slc
logo
Home   |    News
මාර්තු 30, 2023
ගෞරවාන්විත තරගාවලි අවසානයක් අපේක්ෂාවෙන් ශ්‍රී ලංකාව හැමිල්ටන් පිටියට

sinhala editor

තරග 3 කින් සමන්විත එක්දින ක්‍රිකට් තරගාවලියේ තෙවැනි සහ අවසන් එක්දින තරගය සඳහා ශ්‍රී ලංකා කණ්ඩායම  හෙට (මාර්තු 31 වැනිදා) හැමිල්ටන්හි සෙඩන් පාර්ක් පිටියේදී නවසීලන්ත පිල මුණ ගැසෙනු ඇත. පළමු තරගයෙන් ලකුණු 198 ක ජයක් වාර්තා කිරීමට නවසීලන්ත කණ්ඩායම සමත්වීමත්, දෙවැනි තරගය වර්ෂාව හේතුවෙන් සේදී යෑම නිසාත් ගෞරවාන්විත තරගාවලි අවසානයක් සඳහා ශ්‍රී ලංකා කණ්ඩායමට හෙට තරගයේ ජය අතිශයින්ම වැදගත් වනු ඇත.

ශ්‍රී ලංකා කණ්ඩායම හෙට තරගයට පැමිණෙන්නේ 0-1 ක් ලෙස තරගාවලිය පසුපසන් සිටිමිනි. දෙවැනි එක්දින තරගය එකම පන්දුවක් හෝ යැවීමට නොහැකිවීම නිසා එම තරගයේදී දෙපිළටම ප්‍රසාද ලකුණු 5 බැගින් හිමි වුවත්, පළමු තරගයේදී නියමිත වේලාවට පෙර පන්දුවාර සංඛ්‍යාව යැවීමට ශ්‍රී ලංකා පන්දු යවන්නන් අපොහොසත්වීම නිසා එක් ප්‍රසාද ලකුණක් අහිමිව තිබේ. ඒ අනුව මේ වන විට ලෝක කුසලාන සුපර් ලීග් තරග වටයේ ශ්‍රී ලංකා පිලේ ප්‍රසාද ලකුණු සංඛ්‍යාව 81 ක් ලෙසින් සටහන් වේ.

කෙසේ වෙතත් හෙට තරගය ජය ගැනීමට ශ්‍රී ලංකා පිලට අවස්ථාව උදා වුවහොත් තවත් ප්‍රසාද ලකුණු 10 ක් එක් කර ගත හැකි වනු ඇත. එසේ වුවහොත් ප්‍රසාද ලකුණු සංඛ්‍යාව 91 දක්වා ඉහළ යන අතර එය ලෝක කුසලාන තරගාවලියට සෘජුවම සුදුසුකම් ලබා ගැනීම සදහා යළිත් බලාපොරොත්තු රඳවන්නක් බවට පත් වනවා සේම දකුණු අප්‍රිකානු පිලට කිසියම් අභියෝගයක් ගෙනදෙනු ඇත.

ඒ සියල්ල රදා පවතිනුයේ ශ්‍රී ලංකාව හෙට දිනයේදී ජය වාර්තා කර ගත හොත් පමණි. හැමිල්ටන් තණතීරුවේ සත්කාරකයින්ගේ ඉතිහාසය ගෙන බැලීමේදී 2014 වසරේ සිට මේ දක්වා ක්‍රීඩා කර ඇති එක්දින තරග 12 න් අවස්ථා 10 කදීම ජයග්‍රහණය කිරීමට නවසීලන්ත පිල සමත්ව සිටියි.

තරගය පැවැත්වෙන සෙඩ්න් පාර්ක් තණතීරුව වේග පන්දු යවන්නන්ට වැඩි වාසියක් ලබාදෙන තණතීරුවක් ලෙසින් සැලකෙන අතර එහිදී මුල් පැය කීපය පිතිකරුවන්ට අතිශය අභියෝගාත්මක කාල සීමාවකි. මෙතෙක් මෙම ක්‍රීඩාංගණයේ පවත්වා ඇති තරග 52 න් පසුව පන්දුවට පහර දුන් කණ්ඩායම අවස්ථා 27 කදී ජය වාර්තා කරගෙන තිබේ.

පළමුව පන්දුවට පහර දෙන කණ්ඩායම ලබාගනු ලබන ලකුණු සාමාන්‍ය 234 ක් වශයෙන් සටහන් වුවත්, මෙහි වැඩිම ලකුණු සංඛ්‍යාවේ වාර්තාවට බටහිර ඉන්දීය කොදෙව් කණ්ඩායම හිමිකම් කියයි. ඒ 2014 වසරේදී කඩුලු 9 ක් දැවී රැස් කරන ලද ලකුණු 350 වේ.

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee