පාකිස්තාන ‘ඒ‘ කණ්ඩායමට එරෙහිව රාවල්පිණ්ඩිහි පැවැත්වෙන දෙවැනි නිල නොවන සිව්දින ටෙස්ට් තරගයේදී මුලින් පන්දුවට පහර දෙන  ශ්‍රී ලංකා ‘ඒ‘ පිල කඩුලු 8ක් දැවී ලකුණු 293ක් ලබා සිටී.  ශ්‍රී ලංකා ‘ඒ‘ පිලේ මුල් කඩුලු 5ක් ලකුණු 35කට දැවී ගොස් තිබියදී පවන් රත්නායක හා සොනාල් දිනූෂ 6 වැනි කඩුල්ලට ලකුණු 59ක සබඳතාවක් ගොඩනැගූ අතර, පවන් රත්නායක ලකුණු 35කට දැවී ගියේය.

තරගයේ කාසි‍යේ වාසිය හිමිකර ගත් පාකිස්තාන ‘ඒ‘ කණ්ඩායමේ අපේක්ෂා බිඳ දැමූ සොනාල් දිනූෂ පළමු දිනයේ තරගය නතර කරනවිට නොදැවී ලකුණු 81ක් ලබා සිටියේය. පන්දු 169කට මුහුණදුන් සොනාල් දිනූෂ හතරේ පහර 7ක් එල්ල කරමින් කඩුල්ලේ රැදී සිටින අතර, ඉසිත විජේසුන්දර පන්දු 26කදී හයේ 3ක් හා හතරේ 4ක් සමඟ නොදැවී ලකුණු 38ක් ලබා සිටියේය.

පළමු නිල නොවන සිව්දින ටෙස්ට් තරගයේදී ලකුණු 73ක් ලබාගත් වනුජ සහන් පන්දු 79කදී හයේ පහරක් හා හතරේ පහර 6ක් සමඟ ලකුණු 63ක් ලබාගත් අතර, දිනුර කළුපහන ලකුණු 30ක් හා අහන් වික්‍රමසිංහ ලකුණු 30ක් ලබා ගැනීමට සමත් වූහ. 

ශ්‍රී ලංකා ඉනිමේ  පළමු කඩුල්ල පළමු ඕවරයේදීම දවාගෙන පීඩනයකට ලක්කළ වේග පන්දු යවන කුරාම් ෂෙසාඩ් ලකුණු 30තට කඩුලු 6ක් බිදහෙලා සිටින අතර, අහමඩ් සාෆි අබ්දුල්ලා ලකුණු 100කට කඩුලු 2ක් බිදහෙලා ගත්තේය.

අද තරගයේ දෙවැනි දිනයයි.

ශ්‍රී ලංකා ‘ඒ‘  පළමු ඉනිම කඩුලු 8කට ලකුණු 293යි (ඕවර් 75)
අහන් වික්‍රමසිංහ 30,  පවන් රත්නායක 35, සොනාල් දිනූෂ නොදැවී 81, දිනුර කළුපහන 30, වනුජ සහන් 63, ඉසිත විජේසුන්දර නොදැවී 38, අතිරේක 14 (කුරාම් ෂෙසාඩ් 30/6, අහමඩ් සාෆි අබ්දුල්ලා 100/2)