slc
logo
Home   |    News
ජූලි 23, 2019
‘හැට්‍රික්’ එකක් ලද අම්බලන්ගොඩ තරුව ලොහාන්

Sri Lanka Cricket

යොවුන් ක්‍රීඩකයන්ගේ දක්ෂතා මැන බැලීම සඳහා ශ්‍රී ලංකා ක්‍රිකට් ආයතනය විසින් සංවිධානය කරන ලද සුපිරි පළාත් ක්‍රිකට් තරගාවලියේදී ක්‍රීඩකයින් කීප දෙනෙක්ම කැපී පෙනෙන දක්ෂතා දැක්වීමට සමත්වුණා. ඒ අතරින් කොළඹ කණ්ඩායමේ නායකයා ලෙසින් කටයුතු කරන කමිල් මිශාරව හඳුන් වන්න පුලුවන්. මහනුවර කණ්ඩායමට එරෙහිව මිශාර රැස් කරන ලද ලකුණු 152 තමයි මේ තරගාවලියේ පිතිකරුවකු ඉනිමක වාර්තා කරන ලද වැඩිම ලකුණු සංඛ්‍යාව. සමස්ථයක් ගත්තම පිතිකරුවන්ගේ තරගාවලියක් විදියට මේ තරගාවලිය හඳුන්වන්න පුළුවන් වුණත් පන්දු යවන්නන්ගේ දක්ෂතාත් කැපී පෙනුණු අවස්ථා තියෙනවා. ගාල්ල කණ්ඩායමට එරෙහිව පැවැති තරගයේදී මහනුවර පිල වෙනුවෙන් ක්‍රීඩා කරන ලද ලොහාන් ද සොයිසාගේ පන්දු යැවීම ඒ අතරින් විශේෂයි. ඒ මොකද කියනවා නම් එම තරගයේදී ලොහාන් දවාගත්තු කඩුලු 5 ට කඩුලු ත්‍රිත්වයකුත් අන්තර්ගත වෙලා තියෙන හින්දා. ලොහාන් කියන්නේ පළමු වරට පළාත් තරගාවලියක් නියෝජනය කරන ලද ක්‍රීඩකයෙක්. පළාත් තරගාවලියේ මුල් තරග 2 ට ක්‍රීඩා කිරීමට වරම් නොලැබුණත් දඹුල්ල කණ්ඩායමට එරෙහිව පැවැති තරගයේදී මුලින්ම ක්‍රීඩා කරන ලද ලොහාන් එම තරගයේදී ලකුණු 28 ක් සහ එක් කඩුල්ලක් දවා ගනිමින් දක්ෂතා දැක්වීමට සමත් වුණා. ඒ දක්වන ලද දක්ෂතා නිසා ඔහුට තෙවැනි ස්ථානය තේරීම වෙනුවෙන් ගාල්ල කණ්ඩායම සමඟ පැවැති තරගයටත් ක්‍රීඩා කිරීමේ අවස්ථාව උදා වුණා.

ඒ තරගයේදී ලොහාන් පන්දු යවන්න එන්නේ දැඩි පීඩනයක් යටතේ. ඒ මොකද කියනවා නම් ඔහු පන්දු යැවීමට පැමිණි 35 වැනි පන්දුවාරය වෙනකොට ගාල්ල කණ්ඩායම කඩුලු 3 කට ලකුණු 247 ක් වැනි දැවැන්ත ලකුණු සංඛ්‍යාවක් ලබාගෙන හිටිය නිසා. කොහොම වුණත් පළමු පන්දුවෙන්ම තෙවින් අමරසිංහව දවා ගත් ලොහාන් ඊළඟ පන්දුවෙන් දුලිත් වෙල්ලාලගේව දවා ගෙන කඩුලු ත්‍රිත්වයේ අභිමුවට පැමිණියා. ලොහාන්ගේ තෙවැනි පන්දුවට පහර දීමට සූදානම්ව හිටියේ මැද පෙළින් වේගයෙන් පන්දුවට පහර දිය හැකි පිතිකරුවෙක් ලෙස නමක් දිනාගෙන සිටින සඳුන් මෙන්ඩිස්. එහෙත් නිවැරදිම ස්ථානයට පන්දුව යොමු කිරීමට ලොහාන් සමත්වීම නිසා සඳුන්ගේ කඩුල්ල දවා ගනිමින් මෙම තරගාවලියේ කඩුලු ත්‍රිත්වයක් ලද පළමු සහ එකම පන්දු යවන්නා බවට වූ විරළ භාග්‍යයට හිමිකම් කීමට ලොහාන් වාසනාවන්ත වුණා.

වමතින් දඟ පන්දු යවන ලොහාන් අම්බලන්ගොඩ ධර්මාශෝක විදුහල නියෝජනය කරමින් මෙම පළාත් තරගාවලිය නියෝජනය කිරීමට වරම් ලද ක්‍රීඩකයෙක්. ගාල්ල දිස්ත්‍රික්කයේ පාසලකින් ආවත් ලොහාන්ට ක්‍රීඩා කිරීමට නියමිත වෙලා තිබුණේ මහනුවර කණ්ඩායම. ඒ අනුව ගාල්ල ප්‍රදේශයෙන් ක්‍රිකට් ක්‍රීඩාවට අවතීර්ණ වුණත් ඔහුගේ උපන් දිස්ත්‍රික්කයට එරෙහිව එම කඩුලු ත්‍රිත්වය වාර්තා කිරීමත් විශේෂත්වයක් වෙනවා. කොහොම හරි තරගයේ පන්දුවාර 10 ම යැව්ව ලොහාන් නිලකුණු පන්දු වාර 2 ක් ද සමග ලකුණු 48 කට කඩුලු 5 ක් දවා ගන්න සමත් වුණා. ඒ විතරක් නොවෙයි, පන්දුවට පහර දීමෙනුත් දක්ෂතා දැක්වූ ලොහාන් පන්දු 51 කදී ලකුණු 44 ක් ලබා ගැනීමට සමත් වුණා. මේ තරගයෙන් මහනුවර කණ්ඩායම පරාජයට පත් වුණු නිසා ලොහාන්ගේ දක්ෂතාව ගැන ගොඩක් කැපිලා පෙනුණේ නෑ. කොහොම වුණත් තවමත් පාසල් වියේ පසුවන ක්‍රීඩකයකු වන ලොහාන්ගේ දක්ෂතා තවදුරටත් දැක බලා ගැනීමට අපිට අවස්ථාව උදා වේවි!

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo