ලංකා ටි-10 ක්‍රිකට් තරගාවලියේ ජැෆ්නා ටයිටෑන්ස් කණ්ඩායම සමග පළමු සුදුසුකම් ලැබිමේ තරගයට ක්‍රීඩා කරනු ලබන්නේ කවුරුන්ද යන්න අතිශය තීරණාත්මක හම්බන්තොට බංග්ලා ටයිරග්ස් සහ ගෝල් මාවල්ස් අතර තරගයෙන් කඩුලු 5 ක ජයක් වාර්තා කළ හම්බන්තොට බංග්ලා ටයිරග්ස් කණ්ඩායම හෙට පැවැත්වෙන පළමු සුදුසුකම් ලැබීමේ තරගයට ක්‍රීඩා කිරීම සඳහා ඉඩ ප්‍රස්ථාව විවකර කර ගැනීමට අද (17 දා) රාත්‍රියේදී සමත්වූවේය. ඒ අනුව පරාජිත ගෝල් මාවල්ස් කණ්ඩායම හෙට දිනයේදී එලිමිනේටර් තරගයේ ප්‍රතිවාදීන් වන කැන්ඩි බෝල්ට්ස් සමඟින් තරග වදිනු ලබයි.

ඒ අනුව හෙට පැවැත්වීමට නියමිත පළමු සුදුසුකම් ලැබීමේ තරගයෙදී ජැෆ්නා ටයිටෑන්ස් සහ හම්බන්තොට බංග්ලා ටයිගර්ස් තරග වදින අතර එලිමිනේටර් අතර තරගයේදී ගෝල් මාවල්ස් සහ කැන්ඩි බෝල්ට්ස් තරග වදිනු ඇත.

දිනයේ අවසන් තරගය ලෙසින් පල්ලේකැලේ ජාත්‍යන්තර ක්‍රීඩාංගණයේ පැවැති මෙම තරගයේදී පළමුව පන්දුවට පහර දුන් ගෝල් මාවල්ස් පිල රැස් කර ගන්නා ලද්දේ කඩුලු 6 ක් දැවී ලකුනු 82 ක් පමණි. ඊට පිළිතුරු ඉනිම ක්‍රීඩා කළ හම්බන්තොට කණ්ඩායම නියමිත ඉලක්කය පන්දු 4 ක් සහ කඩුලු 5 ක් ඉතිරිව තිබියදී රැස් කර ගැනීමට සමත්වූවේය.

ඉලක්කය පහසුවක් සේ දැනුනද හම්බන්තොට පළමු කඩුලු 4 ම ලකුණු 32 ක් ඇතුළත බිඳී යෑම නිසා හඹා යෑම තරමක අභීයෝගයක් විය. එහෙත් පස්වැනි කඩුල්ලට එක් වුණු දසුන් ශානක සහ ෂෙවෝන් ඩැනියල් පන්දු 15 කදී ලකුණු 25 ක සම්බන්ධතාවක්ද ෂෙවෝන් ඩැනියල් සහ මොසදෙක් හොසේන් පන්දු 16 කදී ලකුණු 27 ක සම්බන්ධතාවක්ද පවත්වමින් කණ්ඩායම ජයග්‍රහණය කරා රැගෙන ගියහ.

මෙහිදී ඉනිමේ වැඩිම ලකුණු ලාභියා බවට පත්වූයේ මොසදෙක් හොසේන් වන අතර ඔහු පන්දු 13 කදී ලකුණු 20 ක් රැස් කරගත්තේ ඉනිම නොබිඳිව තබා ගනිමිනි. දසුන් ශානක ලකුණු 19 ක්ද ඩැනියල් ලකුණු 11 ක් ද ලබා ගත්හ.

ප්‍රතිවාදී පිල පන්දුවටපහර දෙන අවස්ථෘවේදී පලපුරුදු ශකීබ් අල් හසන් පන්දු 19 කදී වේගවත් පිතිහරඹයක නිරත වෙමින් හයේ පහර 3 ක් සහ හතරේ පහර 4 ක් ද සමගින් ලකුණු 43 ක් රැස් කරගත්තේ ඉනිම නොබිඳිව තබාගනිමිනි. ඔහුට සහයෝගයක් ලබා දීමට හරිහමන් පිතිකරුවකුට නොමැතිවීම මෙතරම් අඩු ලකුණු සංඛ්‍යාවකට ගෝල් පිලට නතරවීමට හේතු විය. අල් හසන්ට පසු වැඩිම ලකුණු ලද පිතිකරුවා බවට පත්වූයේ ආරම්භක පිතිකරු ඇලෙක්ස් හේල්ස් වන අතර ඔහු ලකුණු 14 ක් රැස් කළේය.

පන්දු යැවීිමේදී යළිත් වරක් සාර්ථක වුණු තරිඳු රත්නායක ලකුණු 10 කට කඩුලු 2 ක් ද සහන් ආරච්චිගේ ලකුණු 11 කට කඩුලු 2 ක්ද දවාගනිද්දී ඉසුරු උදාන සහ එෂාන් මාලිංග කඩුල්ල බැගින් දවා ගත්හ.

ගෝල් මාවල්ස් පන්දුවාර 10 කදී කඩුලු 6 ට ලකුණු 82 යි – ඇලෙක්ස් හේල්ස් 14, ශකීබ් අල්හසන් 43*, තරිඳු රත්නායක 10/2, සහන් ආරච්චිගේ 11/2, එෂාන් මාලිංග 08/1, ඉසුරු උදාන 03/1

හම්බන්තොට බංග්ලා ටයිගර්ස් පන්දුවාර 9.2 කදී කඩුලු 5 ක් දැවී ලකුණු 84 යි – මොහොමඩ් ශේසාඩ් 13, දසුන් ශානක 19, ෂෙවෝන් ඩැනියෙල් 11*, මොසදෙක් හොසෙන් 20*, ජෙෆ්රි වැන්ඩර්සි 11/2, බිනුර ප්‍රනාන්දු 22/2, මහීෂ් තීක්ෂණ 10/1