2025 – 2027 වාරය සඳහා ශ්‍රී ලංකා ක්‍රිකට් ආයතනයේ සභාපති ධුරයට වර්තමාන සභාපති ශම්මි සිල්වා මහතා නැවත තේරීපත්ව තිබේ. කොළඹ සිනමන් ග්‍රෑන්ඩ් හෝටලයේ පැවැති ශ්‍රී ලංකා ක්‍රිකට් ආයතනයේ 64 වැනි වාර්ෂික මහ සභා රැස්වීමේදී ශම්මි සිල්වා මහතා නිතරගයෙන් තේරී පත්විය.

විශ්‍රාමික අභියචනාධිකරණ විනිසුරු මාලනී ගුණරත්න මහත්මියගේ සභාපතිත්වයෙන් යුතු ක්‍රිකට්  කමිටුවේ පූර්ණ අධීක්ෂණය යටතේ පැවැති මෙම නිලවරණයේදී එම කමිටුව විසින් සිල්වා මහතාගේ නැවත තේරීපත්වීම තහවුරු කරන ලදී. මෙය ඔහු අඛණ්ඩව සභාපති ධුරයට පත්වුණු සිව්වැනි අවස්ථාව මෙන්ම නිතරගයෙන් පත්වූ තෙවැනි අවස්ථාව ලෙසින් සනිටුහන් විය.

2016 – 2019 දක්වා වු කාල සිමාවේදී ශ්‍රී ලංකා ක්‍රිකට් ආයතනයේ භාණ්ඩාගාරිකවරයා ලෙසින් කටයුතු කළ ශම්මි සිල්වා මහතා පළමු වතාවට 2019 වසරේදී පළමු වතාවට ශ්‍රී ලංකා ක්‍රිකට් ආයතනයේ සභාපති ධුරයට තේරී පත්විය.

මෙවර නිලවරණයේදී සියලුම තනතුරු නිතරගයෙන් තේරී පත්වීම කැපී පෙනුණි. මෙහිදී ලේකම් තනතුර හැරුණු කොට අනෙක් සියලුම තනතුරු සඳහා හිටපු පිරිසම පත්වූහ. මෙහිදී ලේකම් තනතුර බන්දුල දිසානායක මහතාට හිමිවිය.

නිලධාරී මඬුල්ල

ගරු සභාපති – ශම්මි සිල්වා මහතා

ගරු උප සභාපති – ආචාර්ය ජයන්ත ධර්මදාස මහතා

ගරු උප සභාපති – රවීන් වික්‍රමරත්න මහතා

ගරු ලේකම් – බන්දුල දිසානායක මහතා

ගරු භාණ්ඩාගාරික – සුජීව ගොඩලියැද්ද මහතා

ගරු උප ලේකම් – ක්‍රිෂාන්ත කපුවත්ත මහතා

ගරු උප භාණ්ඩාගාරික – ලසන්ත වික්‍රමසිංහ මහතා