slc
logo
Home   |    News
පෙබරවාරි 9, 2023
ආරම්භක පිතිකරුවෝ පළමු ඉනිමේ පරතරය පියවති

sinhala editor

Chamila Karawita reporting from Galle

ලකුණු 73 ක් මුල් ඉනිමේදී පිටුපසින් සිටි නැවතත් දෙවැනි ඉනිම ඇරැඹූ ශ්‍රී ලංකා ‘ඒ’ පිතිකරුවෝ තේ පානය සදහා අද (09 වැනිදා) තරගය නිමා කරන විට කිසිවකු නොදැවී ලකුණු 73 ක් ලබා පළමු ඉනිමේ පරතරය පියවා ගැනීමට සමත්ව සිටියහ. ගාල්ල ජාත්‍යන්තර ක්‍රීඩාංගණයේ පැවැත්වෙන දෙවැනි සිව්දින ටෙස්ට් තරගයේදී එංගලන්ත ලයන්ස් පිල සිය පළමු ඉනිම වෙනුවෙන් සියලු දෙනා දැවී ලකුණු 405 ක් රැස් කර ගැනීමට සමත්විය.

එංගලන්ත පිතිකරුවන් මෙන්ම දෙවැනි ඉනිමේදී තරමක් වේගවත් ආරම්භයක් ලබා ගනිමින් පන්දුවට පහර දෙමින් සිටින ශ්‍රී ලංකා ‘ඒ’ ආරම්භක පිතිකරුවන් යුගල සිය කඩුලු ආරක්ෂා කර ගනිමින් සිටීමද විශේෂත්වයකි. නිශාන් මදුශ්ක හතරේ පහර 4 ක් ද සමඟ පන්දු 40 කදී ලකුණු 38 ක්ද  ලසිත් කෲස්පුල්ලේ හතරේ පහර 4 ක් සහ හයේ පහරක් සමඟ පන්දු 32 කදී ලකුණු 34 ක්ද ලබා කඩුල්ලේ රැදී සිටිති.

පෙර දිනයේ පරිදිම අද උදෑසනද සිය ප්‍රහාරාත්මක පිතිහරඹ රටාව දියත් කළ ජැමී ස්මිත් අපයසුවකින් තොරව ශතකය ලබා ගත්තේය. විශ්ව ප්‍රනාන්දුට එරෙහිව හතරේ පහරක් එල්ල කරමින් ස්මිත් සිය ශතකය සම්පූර්ණ කර ගන්නා ලද්දේ මුහුණ දුන් 71 වැනි පන්දුවේදීය. පෙර දිනයේ පන්දු 56 කින් ලකුණු 86 ක් ලබා සිටි ස්මිත් ශතකය සඳහා වූ ලකුණු 14 සඳහා පන්දු 15 ක් වැය කළේය.

දිවා ආහාරය වන විට කඩුලු 7 කට දැවී ලකුණු 355 ක් ලබා සිටි ලයන්ස් කණ්ඩායමේ තවත් හෝරාවක පමණ කාලයක් පන්දුවට පහර දුන්නේය. එහිදී වැඩිම කඩුලු ලාභියා වූයේ චාමික කරුනාරත්නය. හේ ලකුණු 84 කට කඩුලු 4 ක් දවා ගනිද්දී විශ්ව ප්‍රනාන්දු ලකුනු 83 කට කඩුලු 3 ක් දවා ගත්තේය. ප්‍රවීන් ජයවික්‍රමට කඩුලු 2 ක් හිමිවද්දී ඇඹුල්දෙනිය එක් කඩුල්ලක් දවා ගත්තේය.

ශතකය වාර්තා කරන තෙක් කිසිදු අත්වැරැද්දක් සිදු නොකිරීමට වග බලා ගත් ලයන්ස් කඩුලු රකින්නා ලකුණු 103 ක් ලබා සිටියදී ලසිත් ඇඹුල්දෙණියගේ  පන්දුවකට ලෝංග් ලෙග් කළාපයේ පන්දු රකිමින් සිටි විශ්ව ප්‍රනාන්දසුගේ අතටද ලකුණු 120 ක් ලබා සිටියදී පන්දු යැවූ ප්‍රවීන් ජයවික්‍රම අතටද උඩ පන්දු ලබා දුන්නද ඉන් ප්‍රයෝජනයක් ලබා ගැනීමට ඔවුහු අසමත් වූහ. එහෙත් ස්මිත්ට වැඩි වේලා කඩුල්ලේ රැදී සිටීමට චාමික කරුණාරත්න අවස්ථාව ලබා නොදුන්නේය. පිට ඉන්නට පිටතින් යවන ලද පන්දුවට එල්ල කරන ලද කට් පහර පොයින්ට් කළාපයේ පන්දු රැකී ළහිරු උදාර විසින් සුරැකිව රැක ගන්නා විට ජැමී ස්මිත්ගේ ඉනිම ලකුණු 126 දී නිමාවට පත්විය. පන්දු 82 කින් සමන්විත වූ ස්මිත්ගේ ඉනිම හතරේ පහර 13 කින් සහ යයේ පහර 8 කින් සමන්විත විය.

ශ්‍රී ලංකා ‘ඒ’ පළමු ඉනිම පන්දුවාර 88.1 කදී සියලු දෙනා දැවී ලකුණු 332 යි – (ලසිත් කෲස්පුල්ලේ 128, නිශාන් මදුශ්ක 22, නිවනිඳු ප්‍රනාන්දු 22, නිපුන් ධනංජය 61, ලක්ෂිත මානසිංහ 43, ලසිත් ඇඹුල්දෙණිය 42, ජොෂ් ටංග් 76/5, සෑම් කුක් 69/2, මැතිව් ෆීෂර් 83/2)

 

 

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

USD United States (US) dollar