ක්රීඩා හා යෞවන කටයුතු අමාත්ය රොෂාන් රණසිංහ මහතා දිගින් දිගටම ශ්රී ලංකා ක්රිකට් ආයතනයට සිදුකරනු ලබන හානිදායක මෙන්ම අපහසාත්මක ප්රකාහ සම්බන්ධයෙන් ප්රතිචාර දක්වා සිටින ශ්රී ලංකා ක්රිකට් ආයතනය එහි කීර්තිනාමය ආරක්ෂා කර ගැනීමේ අරමුණු කොට ගෙන නඩු මඟට පිවිස සිටියි. ඒ අනුව ඉකුත් නොවැම්බර් මස 13 වැනිදා ශ්රී ලංකා ක්රිකට් සභාපති, උප සභාපති සහ භාණ්ඩාගාරිකවරයා විසින් ක්රීඩා අමාත්යවරයාට එරෙහිව රුපියල් බිලියන 2.4 ක වන්දියක් ඉල්ලා සිටිමින් කොළඹ දිසා අධිකරණයේ අපහාස නඩුවක් ගොනු කිරීමට පියවර ගනු ලැබීය.
ශ්රී ලංකා ක්රිකට් ආයතනයට එරෙහිව ක්රීඩා අමාත්යවරයා විසින් දිගින් දිගටම සිදුකරනු ලබන අසත්ය සහ හානිකරදායක ප්රකාශ ප්රචාරය වීම හරහා ශ්රී ලංකා ක්රිකට් ආයතනයට දේශීය වශයෙන්ම මෙන්ම ජාත්යන්තර වශයෙන්ද විශාල හානියක් සිදුකර ඇත. ශ්රී ලංකා ක්රිකට් ආයතනය නියෝජනය කරනු ලබන ඉහළ නායකත්වය සියලු කටයුතුවලදී විනිවිදභාවය, වගකීම සහ ක්රීඩාවේ සාධාරණය තහවුරු කිරීමට නිරන්තරයෙන් කැපව සිටියි.
ක්රිිකට් ප්රජාව තුළ ශ්රී ලංකා ක්රිකට් ආයතනයේ ස්ථාවරත්වයට සිදුව ඇති අනවශ්ය හානිය නැවතත් යහපත් අතරට පත් කර ගැනීම මෙම නීතිමය ක්රියාමාර්ගය ගැනීමේ ප්රධාන අරමුණ වී තිබේ. ශ්රී ලංකා ක්රිකට් ආයතනය මෙන්ම එහි සාමාජිකයින්ගේ කීර්තිනාමය ආරක්ෂා කර ගැනීම සඳහා මෙම පියවර ගැනීමට අවශ්ය බව ශ්රී ලංකා ක්රිකට් විධායක කමිටුවේ විශ්වාසය වී තිබේ.
ශ්රී ලංකා ක්රිකට් ආයතනය ක්රීඩාවේ ජීවගුණය ප්රවර්ධනය කිරීම කෙරෙහි නිරන්තරයෙන්ම අවධානය යොමු කර සිටින අතරම ක්රීඩකයින්, නිලධාරීන් මෙන්ම ක්රීඩා ලෝලීන්ට ධනාත්මක පරීක්ෂණයක් නිර්මාණය කිරීම වෙනුවෙන් කටයුතු කරනු ලබන්නේය. ඒ අනුව ක්රීඩා අමාත්යවරයාට එරෙහිව ආරම්භ කර ඇති මෙම නීතිමය ක්රියාමාර්ගය මඟින් අවධාරණය කර සිටිනු ලබන්නේ ආයතනයේ ප්රතිපත්ති ආරක්ෂා කිරීමට මෙන්ම එහි පාර්හ්වකරුවන්ට එරෙහිව නැගෙන පදනම් විරහිත චෝදනා වලින් ආරක්ෂා කර ගැනීමට ඇති කැපවීමය.
මෙම නීතිමය ක්රියාමාර්ගය හරහා කටයුතු කරන අතරතුරදී ශ්රී ලංකා ක්රිකට් ආයතනය විසින් ක්රීඩාව මෙන්ම එහි ආධාරකරුවන්ගේ යහපත පිළිබඳව ප්රමුඛත්වය වෙනුවෙන් කටයුතු කරනු ලබයි. මේ පිළිබඳ නඩුව ඉදිරියට ටයැවෙන විට එහි යාවත්කාලීන කිරීම් ශ්රී ලංකා ක්රිකට් ආයතනය විසින් ඉදිරියේදී සිදුකරනු ඇත.
