slc
logo
Home   |    News
නොවැම්බර් 6, 2019
ක්‍රිකට් විනිසුරුවන්ගේ දැනුම වැඩි කරන්න ක්‍රිකට් ආයතනයෙන් අලුත් වැඩක්

Sri Lanka Cricket

ක්‍රිකට් විනිසුරුවන්ගේ ගුණාත්මක භාවය මෙන්ම ක්‍රිකට් නීතිය සම්බන්ධව ඔවුන්ගේ අවබෝධය ඉහළ තලයකට ගෙන ඒමේ අරමුණ ඇතිව  විනිසුරුකරණය සහ ලකුණු සටහන් ක්‍රමවේදය පිළිබඳ නීත ඇතුළත් ‘ටොම් ස්මිත්’ ග්‍රන්ථය පළමු ශ්‍රේණියේ ක්‍රිකට් විනිසුරුවන් වෙත බෙදාදීමට ශ්‍රී ලංකා ක්‍රිකට් ආයතනය පියවර ගනු ලැබීය.

ලෝකයට ක්‍රිකට් නීති සම්පාදය කරනු ලබන මාර්ලිබෝන් ක්‍රිකට් සමාජය (එම්.සී.සී.) විසින් රචිත මෙම ටොම් ස්මිත් ග්‍රන්ථය 2017 වසරේ සිට 2019 දක්වා සිදුකර ඇති සියළුම ක්‍රිකට් නීති සංශෝධනයන් ආවරණය වන අයුරින් මුද්‍රණය කර තිබේ. මෙරට පළමු පෙළ ක්‍රිකට් විනිසුරුවරුන් වෙත මෙවැනි ග්‍රන්ථයක් පිරිනමන ලද පළමු අවස්ථාව වශයෙන් සනිටුහන් වුණු මෙම ග්‍රන්ථ පිරිනැමීම හරහා  විනිසුරුවන්ට මෙතෙක් අඩුපාඩුවක්ව පැවැති සියළුම ක්‍රිකට් සංශෝධනයන් පිළිබඳ වූ සවිස්තරාත්මක සහ විශ්ලේෂණාත්මක වූත් අවබෝධයක් ලබාගැනීමේ වටපිටාව නිර්මාණය කර දීම ශ්‍රී ලංකා ක්‍රිකට් ආයතනයේ ප්‍රධානතම බලාපොරොත්තුව බවට පත්ව තිබේ. තවද මෙම ග්‍රන්ථය පරිශීලනය කිරීම හරහා ක්‍රිකට් නීතිය පිළිබඳ ගැඹුරු දැනුමක් ලබා ගැනීමට උපකාරී වනවා සේම ක්‍රිකට් නීති සම්බන්ධව ගැටළු පැන නගින අවස්ථාවන්හිදී කටයුතු කළ යුතු ආකාරය සම්බන්ධ නිශ්චිත අවබෝධයක් ලබා ගැනීමේ හැකියාව ක්‍රිකට් විනිසුරුවරුන්ට උදා වී තිබේ.

ශ්‍රී ලංකා ක්‍රිකට් ආයතනය විනිසුරු කමිටුව සහ දේශීය ක්‍රිකට් මෙහෙයුම් ඒකකය එක්ව සිදුකරන ලද මෙම ග්‍රන්ථ ප්‍රදානය ඉකුත්දා ශ්‍රී ලංකා ක්‍රිකට් ආයතන මූලස්ථානයේදී සිදුකෙරුණු අතර එහිදී  පළමු පෙළ විනිසුරුකරණයේ යෙදී සිටින විනිසුරුවන් 22 දෙනෙකුට සහ ක්‍රිකට් දැනුම බෙදා දීම වෙනුවෙන් ක්‍රිකට් පළාත් 4 වෙනුවෙන් පත්කර ඇති විනිසුරු උපදේශකයින් සිව් දෙනා වෙත මෙම ග්‍රන්ථ පිරිනැමීම සිදුකෙරිණ.

ශ්‍රී ලංකා ක්‍රිකට් ආයතන විනිසුරු කමිටු ප්‍රධානී දීපාල් මදුරප්පෙරුම මහතාගේ ප්‍රධානත්වයෙන් සිදුවුණු මෙම ග්‍රන්ථ බෙදා දීමේ අවස්ථාව සඳහා විනිසුරු කමිටු ලේකම් වසන්තලාල් ප්‍රනාන්දු, දේශීය ක්‍රිකට් මෙහෙයුම් ඒකක ප්‍රධානී චින්තක එදිරිමාන්න, විනිසුරු කමිටු සාමාජිකයින් වන මොහොමඩ් සිද්දික් සහ මනුජ කාරියප්පෙරුම යන මහත්වරු සහභාගිවූහ.

මාධ්‍ය අංශය

ශ්‍රී ලංකා ක්‍රිකට් ආයතනය

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar