slc
logo
Home   |    News
සැප්තැම්බර් 30, 2019
පාකිස්තානය පන්දුවට පහර දෙයි – කණ්ඩායමට දිරිදෙන්න ක්‍රීඩා ඇමැතිත් කරච්චි එයි

Sri Lanka Cricket

Chamila Karawita reporting from Karachi

සංචාරක ශ්‍රී ලංකා ක්‍රිකට් කණ්ඩායම සහ පාකිස්තානය අතර අද (30 දා) පැවැත්වෙන දෙවැනි එක්දින තරගයේදී කාසියේ වාසිය දිනූ සත්කාරක පාකිස්තානු නායක ශෆ්‍රාස් අහමඩ් ප්‍රථමයෙන් පන්දුවට පහර දීමට තීරණය කළේය. දෙරට අතර පැවැති පළමු තරගයට වර්ෂාව හරස්වීම නිසා අත්හැර දැමුණු නමුත් අද දිනයේදී තරගය නියමිත වේලාවට ආරම්භ කෙරෙනු ඇත.

පෙර තරග මෙන් නොව අද තරගයේදී ශ්‍රී ලංකා කණ්ඩායමේ සංයුතිය මුළුමනින්ම වෙනස්ව තිබෙන නමුත් තිරිමාන්නගේ නායකත්වය යටතේ දැඩි තරගයක් දීමේ අපේක්ෂාවෙන් ශ්‍රී ලංකා පිල පසුවේ. මෙම තරගයට පෙර පිවිසුම් ලිපියේදී ශ්‍රී ලංකා ක්‍රිකට් වෙබ් අඩවිය සඳහන් කළ 11 දෙනාම අද තරගයට ක්‍රීඩා කිරීම සඳහා සුදුසුකම් ලබා සිටීම විශේෂත්වයක් වේ.

පාකිස්තානයට අද දිනය දිනය රාජකාරී දිනයක් බැවින් තරගය නැරඹීම සඳහා ක්‍රීඩාංගණය වෙත එතරම් ප්‍රේක්ෂක සංඛ්‍යාවක් පැමිණ තිබෙනු දක්නට නොහැක. කෙසේ වෙතත් ශ්‍රී ලංකා ක්‍රිකට් කණ්ඩායමට දිරි දීමක් වශයෙන් අද  තරගය නැරඹීම සඳහා ක්‍රීඩා අමාත්‍ය හරීන් ප්‍රනාන්දු මහතාද කරච්චි වෙත පැමිණ සිටින අතර ඔහු සමඟ ශ්‍රී ලංකා ක්‍රිකට් ආයතන සභාපති ශම්මි සිල්වා මහතා සහ ලේකම් මොහාන් ද සිල්වා මහතා පැමිණ සිටිති.  

ශ්‍රී ලංකා කණ්ඩායම – ධනුෂ්ක ගුණතිලක, සධීර සමරවික්‍රම, අවිශ්ක ප්‍රනාන්දු, ඕෂධ ප්‍රනාන්දු, ළහිරු තිරිමාන්න (නායක) ෂෙහාන් ජයසූරිය, දසුන් ශානක, ඉසුරු උදාන, වනිඳු හසරංග, නුවන් ප්‍රදීප්, ළහිරු කුමාර.

පාකිස්තානු කණ්ඩායම – ෆකර් සමාන්, ඉමාම් උල් හක්, බාබර් අසාම්, හැරිස් සොහෙල්, ඉෆ්තිකාර් අහමඩ්, ශෆ්‍රාස් අහමඩ්, ඉමාඩ් වසීම්, වහාබ් රියාස්, ශාදාබ් ඛාන්, මොහොමඩ් ආමර්, උස්මාන් ඛාන් ශින්වාරි.

Active filters

Recent Posts

  • ශ්‍රී ලංකාවේ තණතිලි විශිෂ්ටයි – ඔමාර්සායි
    ලංකා ප්‍රිමියර් ලීග් ක්‍රිකට් තරගාවලියකදී ප්‍රථම වතාවට තරගයේ දක්ෂතම ක්‍රීඩකයා ලෙස තේරීම පිළිබඳව තමා දැඩි සතුටට පත්ව සිටින බව ජැෆ්නා කින්ග්ස් කණ්ඩායමේ අංක හත පිතිකරු අස්මතුල්ලා ඔමාර්සායි ගෝල් […]
  • කණ්ඩායමේ සාමුහිකත්වය අපට ජය ගෙන ආවා – මතීෂ පතිරණ
    කළම්බු ස්ට්‍රයිකර්ස් සහ කැන්ඩි ෆැල්කන්ස් අතර ජූලි 06 වැනිදා දඹුල්ලේදී පැවැති ලංකා ප්‍රිමියර් ලීග් තරගය කණ්ඩායම් දෙකම ලකුණු දෙසීයයේ සීමාව අසළටම පැමිණ තියුණුම මුහුණුවරක් ඉසිලුවත් එම තරගය කළම්බු […]
  • තණතීරු ගැන පැතුම්ගේ අදහස
    මේ වන විට ශ්‍රී ලංකාවේ උසස්ම මට්ටමේ තණතිලි ක්‍රිකට් ක්‍රීඩකයනට සැපයෙන හෙයින් ඉදිරියේදී දැනටත් වඩා ලකුණු රැස් කිරීමට පිතිකරුවනට අවස්ථාව උදා වනු ඇතැයි ජැෆ්නා කින්ග්ස් – දඹුල්ල සික්සර්ස් […]
  • අවසන් මහ තරගයට සුදුසුකම් ලැබීම අපේ අභිප්‍රායයි – රොසොව්
    දැන් පැවැත්වෙන එල්.පී.එල්. තරගාවලියේ ප්‍රථම සහ දෙවන ස්ථානයන් අතර පසු වන තම කණ්ඩායම අවසාන මහා තරගයට සුදුසුකම් ලබා ගැනීම කණ්ඩායමේ ක්‍රීඩකයන්ගේ අපේක්ෂාව බව ජැෆ්නා කින්ග්ස් සහ කළම්බු ස්ට්‍රයිකර්ස් […]
  • පළමු තරගයේම තරගයේ දක්ෂතම ක්‍රීඩකයා වීම ගැන සතුටුයි – ප්‍රභාත් ජයසූරිය
    කැන්ඩි ෆැල්කන්ස් කණ්ඩායමේ ප්‍රධාන තුරුම්පුව වන ඇන්ඩ්‍රි ෆ්ලෙචර් සහ දිනේෂ් චන්දිමාල් යන ආරම්භක පිතිකරුවන් දෙදෙනාගේ සබඳතාවය බිඳ දැමීමේ වැදගත්කම දැන සිටි අපගේ කණ්ඩායම (ගෝල් මාවල්ස්) එය ඉටු කර […]

Pin It on Pinterest

LKR Sri Lankan rupee
logo