ජූලි 17 වැනිදා ආරම්භ වන 2026 ලංකා ප්රිමියර් ලීග් (LPL) තරගාවලියේ උණුසුම ඉහළ යමින් තිබියදී තරගාවලියේ විනිවිදභාවය සහ උසස් විනිශ්චය ප්රමිතිය සහතික කිරීම සඳහා පත් කළ තරග නිලධාරී මණ්ඩලය ශ්රී ලංකා ක්රිකට් ආයතනය විසින් ප්රකාශයට පත් කර තිබේ.
අන්තර්ජාතික ක්රිකට් සභාවේ ප්රභූ (එලයිට්) තරග තීරක මණ්ඩලය නියෝජනය කරන රන්ජන් මඩුගල්ලේ මහතා මෙවරත් ප්රධාන තරග තීරකවරයා ලෙසින් කටයුතු කරන අතර එම ප්රභූ විනිසුරු මණ්ඩලයේ සාමාජික කුමාර් ධර්මසේන මහා විනිසුරු මණ්ඩලයට ඇතුළත්ව සිටියි.
මෙවර නිලධාරී මණ්ඩලයට ICC නැඟී එන (Emerging) විනිසුරුවරුන් සහ තරග තීරකවරුන් මෙන්ම ICC ජාත්යන්තර මණ්ඩලයේ නිලධාරීන් රැසක්ද ඇතුළත් කර තිබීම විශේෂත්වයකි. ඒ සමඟම ශ්රී ලංකා ක්රිකට් ආයතනයේ නැඟී එන තරග තීරක හා විනිසුරු මණ්ඩලයේ නිලධාරීන් කිහිපදෙනෙකුටද මෙවර තරගාවලියේ රාජකාරි පැවරී ඇත.
තරග තීරක මණ්ඩලයට රන්ජන් මඩුගල්ලේ සමඟ ග්රේම් ලැබ්රෝයි, වෙන්ඩල් ලැබ්රෝයි, මනෝජ් මෙන්ඩිස් සහ ප්රදීප් ජෙයප්රකාශ් ඇතුළත් වෙති.
විනිසුරු මණ්ඩලය සඳහා නම් කර ඇති විනිසුරුවන් අතර ප්රභූ විනිසුරු මණ්ඩලය නියෝජනය කරන එකම විනිසුරුවරයා වන්නේ කුමාර් ධර්මසේන මහතා පමණී. ඔහුට අමතරව විදෙස් විනිසුරුවන් දෙදෙනෙකු වන වේන් නයිට්ස්, අසීෆ් යාකුබ් ද මෙවර තරගාවලියේදී විනිසුරුවෝ ලෙස කටයුතු කරනු ඇත.
එසේම අන්තර්ජාතික ක්රිකට් කවුන්සිලයේ විනිසුරු මඩුල්ල නියෝජනය කරන ශ්රී ලාංකික විනිසුරුවන් වන රවීන්ද්ර විමලසිරි, ප්රගීත් රඹුක්වැල්ල, රවීන්ද්ර කොට්ටහච්චි සහ චාමර ද සොයිසා මෙම තරග නිලධාරී මණ්ඩලයට ඇතුළත් කර තිබේ.
මීට අමතරව ශ්රී ලංකා ක්රිකට් නැඟී එන විනිසුරු මණ්ඩලයට අයත් අසංක නානායක්කාර, චන්ද්රිකා අමරසිංහ, හේමන්ත බෝතේජු, ශාන්ත ෆොන්සේකා සහ එස්. පී. ආර්. එල්. දුල්සිරි ද මෙවර තරගාවලියේ විනිශ්චය කටයුතු සඳහා පත්කර ඇත. එහිදී කාන්තා පාර්ශ්වය නියෝජනය කරමින් චන්ද්රිකා අමරසිංහ මහත්මිය ද මෙම තරග නිලධාරී මණ්ඩලයට ඇතුළත් වීම විශේෂත්වයකි.
ලංකා ප්රිමියර් ලීග් 2026 තරගාවලිය ජූලි 17 වැනිදා ආරම්භ වී අගෝස්තු 8 වැනිදා දක්වා පැවැත්වීමට නියමිත අතර, ශ්රී ලංකාවේ මෙන්ම විදෙස් ක්රීඩකයන් රැසකගේද සහභාගිත්වයෙන් තරගාවලිය පැවැත්වීමට සැලසුම් කර තිබේ.
තරග තීරක මණ්ඩලය
- රන්ජන් මඩුගල්ලේ – ජාත්යන්තර ක්රිකට් කවුන්සිලයේ ප්රභූ තරග තීරක මණ්ඩලය
- ග්රේම් ලැබ්රෝයි – ජාත්යන්තර ක්රිකට් කවුන්සිලයේ නැඟී එන තරග තීරක කණ්ඩායම
- වෙන්ඩල් ලැබ්රෝයි – ජාත්යන්තර ක්රිකට් කවුන්සිලයේ ජාත්යන්තර තරග තීරක මණ්ඩලය
- මනෝජ් මෙන්ඩිස් – ශ්රී ලංකා ක්රිකට් නැඟී එන තරග තීරක මණ්ඩලය
- ප්රදීප් ජෙයප්රකාශ් – ශ්රී ලංකා ක්රිකට් නැඟී එන තරග තීරක මණ්ඩලය
විනිසුරු මණ්ඩලය
- කුමාර් ධර්මසේන – ජාත්යන්තර ක්රිකට් කවුන්සිලයේ ප්රභූ විනිසුරු මණ්ඩලය
- වේන් නයිට්ස් – ජාත්යන්තර ක්රිකට් කවුන්සිලයේ නැඟී එන විනිසුරු මණ්ඩලය
- අසීෆ් යාකුබ් – ජාත්යන්තර ක්රිකට් කවුන්සිලයේ නැඟී එන විනිසුරු මණ්ඩලය
- රවීන්ද්ර විමලසිරි – ජාත්යන්තර ක්රිකට් කවුන්සිලයේ ජාත්යන්තර විනිසුරු මණ්ඩලය
- ප්රගීත් රඹුක්වැල්ල – ජාත්යන්තර ක්රිකට් කවුන්සිලයේ ජාත්යන්තර විනිසුරු මණ්ඩලය
- රවීන්ද්ර කොට්ටහච්චි – ජාත්යන්තර ක්රිකට් කවුන්සිලයේ ජාත්යන්තර විනිසුරු මණ්ඩලය
- චාමර ද සොයිසා – ජාත්යන්තර ක්රිකට් කවුන්සිලයේ ජාත්යන්තර විනිසුරු මණ්ඩලය
- අසංක නානායක්කාර – ශ්රී ලංකා ක්රිකට් නැඟී එන විනිසුරු මණ්ඩලය
- චන්ද්රිකා අමරසිංහ – ශ්රී ලංකා ක්රිකට් නැඟී එන විනිසුරු මණ්ඩලය
- හේමන්ත බෝතේජු – ශ්රී ලංකා ක්රිකට් නැඟී එන විනිසුරු මණ්ඩලය
- ශාන්ත ෆොන්සේකා – ශ්රී ලංකා ක්රිකට් නැඟී එන විනිසුරු මණ්ඩලය
- එස්. පී. ආර්. එල්. දුල්සිරි – ශ්රී ලංකා ක්රිකට් නැඟී එන විනිසුරු මණ්ඩලය
