slc
logo
Home   |    News
ඔක්තෝබර් 19, 2020
ශ්‍රී ලංකා ක්‍රිකට් නිල ‘හෙල්මට්’ සහකරු – ‘මසුරි’

Sri Lanka Cricket

එක්සත් රාජධානිය මුල් කරගත් ප්‍රකට ක්‍රිකට් ආරක්ෂිත හිස් වැසුම් (Helmet) නිෂ්පාදන ආයතනයක් වන මසුරි ගෲප් ලිමිටඩ්, ශ්‍රී ලංකා ක්‍රිකට් ක්‍රීඩාවේ නිල ආරක්ෂිත හිස් වැසුම් සහකරු ලෙසින් සහයෝගීතාවයකට එළැඹ සිටියි.

2020 අගෝස්තු මස 31 වැනිදා සිට ක්‍රියාත්මක වන බහු වාර්ෂික ගිවිසුම යටතේ ජාතික පිරිමි හා කාන්තා කණ්ඩායම්, ශ්‍රී ලංකා ‘ඒ’ කණ්ඩායම සහ අවුරුදු 19 න් පහළ ජාතක කණ්ඩායම්වල ක්‍රීඩකයින් සඳහා අවශ්‍ය ආරක්ෂිත හිස් වැසුම් (Helmet) ආරක්ෂිත මසුරි ගෲප් ලිමිටඩ් විසින් ලබාදීමට නියමිතය.

ශ්‍රී ලංකා ක්‍රිකට් ආයතනය වෙනුවෙන් එහි ගරු ලේකම් මොහාන් ද සිල්වා මහතාත් මසුරි ගෲප් ලිමිටඩ් වෙනුවෙන් එහි කලමනාකාර අධ්‍යක්ෂ සෑම් මිලර් මහතාත් මෙම අනුග්‍රාහකත්වය ලබාදීම පිළිබඳව වූ ගිවිසුම අත්සන් තැබූහ.  ශ්‍රී ලංකා ක්‍රිකට් ආයතනය සමඟ මසුරි ගෲප් ලිමිටඩ් හවුල්කාරීත්වයට එළැඹි තෙවැනි වාරය ලෙසින් මෙම අත්සන් තැබීම සටහන් වේ.

මේ පිළිබඳව අදහස් දක්වා සිටි ශ්‍රී ලංකා ක්‍රිකට් ආයතන ලේකම් මොහාන් ද සිල්වා මහතා, “අපගේ ආරක්ෂිත නිල හිස්වැසුම් සහකරු ලෙසින් මසුරි ආයතනය අප සමඟ වූ හවුල්කාරීත්වය දිගින් දිගටම පවත්වාගෙන යෑම ගැන ශ්‍රී ලංකා ක්‍රිකට් ආයතනය වශයෙන් අපි අතිශයින් සතුටට පත් වෙනවා. ශ්‍රී ලංකා ක්‍රිකට් සන්නාමය කෙරෙහි ඔවුන් තුළ ඇති විශ්වාසය කොතරම්ද කියන එක මේ සම්බන්ධතාවය තුළින් පෙන්නුම් කරනවා. ඒ වගේම ශ්‍රී ලංකා ක්‍රිකට් සහ ‘මසුරි’ අතර පෙර පැවැති සේවා සැපයීම් කාල සීමාවේදී අපේ අපේක්ෂාවන් සියල්ල ඔවුන් සපුරාලීමට සමත් වූවා” යි සඳහන් කර සිටියේය.

ගිවිසුම් කාල සීමාව ඇතුළත මසුරි ගෲප් ලිමිටඩ් ආයතනය ශ්‍රී ලංකා ක්‍රිකට් ආයතනයේ ආරක්ෂිත හිස් වැසුම් (Helmet) ආවරණ සපයන්නා ලෙසින් කටයුතු කරනු ඇත. ඒ අනුව ජාත්‍යන්තර වශයෙන් තරගයක් නියෝජනය කිරීමේදී ජාතික තලයේ ක්‍රීඩකයින් මසුරි ආරක්ෂිත හිස්වැස්මක් පැළඳ ක්‍රීඩා කරනු ඇත.

“ශ්‍රී ලංකා ක්‍රිකට් ආයතනය සමඟ ඇති හවුල්කාරීත්වය තෙවැනි වාරය දක්වා දීර්ඝ කිරීමට හැකිවීම සතුටට කරුණක්. ඔවුන්ගේ ක්‍රීඩකයින් ආරක්ෂා කර ගැනීමේදී ශ්‍රී ලංකා ක්‍රිකට් ආයතනයේ පළමු තේරීම ‘මසුරි’ වීම පිළිබඳව අපි ආඩම්බර වන අතරම මේ සම්බන්ධයෙන් හොඳම නිෂ්පාදන සහ සේවාවන් අඛණ්ඩව සැපයීමට අපි සහතික වන්නෙමු”යි මසුරු ගෲප් ලිමිටඩ්හි කලමනාකාර අධ්‍යක්ෂ සෑම් මිලර් මහතා අදහස් දක්වමින් පවසා සිටියේය.

Active filters

Recent Posts

  • ශ්‍රී ලංකාවේ තණතිලි විශිෂ්ටයි – ඔමාර්සායි
    ලංකා ප්‍රිමියර් ලීග් ක්‍රිකට් තරගාවලියකදී ප්‍රථම වතාවට තරගයේ දක්ෂතම ක්‍රීඩකයා ලෙස තේරීම පිළිබඳව තමා දැඩි සතුටට පත්ව සිටින බව ජැෆ්නා කින්ග්ස් කණ්ඩායමේ අංක හත පිතිකරු අස්මතුල්ලා ඔමාර්සායි ගෝල් […]
  • කණ්ඩායමේ සාමුහිකත්වය අපට ජය ගෙන ආවා – මතීෂ පතිරණ
    කළම්බු ස්ට්‍රයිකර්ස් සහ කැන්ඩි ෆැල්කන්ස් අතර ජූලි 06 වැනිදා දඹුල්ලේදී පැවැති ලංකා ප්‍රිමියර් ලීග් තරගය කණ්ඩායම් දෙකම ලකුණු දෙසීයයේ සීමාව අසළටම පැමිණ තියුණුම මුහුණුවරක් ඉසිලුවත් එම තරගය කළම්බු […]
  • තණතීරු ගැන පැතුම්ගේ අදහස
    මේ වන විට ශ්‍රී ලංකාවේ උසස්ම මට්ටමේ තණතිලි ක්‍රිකට් ක්‍රීඩකයනට සැපයෙන හෙයින් ඉදිරියේදී දැනටත් වඩා ලකුණු රැස් කිරීමට පිතිකරුවනට අවස්ථාව උදා වනු ඇතැයි ජැෆ්නා කින්ග්ස් – දඹුල්ල සික්සර්ස් […]
  • අවසන් මහ තරගයට සුදුසුකම් ලැබීම අපේ අභිප්‍රායයි – රොසොව්
    දැන් පැවැත්වෙන එල්.පී.එල්. තරගාවලියේ ප්‍රථම සහ දෙවන ස්ථානයන් අතර පසු වන තම කණ්ඩායම අවසාන මහා තරගයට සුදුසුකම් ලබා ගැනීම කණ්ඩායමේ ක්‍රීඩකයන්ගේ අපේක්ෂාව බව ජැෆ්නා කින්ග්ස් සහ කළම්බු ස්ට්‍රයිකර්ස් […]
  • පළමු තරගයේම තරගයේ දක්ෂතම ක්‍රීඩකයා වීම ගැන සතුටුයි – ප්‍රභාත් ජයසූරිය
    කැන්ඩි ෆැල්කන්ස් කණ්ඩායමේ ප්‍රධාන තුරුම්පුව වන ඇන්ඩ්‍රි ෆ්ලෙචර් සහ දිනේෂ් චන්දිමාල් යන ආරම්භක පිතිකරුවන් දෙදෙනාගේ සබඳතාවය බිඳ දැමීමේ වැදගත්කම දැන සිටි අපගේ කණ්ඩායම (ගෝල් මාවල්ස්) එය ඉටු කර […]

Pin It on Pinterest

USD United States (US) dollar
logo