slc
logo
Home   |    News
දෙසැම්බර් 18, 2019
අයර්ලන්තය සමඟ ටෙස්ට් තරගය කල් යයි

Sri Lanka Cricket

එළැඹෙන 2020 වසරේ ආරම්භයේදී අයර්ලන්ත ක්‍රිකට් කණ්ඩායමේ ශ්‍රී ලංකා ටෙස්ට් තරග සංචාරය දින නියමයක් නොමැතිව කල් දැමීමට පියවර ගෙන තිබෙන බව ශ්‍රී ලංකා ක්‍රිකට් ආයතනය ප්‍රකාශ කර තිබේ. මූලික තරග කාල සටහනට අනුව ටෙස්ට් තරගයක් පමණක් ඇතුළත්ව තිබුණු මෙම තරගාවලිය ලබන ජනවාරි මස සහ පෙබරවාරි මස පැවැත්වීමට නියමිතව තිබුණි.

මේ පිළිබඳව තවදුරටත් කරුණු දක්වා සිටින ශ්‍රී ලංකා ක්‍රිකට් ආයතනය විකාශන අයිතිය ලබා දීම සම්බන්ධව 2013 වසරේදී ගිවිසුම් අත්සන් තැබීමේදී අයර්ලන්ත සමඟ තරගයක් සිය තරග කාල සටහනට ඇතුළත්ව නොතිබූ බවත් එම අත්සන් තැබීමෙන් පසු අයර්ලන්තයට ටෙස්ට් වරම හිමිවූ බවත් සඳහන් කර තිබේ. 

ඒ අනුව අයර්ලන්ත ක්‍රිකට් ආයතනය සමඟ සිදුකරන ලද සාකච්ඡාවකින් අනුව මෙම තීරණයට එළැඹි බව පවසන ශ්‍රී ලංකා ක්‍රිකට් ආයතනය ඉදිරියේදී තරගාවලිය විකාශන අයිතිය අළුත් කිරීමේදී ගිවිසුම් ගත වීමට නියමිත තරග කාල සටහනට ඇතුළත් කරමින් තරගාවලිය පැවැත්වීමට බලාපොරොත්තු වන බව සඳහන් කර තිබේ. ශ්‍රී ලංකා ක්‍රිකට් ආයතනය විකාශන අයිතිය නැවත අළුත් කිරීම ලබන 2020 වසරේදී සිදු කිරීමට බලාපොරොත්තුවෙන් පසුවෙයි. 

මූලික තරග සැලසුමට අනුව අයර්ලන්ත කණ්ඩායම පෙබරවාරි මස 08 වැනිදා සිට 12 වැනිදා දක්වා වූ කාලයේදී ශ්‍රී ලංකාව සමඟ එක් ටෙස්ට් තරගයකට සහභාගිවීමට නියමිතව තිබිණ.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar