slc
logo
Home   |    News
ජූලි 22, 2019
බංග්ලාදේශ පිලේ නායකයා හදිසියේ වෙනස් වෙයි

Sri Lanka Cricket

ශ්‍රී ලංකා තරග සංචාරයට පිටත්ව යෑමට ප්‍රථම ඩකාහි කරන ලද අවසන් පුහුණු සැසිය අතරතුරදී බංග්ලාදේශ කණ්ඩායම් නායක මෂ්රෆී මොර්ටාසා ආබාධයකට ගොදුරු වීම හේතුවෙන් එම තරග සංචාරය අහිමිවී තිබේ. කලවා ආශ්‍රිත ප්‍රදේශයේ ඇතිවී තිබෙන ආබාධයක් හේතුවෙන් කණ්ඩායම මෙහෙයවීමේ වගකීම ආරම්භක පිතිකරු ටමීම් ඉක්බාල්ට පැවැරීමට එරට තේරීම් කමිටුව පියවර ගෙන තිබේ.

මෙම මස 26 වැනිදා සිට 31 වැනිදා දක්වා කොළඹ ආර්. ප්‍රේමදාස ක්‍රීඩාංගණයේ පැවැත්වෙන එක්දින තරගාවලිය සඳහා 14 දෙනෙකුගෙන් සමන්විත කණ්ඩායමක් ඉකුත් සතියේදී නම් කර තිබුණේ මොර්ටාසාගේ නායකත්වයද සමගිනි.

එහෙත් වම් පාදයේ කලව ආශ්‍රිතව සිදුවි තිබෙන මස් පිඬු ඇදී යෑමේ තත්ත්වයක් හේතුවෙන් සති කීපයක විවේක ගැනීම සඳහා වෛද්‍ය උපදෙස් ලබා දීතිබේ. කෙසේ වෙතත් මොර්ටාසා වෙනුවට දකුණත් වේග පන්දු යවන්නකු වන ටස්කින් අහමඩ් කණ්ඩායමට එක් කිරීමට පියවර ගෙන තිබේ.

කෙසේ වෙතත් ටමීම් ඉක්බාල් බංග්ලාදේශ කණ්ඩායමක් මෙහෙයවනු ලබන පළමු අවස්ථාව වන්නේද මෙම තරගාවලිය වේ. එක්දින තරග අංශයේ නායකත්වයට ආධුනිකයකු වුවත් ටෙස්ට් තරග අංශයේදී ටමීම් බංග්ලාදේශ පිල මෙහෙයවා තිබේ.

ලෝක කුසලාන ක්‍රිකට් තරගාවලියට සහභාගිවුණු බංග්ලාදේශ කණ්ඩායමෙන් තුන් ඉරියව් ක්‍රීඩක මොහොමඩ් සයිෆුදීන්ද පිට කොන්දේ ඇතිවී තිබෙන ආබාධයක් හේතුවෙන් තරගාවලියෙන් ඉවත්ව තිබේ. ඉකුත්දා නිමා වුණු ලෝක කුසලාන ක්‍රිකට් තරගාවලලියේදී ඉන්දියාවට එරෙහිව පැවැතිතරගයේදී ලකුණු 51 ක් ලබා ගනිමින් දක්ෂතා දැක්වීමට සමත්වූ සයිෆුදීන්ගේ ස්ථානය සඳහා දකුණතින් වේග පන්දු යවන ෆර්හාඩ් රීසා කැඳවා තිබේ. අවසන් වරට රීසා එක්දින තරගයකට ක්‍රීඩා කර ඇත්තේ 2011 වසරේදී වීමද විශේෂත්වයකි.

දින 10 ක කාලයක් මෙරට රැඳී සිටීම සඳහා බංග්ලාදේශ ක්‍රිකට් කණ්ඩායම ඉකුත් 20 වැනිදා ශ්‍රී ලංකාවට පැමිණි අතර පළමු සහ එකම පුහුණු තරගයට ලබන 23 වැනිදා පී, සරා ඕවල් ක්‍රීඩාංගණයේදී සහභාගිවනු ඇත. දෙරට අතර එක්දින තරගාවලිය ලබන 26 වැනිදා ආරම්භ වන අතර 28 සහ 31 දිනයන්හිදී දෙවැනි සහ තෙවැනි එක්දින තරග කොළඹ ආර්. ප්‍රේමදාස පිටියේදීපැවැත්වෙනු ඇත. සියළුම තරග දිවා/රාත්‍රී තරග ලෙසින් පැවැත්වෙනු ඇත.

බංග්ලාදේශ ක්‍රිකට් පිල – ටමීම් ඉක්බාල් (නායක), මුෂ්ෆිකර් රහීම්, සබීර් රෙහ්මාන්, සෞම්‍ය සර්කාර්, මොහොමඩ් මිතුන්, මහමුදුල්ලා රියාද්, මොසදික් හුසේන්, රුබෙල් හුසේන්, මස්ටෆිසූර් රෙහ්මාන්, මෙහෙදි හසන්, එනමුල් හක්, ටයිජුල් ස්ලාම්, ටස්කින් අහමඩ්, ෆර්හාඩ් රීසා.

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

USD United States (US) dollar