එක්දින සහ විස්සයි-20 තරගාවලියකට සහභාගිවීම සඳහා ශ්‍රී ලංකා කණ්ඩායම මෙම දෙසැම්බර් මස අගදී නවසීලන්තය බලා පිටත්ව යෑමට නියමිතය. මෙම තරගාවලිය ලබන ජනවාරි මස මැද දක්වා පැවැත්වෙනු ඇත.

තරගාවලියට එක්දින තරග 3 ක් සහ පන්දුවාර විස්සයි-20 ජාත්‍යන්තර තරග 3 ක් ඇතුළත් වේ. පන්දුවාර විස්සයි-20 තරගාවලියෙන් ආරම්භ වන දෙරට අතර තරගාවලියේ පළමු තරග දෙක දෙසැම්බර් මස 28 සහ 30 වැනි දිනයන්හිදී ටෟරංගාහි බේ ඕවල් ක්‍රීඩාංගණයේ දී පැවැත්වෙනු ඇත. තෙවැනි තරගය 2025 වසරේ ජනවාරි 02 වැනිදා සැක්ස්ටන් ඕවල්හිදී පැවැත්වෙනු ඇත.

එම තරගාවලියෙන් පසුව පැවැත්වෙන තරග 3 කින් සමන්විත එක්දින තරගාවලිය ජනවාරි 05 වැනිදා වෙලිංටන්හිදී ආරම්භ වේ. එහි දෙවැනි සහ තෙවැනි තරග පිළිවෙළින් 08 වැනිදා සහ 11 වැනිදා හැමිල්ටන් සහ ඕක්ලන්ඩ්හිදී පැවැත්වෙනු ඇත.