slc
logo
Home   |    News
අගෝස්තු 19, 2019
දිමුත් කරුණාරත්න හොඳම පිතිකරුවන් 10 දෙනා අතරට එයි

Sri Lanka Cricket

අන්තර්ජාතික ක්‍රිකට් කවුන්සිලය විසින් ප්‍රකාශයට පත් කරන ලද ටෙස්ට් පිතිකරුවන් ශ්‍රේණිගත කිරීමේ ලැයිස්තුවේ පළමු පිතිකරුවන් 10 අතර ඉඩක් වෙන් කර ගැනීමට ශ්‍රී ලංකා ක්‍රිකට් නායක දිමුත් කරුණාරත්න සමත්වී තිබේ. නවසීලන්තයට එරෙහිව ගාල්ලේදී පැවැති තරගයේදී පිතිකරුවකු ලෙසින් දක්වන ලද දක්ෂතා මත එම ශ්‍රේණිගත කිරීමේ 8 වැනි ස්ථානය දක්වා පැමිණීමට දිමුත්ට අවස්ථාව උදා වී තිබේ.

නවසීලන්තය සමඟ ගාල්ලේ පැවැති තරගයේදී පළමු ඉනිමේදී ලකුණු 39 ක් රැස් කළ දිමුත්, දෙවැනි ඉනිමේදී ලකුණු 122 ක් රැස් කරමින් කඩුලු 6 ක වාර්තාගත ජයග්‍රහණයක් කරා ශ්‍රී ලංකා පිල රැගෙන ගියේය. මෙම තරගයට පෙර ප්‍රසාද ලකුණු 676 ක් ලබා එම ශ්‍රේණිගත කිරීමෙහි 13 වැනි ස්ථානයේ රැදී සිටි දිමුත්, අවසන් ටෙස්ට් තරගයේ දක්වන ලද දක්ෂතාවයත් සමඟ ඔහුගේ ප්‍රසාද ලකුණු සංඛ්‍යාව 716 දක්වා ඉහළ ගොස් තිබේ.

කෙසේ වෙතත් දිමුත් අදාළ ශ්‍රේණිගත කිරීමෙහි පළමු ස්ථානය 10 ට අතරට පැමිණි පළමු අවස්ථාව මෙය නොවන අතර මීට පෙර ඔහු 7 වැනි ස්ථානයේ රැඳී සිට තිබේ. දිමුත්ට අමතරව මෙම තරගයේදී පිතිකරුවන් ලෙස දක්ෂතා දක්වන ලද ඇන්ජලෝ මැතිව්ස්, 17 වැනි ස්ථානයේ සිට 14 වැනි ස්ථානය දක්වාද නිරෝෂන් දික්වැල්ල 38 වැනි ස්ථානයේ සිට 33 වැනි ස්ථානය දක්වාද ඉදිරියට පැමිණ සිටිති.

පන්දු යවන්නන් අතරින් පළමු ඉනිමේදී කඩුලු 5 ක් දවා ගත් අකිල ධනංජය 45 වැනි ස්ථානයේ සිට 36 වැනි ස්ථානය දක්වාද ඉදිරියට පැමිණෙද්දී ලසිත් ඇඹුල්දෙණිය 79 වැනි ස්ථානයේ සිට 69 වැනි ස්ථානය දක්වා පැමිණ සිටියි.

මේ අතර තරග 2 කින් සමන්විත ටෙස්ට් තරගාවලියට පෙර ප්‍රසාද ලකුණු 94 ක් ලබා සිටි ශ්‍රී ලංකා කණ්ඩායම ගාල්ලේදී පැවැති පළමු ටෙස්ට් තරගය කඩුලු 6 කින් ජය ගැනීමට මත්වීම මත එම ප්‍රසාද ලකුණු සංඛ්‍යාව 97 දක්වා ඉහළ ගොස් තිබේ. එමෙන්ම මෙම තරගාවලියට පෙර ප්‍රසාද ලකුණු 109 ක් ලබා ගනිමින් දෙවැනි ස්ථානයේ පසුවූ නවසීලන්ත පිලේ ප්‍රසාද ලකුණු සංඛ්‍යාව ලද පරාජයත් සමග 105 දක්වා අඩුව තිබෙන බැවින් නවසීලන්ත පිල සිව්වැනි ස්ථානය දක්වා පහත බැස තිබීමද කැපී පෙනෙයි. 

Active filters

Recent Posts

  • සෑම තරගයකදීම අපි පිටියට යන්නේ කණ්ඩායම් හැගීමෙන් යුතුවයි – මහීෂ් තීක්ෂණ
    සෑම තරගයකදීම ශ්‍රී ලංකා ක්‍රිකට් ක්‍රීඩකයින් පිටියට පිවිසෙන්නේ කණ්ඩායම් හැගීමෙන් බවත්, යම් ක්‍රීඩකයෙකුගෙන් අතපසුවීමක් සිඳු වුවහොත් අනෙක් සියලු ක්‍රීඩකයින් එහි පාඩුව මකා දැමීමට කැපවීමෙන් ක්‍රියාත්මකවන බව ශ්‍රී ලංකා […]
  • ජව සම්පන්න  පහරට විශේෂඥ පුහුණුකරුවෙක්
    ශ්‍රී ලංකා ජාතික කණ්ඩායම් නියෝජනය කරනු ලබන ක්‍රීඩක ක්‍රීඩිකාවන්ගේ ජව සම්පන්න කුසලතා වැඩි දියුණු කිරීම සඳහා අරමුණු කර ගත් සතියක පුහුණු වැඩ සටනක් පැවැත්වීම සදහා ඒ සම්බන්ධ විශේෂඥ පුහුණුකරුවකු […]
  • දෙවැනි විස්සයි-20 තරගයෙත් ‘ටිකට්‘ විකිණී අවසන්
    ශ්‍රී ලංකාව සහ බංග්ලාදේශය අතර ලබන ඉරිදා (13 වැනිදා) රංගිරි දඹුලු ජාත්‍යන්තර ක්‍රීඩාංගණයේ පැවැත්වීමට නියමිත දෙවැනි විස්සයි-20 ක්‍රිකට් තරගයේසියලුම ප්‍රවේශපත් විකිණී අවසන්ව ඇති බව ශ්‍රී ලංකා ක්‍රිකට් ආයතනය නිවේදනය […]
  • පළමු විස්සයි-20 න් ශ්‍රී ලංකාවට කඩුලු 7 ක ජයක්
    කඩුලු දවා ගැනීමට වඩා ලකුණු නවාතාලීම උපක්‍රමය ලෙසින් භාවිතා කිරීමට සමත්වීමත්, ආරම්භක පිතිකරුවන් වූ කුසල් මෙන්ඩිස් සහ පැතුම් නිස්සංකගේ වේගවත් ආරම්භයත් හේතුවෙන් පල්ලේකැලේ ජාත්‍යන්තර ක්‍රීඩාංගණයේදී අද (10 දා) රාත්‍රියේ […]
  • ‘ඒ‘ තරගාවලියේ ජය ඔස්ට්‍රේලියාවට
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ කණ්ඩායම සහ ඔස්ට්‍රේලියානු ‘ඒ‘ කණ්ඩායම අතර පැවැති තෙවැනි නිල නොවන එක්දින තරගයෙන් කඩුලු 7 ක ජයක් වාර්තා කළ සත්කාරක ඔස්ට්‍රේලියානු ‘ඒ‘ […]

Pin It on Pinterest

LKR Sri Lankan rupee