slc
Home   |    News
ජූලි 30, 2019
ශ්‍රී ලංකාව හමුවේ ලද අසාර්ථකත්වය ගැන ටමීම්ගේ කණස්සල්ල

Sri Lanka Cricket

ශ්‍රී ලංකාවට එරෙහි තරගාවලියට පැමිණීමේදී විශාල බලාපොරොත්තු රාශියක් තිබූ පව පවසන බංග්ලාදේශ නායක ටමීම් ඉක්බාල්, කණ්ඩායමට අත්‍යවශ්‍ය මොහොතේදී තුන් ඉරියවවෙන්ම නැගී සිටීමට නොහැකි වීම එම බලාපොරොත්තු සියල්ල සුන් වී යෑමට හේතු වූ බව පැවැසීය.

තරග 3 කින් සමන්විත දෙරට අතර එක්දින ක්‍රිකට් තරගාවලියේ අගෝස්තු 31 වැනිදා පැවැත්වීමට නියමිත තෙවැනි තරගය පිළිබඳව මාධ්‍ය දැනුවත් කිරීමේදී ඉහත අදහස් පළ කර සිටි මාලිංග, කණ්ඩායම ඉදිරියට ඒමට නම් තමා මෙන්ම මහමුදුල්ලා වැනි ජ්‍යෙෂ්ඨ ක්‍රීඩකයින් දක්ෂතා අතරට පැමිණිය යුතු බවද සඳහන් කර සිටියේය.

“අපි මේ තරගාවලියට එනකොට තරගාවලිය ගැන ගොඩක් බලාපොරොත්තු තබා සිටියා” යැයි පවසන ඉක්බාල් වැඩිදුරටත් “අපි විසින්ම අපි පහත් කරගත්තා. අපිට අවස්ථා තිබුණත්, එයින් වාසි ලබා ගැනීමට බැරි වුණා. මම හිතන විදියට අපි දොස් පවර ගත යුත්තේ අපිටමයි. ශ්‍රී ලංකාව හොඳින් ක්‍රීඩා කළ අතර ඔවුන් තමයි හොඳම කණ්ඩායම වුණේ”යි පැවැසීය.

බංග්ලාදේශ කණ්ඩායමේ නිත්‍ය නායක මෂ්රෆී මොර්ටාසා හදිසියේම ආබාධයකට ලක්වීම නිසා ශ්‍රී ලංකා තරග සංචාරය වෙනුවෙන් තාවකාලික නායකත්වයට පත් ටමීම් පිතිකරුවකු ලෙස අසාර්ථකත්වයට පත් විය. මුෂ්ෆිකර් රහීම් සහ සබීර් රෙහ්මාන් වැනි පිතිකරුවන් හැර අනෙක් සියළු පිතිකරුවන් දක්ෂතා අතරට පැමිණීමට අපොහොසත්වීම නිසා මේ වනවිට කණ්ඩායම දැඩි විවේචනයකට ලක්ව තිබේ. ඒ අතරින් පිතිකරුවකු ලෙස ටමීම් ලබා සිටින අසාර්ථක භාවය පෙරමුණ ගෙන තිබේ. දෙරට අතර පළමු තරගයේදී ලසිත් මාලිංගගේ පන්දුවක් හමුවේ ලකුණු නොලබා දැවී යන ටමීම් දෙවැනි තරගයේ ලකුණු 19 ක් රැස් කිරීමට සමත්විය.

“හැමදාම මගේ බලාපොරොත්තුව බවට පත්ව තියෙන්නේ ලොකු ලකුණු සංඛ්‍යාවක් කරා යන්න හැකිවීම ගැන. නමුත් විවිධ ආකාරයේ දැවී යෑම් වලට හසුව මා දැවී ගියා. ක්‍රිකට් ක්‍රීඩකයකු හැටියට කළ යුත්තේ දිගටම විශ්වාසය තබා ගැනීමයි. හොඳම දේ තමයි මේ වගේ දෙයක් මම දුටුව පළමු අවස්ථාව මෙය නොවීම. මේ වගේ දේ ගැන මට මීට කළින් අත්දැකීම් තියෙනවා”යි ටමීම් පවසයි.

“ක්‍රීඩකයෙක් විදියට මට හැඟෙන්නේ මම අසාර්ථක ක්‍රීඩකයෙක් කියලා. අපේ ජ්‍යෙෂ්ඨ ක්‍රීඩකයිනුත් අසාර්ථක වුණා. නමුත් මම නිතරම විශ්වාස කරන දෙයක් තමයි ඒ වගේ දේවල් ඉදිරියට නොවෙන එක ගැන. මම ලකුණු අතරට පැමිණියොත් ඒ තත්ත්වය අවසන් වේවි”යි ටමීම් පවසයි.

Active filters

Recent Posts

  • ශ්‍රී ලංකාවෙන් ප්‍රසාද ලකුණක් ගිලිහෙයි
    නවසීලන්තයට එරෙහිව පැවැති පළමු එක්දින තරගයේදී නියමිත වේලාවට පන්දුවාර සංඛ්‍යාව යවා අවසන් කිරීමට අපොහොසත් වුණු ශ්‍රී ලංකා කණ්ඩායමට ලෝක කුසලාන සුපර් ලීග් ප්‍රසාද ලකුණු සටහනෙන් තවත් එක් ලකුණක් […]
  • මහේල නවසීලන්තයට නොයෑම ගැන ශ්‍රී ලංකා ක්‍රිකට් කරුණු පහදයි
    ශ්‍රී ලංකා ක්‍රිකට්හි ‘පුහුණු උපදේශකවරයා’ ලෙසින් කටයුතු කරන මහේල ජයවර්ධන ශ්‍රී ලංකා කණ්ඩායම සහභාගිවන සෑම සංචාරයකදීම ජාතික කණ්ඩායම සමඟ සංචාරයට සහභාගි නොවන බව ශ්‍රී ලංකා ක්‍රිකට් දැනුම් දී […]
  • යොවුන් පිලට අවසන් මහ තරග අවස්ථාව ගිළිහෙයි
    අබුඩාබි නුවර පැවැත්වෙන වයස අවුරුදු 19 න්  පහළ තුන්කොන් එක්දින ක්‍රිකට් තරගාවලියේ අවසන් මහ තරගයට සුදුසුකම් ලබා ගැනීම සඳහා ශ්‍රී ලංකා යොවුන් කණ්ඩායමට තිබූ අවසන් අවස්ථාව වූ ඇෆ්ගනිස්තානයට […]
  • දඹුල්ලේ අපරාජිත බව බිඳ වැටෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දඹුල්ල පිලේ අපරාජිත බව බිද දැමූ ගෝල් ක්‍රීඩකයෝ කඩුලු 5ක ජයක් වාර්තා කළහ. දැනටමත් අවසන් මහා තරගයට […]
  • කැන්ඩි දෙවැනි වරටත් ජැෆ්නාට පරදී
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දෙවැනි වරටත් කැන්ඩි පිල පරාජය කිරීමට ජැෆ්නා ක්‍රීඩකයෝ සමත් වූහ. කොළඹ සිංහල ක්‍රීඩා සමාජ ක්‍රීඩාංගණයේ   පැවති තරගයෙන් […]
LKR Sri Lankan rupee

Pin It on Pinterest