slc
logo
Home   |    News
දෙසැම්බර් 13, 2019
තෙවැනි දින තරගය දිවා ආහාරයෙන් පසු ඇරඹෙයි

Sri Lanka Cricket

සංචාරක ශ්‍රී ලංකා ක්‍රිකට් කණ්ඩායම සහ පාකිස්තානය අතර රාවල්පිණ්ඩිහි ‘පිණ්ඩි’ ක්‍රීඩාංගණයේ පැවැත්වෙන පළමු ටෙස්ට් තරගයේ තෙවැනි දිනය වන අද (13 දා) දිනයේදීත් වර්ෂාවෙන් බාධා ඇතිවීම නිසා තරගය දිවා ආහායෙන් පසුව හෙවත් පෙ.ව. 1.10 ට ආරම්භ කිරීමට විනිසුරුවෝ තීරණය කළහ. ප.ව. 11.30 වන තෙක්ම ප්‍රධාන තණතීරුව හා ඒ අවට ප්‍රදේශය වැසි ආවරණ වලින් වසා තැබුණද මේ වන විට ඒ සියල්ල ඉවත් කොට තරගය පැවැත්වීම සඳහා සියළු කටයුතු සූදානම් තිබෙන අයුරු දැක ගන්නට තිබේ.

අළුයම් කාලයේ සිට ඇද හැළුණු වර්ෂාව හේතුවෙන් ක්‍රීඩාංගණයේ මැද කොටස පමණක් වැසි ආවරණ වලින් වසා තැබීමට පියවර ගෙන තිබුණද යාර 30 ක සීමාවෙන් එපිට කොටස ආවරණය කිරීමට පිණ්ඩි ක්‍රීඩාංගණයේ සේවයේ නියුථු පිරිස කටයුතු කර නොතිබුණි. මේ තත්ත්වය මත යාර 30 සීමාවේ සිට හතරේ සීමාව දක්වා වූ ප්‍රදේශ තද තෙත බරිත තත්ත්වයක් හට ගෙන තිබුණු නමුත් සුපර් සොපර් යන්ත්‍ර සහ විදුලි ආලෝකය භාවිතයෙන් එම ප්‍රදේශය ක්‍රීඩා කළ හැකි මට්ටමට ගෙන ඒමට ක්‍රීඩාංගණ කාර්යය මණ්ඩලය කටයුතු යෙදුවහ.

කෙසේ වෙතත් ශ්‍රී ලංකාවේ මෙන් නොව ඉතා අඩු සේවක සංඛ්‍යාවක් ක්‍රීඩාංගණ කාර්යය මණ්ඩලයේ කටයුතු කිරීම මත තරගය මෙතරම් ප්‍රමාද වී ආරම්භ කිරීමට හේතුව බව පැහැදිළිවම දැක ගත හැකි විය. දැක ගැනීමට හැකි වූ පරිදි පිණ්ඩි ක්‍රීඩාංගණයේ සේවක මණ්ඩලය 20 දෙනෙකු පමණ වූ අතර ඒ පිරිස තණතීරුව වසා ඇති වැසි ආවරණ ඉවත් කිරීම සඳහාවත් ප්‍රමාණවත් නොවිණ.

තෙවැනි දිනය වන අද දිනයේදී පූර්ණ දිනයේම තරග පැවැත්වුණේ නම් පන්දුවාර 90 ක් යැවිය යුතු වුවත් ප්‍රමාද වී හෙවත් ප.ව. 1.10 ට තරගය ආරම්භ කොට ප.ව. 3.40 ය දක්වා තරගය පැවැත්වෙන බව ප්‍රකාශයට පත් කෙරුණද තෙවැනි දිනය තුළ කොපමණ පන්දු වාර සංඛ්‍යාවක් යැවිය යුතුද යන්න නිශ්චිතව ප්‍රකාශ කිරීමට තරග බලධාරීන් පියවර ගෙන නොතිබිණ.

පළමු ටෙස්ට් තරගයේ දෙවැනි දින අවසන් වන විට ශ්‍රී ලංකා කණ්ඩායම කඩුලු 6 කට ලකුණු 263 ක් ලබා සිටි අතර ධනංජය ද සිල්වා ලකුණු 72 ක්ද ඩිල්රුවන් පෙරේරා ලකුණු 02 ක්ද ලබා තෙවැනි දින ආරම්භයේදී පන්දුවට පහර දීමේ සූදානමින් සිටිති.

Active filters

Recent Posts

  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]
  • පළමු ශතකය නිශාන් මධුශ්කගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ පළමු තරගයෙන් ලකුණු 137ක දැවැන්ත ජයක් වාර්තා කිරීමට බඳුරලිය ක්‍රීඩා සමාජය සමත් වෙයි. කුරුණෑගල යොවුන් ක්‍රිකට් […]
  • කාන්තා ක්‍රිකට් දියුණු වෙන්නේ ක්‍රීඩිකාවන්ගේ කැපවීම නිසයි – චමරි අතපත්තු
    කාන්තා ක්‍රිකට් ක්‍රීඩාව ක්‍රමයෙන් දියුණු තත්ත්වයකට ගෙන ඒමට හැකි වූයේ සියලු දෙනාගේ කැපවීම හේතුවෙන් බව ශ්‍රී ලංකා ක්‍රිකට් නායිකා චමරි අතපත්තු පැවැසූවාය. පසුගිය වසර එකහමාරක කාලය තුලදී ප්‍රබල […]

Pin It on Pinterest

USD United States (US) dollar