ශ්‍රී ලංකා ක්‍රිකට් ආයතනය විසින් සංවිධානය කරනු ලබන අන්තර් සමාජ ටියර් බී කොටසේ ක්‍රිකට් තරගාවලියේ දෙවැනි දිනය වූ අද (26 වැනිදා පැවැති තරග 6 න් 4 ක්ම වර්ෂාවට ගහගෙන යද්දී යුනයිටඩ් සදර්න් සහ මොරටුව  ක්‍රීඩා සමාජ ජයග්‍රහණ වාර්තා කිරීමට සමත්වූහ. මෙම තරග 2 ම කටුනාගයක ගුවන් හමුදා ක්‍රීඩාංගණයේදී පැවැත්විණ.

සෙසු තරග සියල්ලම වර්ෂාවෙන් බාධා ඇතිවීම නිසා ප්‍රතිඵල රහිත වූ අතර ඉන් සෙබස්තියනයිට්ස් තරගය පමණක් පන්දුවාර 9 කට සීමා විම. එම පන්දුවාර සංඛ්‍යාව ක්‍රීඩා කළ සෙබස්තියනයිට්ස් කණ්ඩායම කඩුලු 4 කට ලකුණු 33 ක් ලබා සිටියේය.

සෙසු තරග වූ නිගම්බු – නාවික හමුදාව,  එස්.එස්.සී. – මැලේ සහ ලියෝ සහ යුද හමුදාව යන තරග එකම  පන්දුවක් හෝ නොයවා අතහැර දැමීමට සිදුවිය.

යුනයිටඩ් සදර්න්ට කඩුලු 4 ක ජයක්

රාගම  පන්දුවාර 18.5 කදී සියලු දෙනා දැවී කුණු 67 යි –

(දිනෙත් සිතුමින 18, දුලාජ් බණ්ඩාර 10, ධනෝෂ් ද සිල්වා 04/2, සහස් හංසල 08/2, රවිෂ්ක විජේසිරි 13/2, මාලින්ද පෙරේරා 14/2)

යුනයිටඩ් සදර්න් පන්දුවාර 18 කදී කඩුලු 6 ක් දැවී ලකුණු 68 යි –

(දෙනුවන් රාජකරුනා 22, පෙසඳු සංජන් 15, සසංක නිර්මාල් 11*, සහන් හංසල 1, උපුල් ඉන්ද්‍රසිරි 09/4)

මොරටුව ක්‍රීඩා සමාජයට කඩුලු 8 ක ජයක්

කැන්ඩි කස්ටම්ස් පන්දුවාර 13 කදී කඩුලු 4 ක් දැවී ලකුණු 57 යි –

සුදීර වීරරත්න 31, ළහිරු අත්තනායක 13, උෂාන් සත්සර 08/2) 

මොරටුව පන්දුවාර 8.5 කදී කඩුලු 2 ක් දැවී ලකුණු 54 යි –

 පූර්ණ ප්‍රභාත් 21, අමිත දාබරේ 16, අනුෂ්ක පෙරේරා 13*, 

සෙබස්තියනයිට්ස් – ගෝල්

සෙබස්තියනයිට්ස් පන්දුවාර 9 කදී කඩුලු 4 ට ලකුණු 33 යි –

උමයංග සුවාරිස් 18*, අමිත කෞෂල්‍ය 05/2)