Media Release
29th October, 2019
Sri Lanka Cricket provided ‘Bowling Machines’ to 16 Schools, which performed well in the Under 19 Schools Cricket Division 1 Tournament during the year 2018/19 season.
Accordingly, St. Joseph’s College, Colombo, St. Thomas College, Mount Lavinia, St. Sebastian’s College, Moratuwa, Nalanda College, Colombo, Prince of Wales, Moratuwa, Trinity College, Kandy, Thustern College, Colombo, Mahinda College, Galle, Richmond College, Galle, Maris Stella College, Negombo, St. Servatius College, Matara, St. Peter’s College, Colombo, Zahira College, Colombo, Mahanama College, Colombo, St. Benedicts’ College, Kotahena and Ananda College of Colombo was given with bowling machines, with each valued at Rs. 650,000.
These battery powered machines were handed over during a simple ceremony held at Sri Lanka Cricket recently with the participation of School Cricket Captains, Principals and Masters in Charge of those respective schools.
“This is only a start and we are planning to provide these machines to all the 36 schools, which plays Division 1 cricket in due course,’’ said Mr. Shammi Silva, President Sri Lanka Cricket, speaking during the occasion.
“We are also looking to allocate more funds to support school cricket going forward, as we believe, it is important for us to develop the game at the school level in order to unearth hidden talents,’’ added Silva.
Speaking during the occasion, The Principal of the Mahanama College Mr. L.M.D. Dharmasena said “This is a timely act by Sri Lanka Cricket. We know, without school cricket, we cannot speak about international cricket. We assure that these equipment’s will be utilized in the most productive way to help Sri Lanka cricket unearth talent”.
Mr. Oshara Panditharatne, President, Schools Cricket Association and Mr. Kamal Dharmasiri, Head of National Development Center of SLC was also present during the occasion.
මාධ්‍ය නිවේදනය
පාසල් ක්‍රිකට් නංවන්න ක්‍රිකට් ආයතනය පන්දු යැවීමේ යන්ත්‍ර 16 ක් පිරිනමයි
පාසල් ක්‍රිකට් ක්‍රීඩාව ඉහළ තලයකට ගෙන ඒම වෙනුවෙන් වූ යටිතල පහසුකම් වැඩි දියුණු කිරීමේ වැඩපිළිවෙළ යටතේ පන්දු යැවීමේ යන්ත්‍ර (Bowling Machine) 16 ක්, වයස අවුරුදු 19 න් පහළ ප්‍රමුඛ පෙළ ක්‍රිකට් ක්‍රීඩා කරන පාසල් වලට බෙදා දීමට ශ්‍රී ලංකා ක්‍රිකට් ආයතනය පියවර ගනු ලැබීය.
ශ්‍රී ලංකා ක්‍රිකට් ආයතන සභාපති ශම්මි සිල්වා මහතාගේ සංකල්පයක් අනුව සිදු කෙරුණු මෙම වැඩපිළිවෙළ යටතේ ප්‍රථමයෙන්ම ශ්‍රී ලංකාවේ ප්‍රමුඛතම පාසල් තරගාවලිය නියෝජනය කරනු ලබන පාසල් 16 ක් වෙනුවෙන් එම පන්දු යැවීමේ යන්ත්‍ර පිරිනැමීම සිදු කරන ලදී. එම වැඩසටහන යටතේ දිවයිනේ පළමු පෙළ ක්‍රීඩා කරන පාසල් 36 ටම ලබාදීම ශ්‍රී ලංකා ක්‍රිකට් ආයතනයේ බලාපොරොත්තුව වන අතර ඉතිරි යන්ත්‍ර 20 ද මේ වන විටත් ඇනවුම් කර තිබේ. ඒ අනුව ඒ සියල්ල ශ්‍රී ලංකාවට පැමිණි විගස එම පාසල් වලට ලබා දීමට ශ්‍රී ලංකා ක්‍රිකට් ආයතනය පියවර ගෙන තිබේ.
සාමාන්‍ය පන්දු යැවීමේ යන්ත්‍ර ක්‍රියාකරවීම සදහා විදුලි බලය ලබා දිය යුතු වුවත් නවීන තාක්ෂණය උපයෝගී කරගනිමින් නිෂ්පාදනය කොට ඇති මෙම පන්දු යැවීමේ යන්ත්‍රය පැය 3 ක පමණ කාලයක් එහි ඇති විදුලි කෝෂය (Battery) හරහා ක්‍රියාකරවීමේ හැකියාවකින් යුක්ත වීම විශේෂත්වයක් ලෙසින් සැලකේ. භාවිත කිරීමෙන් පසු නැවත විදුලිය ආරෝපණය කරගත හැකි (Charging) ආකාරයෙන් මෙම පන්දු යැවීමේ යන්ත්‍රය නිර්මාණය කිරීම නිසා පාසල්වල පුහුණු කටයුතු විදුලි රැහැන් භාවිතයකින් තොරව ඉතා පහසුවෙන් සිදු කිරීමේ හැකියාව පවතිනු ඇත.
ශ්‍රී ලංකා මුදලින් රුපියල් හයලක්ෂ පනස්දහසක (650,000/=) මුදලකින් යුක්ත වන මෙම විදුලිය ආරෝපණය කර ගත හැකි ආකාරයේ පන්දු යැවීමේ යන්ත්‍රය ශ්‍රී ලංකාවට ගෙන්වන ලද පළමු අවස්ථාව ලෙසින්ද සටහන් වේ. ඒ අනුව එම පන්දු යැවීමේ යන්ත්‍ර බෙදා දීමේ පළමු අදියර වශයෙන් අවසන් පාසල් තරග වාරයේදී කාණ්ඩ 4 හි පෙරමුණ ගනු ලැබූ පාසල් 4 බැගින් වූ පාසල් 16 සඳහා මෙම පන්දු යැවීමේ යන්ත්‍ර ශ්‍රී ලංකා ක්‍රිකට් ආයතන සභාපති ශම්මි සිල්වා මහතාගේ ප්‍රධානත්වයෙන් ඉකුත්දා ශ්‍රී ලංකා ක්‍රිකට් ආයතන මූලස්ථානයේදී සිදුකෙරිණ. මෙම අවස්ථාවට පාසල් ක්‍රිකට් සංගමයේ සභාපති ඔෂාර පණ්ඩිතරත්න මහතා ද සහභාගිවී සිටියේය.
අන්තර් පාසල් වයස අවුරුදු 19 න් පහළ ප්‍රමුඛ පෙළ කාණ්ඩයේ ඉදිරියෙන්ම පසුවන පාසල් 16 හි විදුහල්පතිවරුන්ගේ ද සහභාගිත්වයෙන් පැවැති මෙම පන්දු යැවීමේ යන්ත්‍ර පිරිනැමීමේ අවස්ථාවේදී අදහස් දක්වා සිටි ශම්මි සිල්වා මහතා, “මෙය ආරම්භයක් පමණයි. පළමු පෙළ ක්‍රිකට් ක්‍රීඩා කරන පාසල් 36 සඳහාම මෙම යන්ත්‍ර ලබාදීමට අපි සැලසුම් කරලා තියෙනවා”යි පවසා සිටියේය.
එහිදී වැඩිදුරටත් අදහස් දක්වා සිටි ක්‍රිකට් සභාපතිවරයා, “පාසල් ක්‍රිකට් ක්‍රීඩාව ඉදිරියට ගෙන යෑම සඳහා අපි වැඩි මුදලක් ඉදිරියේදී වෙන් කිරීමට බලාපොරොත්තු වෙනවා. සැඟවුණු දක්ෂතා ඇති ක්‍රීඩකයන් පාසල් ක්‍රිකට් ක්‍රීඩාව තුළින් සොයා ගැනීමේ හැකියාව තියෙන බව අපි විශ්වාස කරනවා”යැයිද පැවැසීය.
මේ අතර ශ්‍රී ලංකා ක්‍රිකට් ආයතනය විසින් පාසල් ක්‍රීඩාවේ යටිතල පහසුකම් නඟා සිටුවීමේ පියවරක් ලෙස සිදුකරන ලද මෙම පන්දු යැවීමේ යන්ත්‍ර බෙදාදීම පිළිබඳව අදහස් දක්වා සිටි කොළඹ මහානාම විදුහලේ විදුහල්පති, එල්. එම්. ඩී. ධර්මසේන මහතා, “මෙය ශ්‍රී ලංකා ක්‍රිකට් ආයතනය විසින් සිදුකරන ලද කාලෝචිත ක්‍රියාවක්. පාසල් ක්‍රිකට් නැතිව අපිට ජාත්‍යන්තර ක්‍රිකට් ගැන කතා කරන්න දෙයක් නැති බව අපි හැමෝම දන්නවා. මේ උපකරණ වඩාත් ඵලදායී ලෙස පුහුණු කටයුතු සඳහා යොදා ගන්නා බවට අපි ක්‍රිකට් ආයතනයට සහතික වෙනවා”යි පවසා සිටියේය.
මධ්‍ය අංශය
ශ්‍රී ලංකා ක්‍රිකට් ආයතනය
