slc
logo
Home   |    News
නොවැම්බර් 25, 2022
නුවනිඳු සහ මිලාන් ශ්‍රී ලංකා පිලට

sinhala editor

ඇෆ්ගනිස්තානයට එරෙහිව පැවැත්වෙන තරග 3 කින් සමන්විත එක්දින තරගාවලිය සඳහා නම් කරන ලද මූලික සංචිතයේ වෙනසක් සිදුකරමින් නුවනිදු ප්‍රනාන්දු සහ මිලාන් රත්නායක එක් කිරීමට තේරීම් වලදී පියවර ගෙන තිබේ.

තරගාවලිය ආරම්භයට දිනකට පෙර එක්දින තරග අංශයේ විවේකයක් අවශ්‍ය බව පවසමින් තරගාවලියෙන් ඉවත් වුණු භානුක රාජපක්ෂ වෙනුවෙන් නුවනිඳු ප්‍රනාන්දුව ද වම් කලවයේ ඇතිවූ ආබාධයක් හේතුවෙන් නවක වේග පන්දු යවන්නකු වන මිලාන් රත්නායකව ද එක් කිරීමට පියවර ගෙන තිබේ.

මුවර්ස් ක්‍රීඩා සමාජය නියෝජනය කරනු ලබන මිලාන් රත්නායක කුරුණෑගල, වාරියපොල ශ්‍රී සුමගංල විදුහලින් ක්‍රිකට් ක්‍රීඩාවට ප්‍රවිශ්ඨ වූවෙකි. තවමත් 26 හැවිරිදි වියේ පසුවන දකුණත් වේග  පන්දු ය වන්නා මුවර්ස් ක්‍රීඩා සමාජය වෙනුවෙන් පළමු පෙළ එක්දින තරග 23 කදී කඩුලු 24 ක් දවා ගැනීමට සමත්වී තිබේ.

කණ්ඩායමට එක්ව සිටින අනෙක් ක්‍රීඩකයා වන නුවනිදු ප්‍රනාන්දු තවමත් 23 වැනි වියේ පසුවන්නේය. දේශීය පළමු පෙළ එක්දින තරග 21 කට ක්‍රීඩා කළ ඇති නුවනිදු ලකුණු 748 ක් රැස් කිරීමට සමත්ව ඇත්තේ ඉනිමක සාමාන්‍ය 35.61 ක් රඳවා ගනිමිනි. ටෙස්ට් කණ්ඩායම නියෝජනය කරනු ලබන විශ්ව ප්‍රනාන්දුගේ බාල සහෝදරයා වන නුවනිඳු ශතක 2 ක් සහ අර්ධ ශතක 4 ක් ද සමඟින් ප්‍රහාරාත්මක වේග 86.57 ක් රඳවා තබා ගැනීමට සමත් වන්නේය. නුවනිදු මෙම වසර මුලදී පවත්වන ලද නැෂනල් සුපර් ලීග් එක්දින තරගාවලියේ දක්ෂතම පිතිකරු සම්මානයෙන්ද පිදුම් ලැබුවේය.

මිලාන් රත්නායක මේ වන විටත් ශ්‍රී ලංකා කණ්ඩායම සමග එක්ව පුහුණුවීම් කටයුතු වල නිරත වන අතර නුවනිදු ප්‍රනාන්දු අද (25 දා) රාත්‍රියේදී කණ්ඩායම සමග එක්වීමට නියමිතය.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar