slc
logo
Home   |    News
දෙසැම්බර් 26, 2020
වනිඳු හසරංගට ටෙස්ට් වරම්

sinhala editor

දකුණු අප්‍රිකාවට එරෙහිව පැවැත්වෙන තරග 2 කින් සමන්විත ටෙස්ට් ක්‍රිකට් තරගාවලිය ආරම්භ කරමින් සෙන්චූරියන්හි සුපර් ස්පෝර්ට්ස් පාක් ක්‍රීඩාංගණයේ අද (26 දා) පැවැත්වෙන පළමු ටෙස්ට් තරගයේදී ශ්‍රී ලංකා කණ්ඩායම වෙනුවෙන් පා දඟ පන්දු යවන තුන් ඉරියව් ක්‍රීඩක වනිඳු හසරංග ටෙස්ට් වරම් දිනා ගැනීමට සමත්විය.

කාසියේ වාසිය දිනා ගැනීමත් සමඟ ප්‍රථමයෙන් පන්දුවට පහර දීමට තීරණය කර ඇති ශ්‍රී ලංකා කණ්ඩායමේ ප්‍රධානතම දඟ පන්දු යවන්නාගේ භූමිකාව වනිඳුට හිමිව තිබේ. හසරංග කණ්ඩායමට පැමිණීමත් සමඟ කණ්ඩායමේ ස්ථීර දඟ පන්දු යවන්නා ලෙසින් කටයුතු කරන ලද ලසිත් ඇඹුල්දෙණියට කණ්ඩායමේ ස්ථානය අහිමිව තිබේ. කෙසේ වෙතත් ශ්‍රී ලංකාව වෙනුවෙන් ටෙස්ට් වරම් දිනා ගත් 151 වැනි ක්‍රීඩකයා බවට පත් වුණු වනිඳුගේ  පැමිණීමත් ශ්‍රී ලංකා කණ්ඩායමේ පිතිකරණ ලැයිස්තුව 8 ක් දක්වා ඉහළ ගොස් තිබීම කැපී පෙනෙයි.  

මෙම තරගයේදී  වේග පන්දු යවන්නන්ට සහයෝගයක් දක්වනු ලබන කොළ පැහැති තණතීරුවක් බලාපොරොත්තු වුවත් එහි තණකොළ එතරම්ම නොතිබීමද කැපී පෙනුණි. කෙසේ වෙතත් මෙම තරගයට ශ්‍රී ලංකා පිල වේග පන්දු යවන්නන් සිව් දෙනෙකුගෙන් සමන්විතව අවතීර්ණ වී සිටින්නේ පළ පුරුදු පන්දු යවන්නා වන සුරංග ලක්මාල්ගේ සේවය රහිතවය.

ලක්මාල්ගේ ස්ථානය සඳහා කසුන් රජිතව ආදේශ කර තිබෙන අතර ඔහුට අමතරව විශ්ව ප්‍රනාන්දු සහ ළහිරු කුමාරගේ සේවය ලබා ගැනීමට කළමනාකාරීත්වයේ අවධානය යොමුවී තිබේ. පිතිකරුවකු වන මඳ වේග පන්දු යැවීමේ හැකියාව ඇති දසුන් ශානකද අද තරගයේදී අවශ්‍ය විටෙක වේග පන්දු යවන්නකු ලෙසින් කටයුතු කිරීමට සැදී පැහැදී සිටියි.

දකුණු අප්‍රිකානු පිල වෙනුවෙන් විසි දෙහැවිරිදි ලුතෝ සිපම්ලා අද තරගයේදී දකුණු අප්‍රිකානු පිල වෙනුවෙන් ටෙස්ට් වරම් දිනාගෙන සිටියි. වේග පන්දු යවන්නකු ලෙසින් කටයුතු කරන සිපම්ලාට අමතරව තුන් ඉරියව් ක්‍රීඩක වියෑන් මුල්ඩර්, ලුන්ගි න්ගිඩි සහ  ඇන්රිච් නෝර්ට්ජ් වේග පන්දු යවන්නන් ලෙසින් ක්‍රීඩා කරති.

ශ්‍රී ලංකා පිල – 1. දිමුත් කරුණාරත්න (නායක), 2. කුසල් පෙරේරා, 3. කුසල් මෙන්ඩිස්, 4. දිනේෂ් චන්දිමාල්, 5. ධනංජය ද සිල්වා, 6. දසුන් ශානක, 7. නිරෝෂන් දික්වැල්ල, 8. වනිඳු හසරංග, 9. කසුන් රජිත, 10. විශ්ව ප්‍රනාන්දු, 11. ළහිරු කුමාර.

දකුණු අප්‍රිකා පිල – 1.එයිඩන් මාක්‍රම්, 2. ඩීන් එල්ගාර්, 3. රසී වැන්ඩර් ඩුසේන්, 4.ෆෆ් ඩු ප්ලෙසිස්, 5.ටෙම්බා බවුමා, 6.කුවින්ටන් ඩි කොක්, 7.වියෑන් මුල්ඩර්, 8.කේෂව් මහරාජ්, 9. ඇන්රිච් නෝර්ට්ජ්, 10. ලුතෝ සිපම්ලා, 11. ලුංගි න්ගිඩි

Active filters

Recent Posts

  • පානදුර⁣ට ලකුණු පහක තියුණු ජයක්
    ශ්‍රී ලංකා ක්‍රිකට් ආයතනය මෙහෙය වන මේජර් අන්තර් සමාජ විස්සයි 20 ක්‍රිකට් තරගාවලියේ අද (18) පැවැති තරග දෙකකදී තියුණු තරගයකින් පසුව පාණදුර කණ්ඩායම ලකුණු පහකින් ප්‍රබල කෝල්ට්ස් කණ්ඩායම […]
  • චිලව් මේරියන්ස් – මුවර්ස් ජය ලබති
     අන්තර් සමාජ මේජර් විස්සයි 20 ක්‍රිකට් තරගාවලියේ අද (17) පැවැති තරග අතුරින් චිලව් මේරියන්ස් සහ මුවර්ස් කණ්ඩායම් ජයග්‍රහණ අත්කර ගත්හ.  චිලව් මේරියන්ස් කඩුලු හතරකින් බදුරලිය පරාජය කළ අතර […]
  • අවුරු. 23 න් පහළ කාන්තා ක්‍රිකට් දෙවැනි දිනය වැස්සට සේදෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 23 න් පහළ කාන්තා පන්දුවාර විස්සයි-20 ක්‍රිකට් තරගාවලිය යටතේ අද (17 දා) පස්වරුවේ පැවැත්වීමට නියමිතව තිබූ තරග 2 ම අයහපත් කාලගුණය […]
  • ක්‍රීඩකයින් 420 ක් LPL වෙන්දේසියට සුදුසුකම් ලබති
    මෙරට පැවැත්වෙන මහා ක්‍රිකට් සැණකෙළිය හේවත් ලංකා ප්‍රිමියර් ලීග් (LPL) පන්දුවාර විස්සයි-20 ක්‍රිකට් තරගාවලියේ ක්‍රීඩක වෙන්දේසිය එළැඹෙන මැයි 21 වැනිදා ප.ව. 12.00 සිට කොළඹ හිල්ටන් හෝටල් පරිශ්‍රෙය්දී පැවැත්වෙන අතර […]
  • පුහුණු තරගවලට පෙර කුසල්ට කණ්ඩායම සමඟ එකතුවේවි – ඈෂ්ලී ද සිල්වා
    ලෝක කුසලාන ක්‍රිකට් තරගාවලියට සහභාගිවීම සඳහා ඇමරිකා එක්සත් ජනපදය වෙත යෑමට වීසා ඇයැදුම් කර ඇති ශ්‍රී ලංකා ක්‍රිකට් කණ්ඩායමේ ඉදිරි පෙළ පිතිකරු කුසල් මෙන්ඩිස්ගේ වීසා බලපත්‍රය එම තානාපති කාර්යාලය […]

Pin It on Pinterest

LKR Sri Lankan rupee