එළැඹෙන 14 වැනිදා ගාල්ලේදී ආරම්භ වන නවසීලන්ත ක්‍රිකට් කණ්ඩායමේ ශ්‍රී ලංකා තරග සංචාරයේ මෙරට නිල සජීවී රූපවාහිනී විකාශන සිදුකිරීමේ අයිතිය ශ්‍රී ලංකා රුපවාහිනී සංස්ථාව විසින් ලබාගෙන තිබෙන අතර සියළුම තරග එම සංස්ථාව යටතේ පවතින ‘චැනල් අයි’ නාලිකාව ඔස්සේ විකාශනය කෙරෙනු ඇත.

මීට අමතරව ගුවන් විදුලිය ඔස්සේ තරගය ශ්‍රවණය කරන පිරිස වෙනුවෙන් පන්දුවෙන් පන්දුවෙහි සජීවි විකාශන අයිතිය සිත එෆ්. එම්. විසින් සිදු කරනු ලබන අතර 88.8 හෝ 88.6 සුසර කිරීමෙන් එම සජීවී විස්තර විචාරය ශ්‍රවණය කිරීමේ අවස්ථාව හිමි වනු ඇත.

ප්‍රධාන විකාශන අයිතීන් එසේ සිදුවද්දී ඩිජිටල් මාධ්‍ය භාවිතයෙන් ද මෙම තරගාවලිය නැරඹීමේ අවස්ථාව ක්‍රීඩා ලෝලීන්ට උදා කර දීමට ශ්‍රී ලංකා ක්‍රිකට් ආයතනය පියවර ගෙන තිබේ. ඒ අනුව ශ්‍රී ලංකා ක්‍රිකට් ආයතනයේ Youtube චැනලය ඔස්සේ හා ශ්‍රී ලංකා ක්‍රිකට් ආයතන නිල වෙබ් අඩෙවියේද ඔස්සේ සජීවී තරග විකාශය නැරඹීමේ අවස්ථාව ක්‍රීඩා ලෝලීන්ට උදා වී තිබේ.

SLC Youtube – https://www.youtube.com/srilankacricket

SLC Web Page – https://srilankacricket.lk/live/