරීමට සමත්වීමත්, ආරම්භක පිතිකරුවන් වූ කුසල් මෙන්ඩිස් සහ පැතුම් නිස්සංකගේ වේගවත් ආරම්භයත් හේතුවෙන් පල්ලේකැලේ ජාත්‍යන්තර ක්‍රීඩාංගණයේදී අද (10 දා) රාත්‍රියේ […]
  • ‘ඒ‘ තරගාවලියේ ජය ඔස්ට්‍රේලියාවට
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ කණ්ඩායම සහ ඔස්ට්‍රේලියානු ‘ඒ‘ කණ්ඩායම අතර පැවැති තෙවැනි නිල නොවන එක්දින තරගයෙන් කඩුලු 7 ක ජයක් වාර්තා කළ සත්කාරක ඔස්ට්‍රේලියානු ‘ඒ‘ […]

Pin It on Pinterest

LKR Sri Lankan rupee