slc
logo
Home   |    News
පෙබරවාරි 17, 2023
කාන්තා පිලේ අපරාජිත ගමන බිඳ වැටෙයි

sinhala editor

දකුණු අප්‍රිකාවේ පැවැත්වෙන පන්දුවාර විස්සයි-20 ලෝක කුසලාන ක්‍රිකට් තරගාවලියේ මූලික තරග වටය යටතේ පෙබරවාරි මස 16 වැනිදා පැවැති තරගයේදී ශ්‍රී ලංකා කාන්තා පිලට එරෙහිව කඩුලු 10 ක ජයක් වාර්තා කිරීමට ඔස්ට්‍රේලියානු කාන්තා කණ්ඩායම සමත්විය. මේ සමඟම ශ්‍රී ලංකා කණ්ඩායමේ අපරාජිත ගමනද නිමාවට පත්විය.
ජයග්‍රහණය සඳහා ලකුණු 113 ක ඉලක්කයක් හඹා ගිය ඔස්ට්‍රේලියානු කණ්ඩායම පන්දුවාර 15.5 ක් පමණක් වැය කරමින් එම ජයග්‍රහණය ලබා ගන්නා ලද්දේ කිසිදු කඩුල්ලක් ප්‍රතිවාදීන් හමුවේ ලබා නොදෙමිනි. එහිදී ඇලීසා හිලී පන්දු 43 කදී හයේ පහරක් සහ හතරේ පහර 6 ක් සමඟ නොදැවී ලකුණු 54 ක්ද බෙත් මූනි පන්දු 53 කදී හතරේ පපහර 7 ක් සමඟ නොදැවී ලකුණු 56 ක් ලබා ගත්හ.
පළමුව පන්දුවට පහර දුන් ශ්‍රී ලංකා පිලට ප්‍රබල තර්ජනයක් වූ මේගන් ස්වට් ප්‍රමඛ ඔස්ට්‍රේලියානු පන්දු යවන්නියන් හමුවේ රැස් කරගත හැකි වූයේ පන්දුවාර 20 අවසනදී කඩුලු 8 ක් දැවී ලකුණු 112 ක් පමණි. එහිදී කැපී පෙනෙන පන්දු යැවීමක නිරත වූ මේගන් ලකුණු 24 කට කඩුලු 4 ක් දවා ගත්තාය.
ශ්‍රී ංකා පිල වෙනුවෙන් ආරම්භක පිතිකාරිණී හර්ෂිතා සමරවික්‍රම පන්දු 40 කදී හතරේ පහර 3 ක් සමඟ ලකුණු 34 ක් ලබා ඉනිමේ වැඩිම ලකුණු ලාභිණිය බවට පත්වූවාය. විශ්මි ගුණරත්න පන්දු 33 කට මුහුණ දෙමින් ලකුණු 24 ක් රැස් කළ නමුත් සෙසු පිතිකාරිණීයෝ දක්ෂතා අතට පැමිණීමට නොහැකිවීම, අභියෝගාත්මක ලකුණු සංඛ්‍යාවක් ගොඩනැංවීමට නොහැකිවී හේතු විය.
පළමු කඩුල්ල වෙනුවෙන් ර්ෂිතා සමග එක්වූ නායිකා චමරි අතපත්තු පළමු පන්දුවාර 5 අතුළතදී ලකුණු 30 ක් එක් කළද චමරි අතපත්තු ලකුණු 16 කට දැවී යෑම දැඩි පාඩුවක් ගෙන දෙන්නක් විය. ග්‍රේස් හැරිස් ගුවනේ පියඹා රැක ගන්නා ලද අති විශිෂ්ඨ උඩ පන්දුව හේතුවෙන් ඇය දැවී යන විටත් හතරේ පහර 2 ක් සහ හයේ පහරක් සිය ඉනිමට ඇතුළත් කර තිබුණාය.
ලකුණු වැඩි කිරීමේ අරමුණින් ඔෂධී රණසිංහ පිතිකරණ අනුපිළිවෙළේ වෙනසක් සිදුකරමින් ඉහළින් පැමිණියද එම තීරණයට සාධාරණයක් ඉෂ්ඨ කිරීමට ඇයට නොහැකි විය. ඇය ලකුණු ලබා ගැනීමට පෙරම දැවී ගියාය. කෙසේ මෙතත් මැද පෙළින් පැමිණි නිලක්ෂි ද සිල්වා පන්දු 7 කදී ලකුණු 15 ක් රැස් කිරීමට හැකිවීම නිසා ශ්‍රී ලංකා පිලට ලකුණු 112 සීමාව දක්වා ලකුණු සංඛ්‍යාව වැඩි කර ගැනීමට අවස්ථාව උදාවිය.

ශ්‍රී ලංකා පිල පන්දුවාර 20 කදී කඩුලු 8 ක් දැවී ලකුණු 112 යි – (හර්ෂිතා සමරවික්‍රම 34, චමරි අතපපත්තු 16, විශ්මි ගනරත්න 24, නිලක්ෂි ද සිල්වා 15*, මෙඝන් ස්වට් 24/4, ග්‍රැස් හැරිස් 07/2)

ඔස්ට්‍රේලියානු කාන්තා පිල පන්දුවාර 15.5 කදී කිසිවකු නොදැවී ලකුණු 113 යි – (ඇලීසා හීලි 54*, බෙත් මූනි 56*)

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee