slc
Home   |    News
පෙබරවාරි 11, 2021
පුහුණු සංචිතයේ සියල්ලෝම කොවිඩ් අවධානමෙන් මිදෙති

sinhala editor

බටහිර ඉන්දීය කොදෙව් සංචාරය ඉලක්ක කර ගනිමින් සිදුකරන ලද පුහුණුවීම් සඳහා සහභාගිවුණු ශ්‍රී ලංකා සංචිතයේ ක්‍රීඩකයින් 35 දෙනාගේ කිසිවකුටත් කොවිඩ් – 19 වෛරසය අසාධනය වී නැතැයි සිදුකරන ලද පී. සී. ආර්. පරීක්ෂණවලදී තහවුරු වී තිබේ.

මෙම පිරිසට අමතරව පුහුණුවීම් සඳහා යොදා ගනු ලබන පන්දු යවන්නන් මෙන්ම ශ්‍රී ලංකා ක්‍රිකට් ඉහළ කාර්යය සාධන මධ්‍යස්ථානයේ කාර්යය මණ්ඩලයට අයත් පිරිසද ඇතුළත් වූ නමුත් ඔවුන් සියළු දෙනාද යහපත් සෞඛ්‍ය මට්ටමේ පසුවන බව එම පී.සී.ආර්. පරීක්ෂණවලදී අනාවරණය වී තිබේ.

ශ්‍රී ලංකා ජාතික කණ්ඩායමේ ප්‍රධාන පුහුණුකරු වන මිකී ආතර් මහතාට සහ ඉදිරි පෙළ පිතිකරු ළහිරු තිරිමාන්නට කොරෝනා වෛරසය අසාධනය වීම හේතුවෙන් පුහුණුවීම් සියල්ල නවතා දැමීමට ශ්‍රී ලංකා ක්‍රිකට් ආයතනයට සිදුවූ අතර එහිදී සියලුදෙනාටම පී.සී.ආර්. පරීක්ෂණ සිදුකිරීමට පියවර ගනු ලැබීය.

මිකී ආතර් සහ ළහිරු තිරිමාන්න තවමත් ප්‍රතිකාර ලබමින් සිටින නමුත්, සෙසු ක්‍රීඩකයින් සියලු දෙනාම හෙට (12 දා) දිනයේදී ශාරීරික යෝග්‍යතා පරීක්ෂණයට මුහුණ දීමට නියමිතය. එම පරීක්ෂණයෙන් අනතුරුව ශ්‍රී ලංකා පිල ලබන 16 වැනිදා යළිත් පුහුණුවීම් ආරම්භ කිරීමට නියමිතය. ඒ අතරතුර කාලයේදී බටහිර ඉන්දීය කොදෙව් පිල සමග පැවැත්වීමට නියමිත තරගාවලියේ දින වකවානුව වෙනස් කිරීම සම්බන්ධව ශ්‍රී ලංකා ක්‍රිකට් ආයතනය සාකච්ඡා කරනු ඇත.  

Recent Posts

  • පළමු තරගයෙන්ම ශ්‍රී ලංකා යොවුන් පිලට පහසු ජයක්
    අබුඩාබි නුවර අද (20 දා) ආරම්භ වුණු වයස අවුරුදු 19 න් පහළ යොවුන් ක්‍රිකට් තරගාවලියේ සමාරම්භක තරගයේදීම බංග්ලාදේශ යොවුන් පිලට එරෙහිව කඩුලු 5 ක විශිෂ්ඨ ජයක් වාර්තා කරමින් […]
  • ළහිරුගේ නායකත්වයේ ඉනිම කැන්ඩිට පළමු ජය ගෙනෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී නායකත්වයේ ඉනිමක් ක්‍රීඩා කළ කැන්ඩි පිලේ ළහිරු උදාර වාර්තා කළ ලකුණු 109 සමග කැන්ඩි පිල ලකුණු 8ක […]
  • ජැෆ්නා – කළම්බු තරගයට වැස්සෙන් බාධා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ ජැෆ්නා හා කළම්බු අතර තරගයේ මුලින් පන්දුවට පහරදුන් කළම්බු පිල ඕවර් 46.3ක් තුලදී කඩුලු 9ක් දැවී ලකුණු […]
  • ශ්‍රී ලංකාව ඉනිමකින් පරාජය කළ නවසීලන්තයට පූර්ණ ටෙස්ට් තරගාවලි ජයක්
      දෙවැනි ඉනිමේදී පිතිකරුවන් ධෛර්යවන්ත පිතිහරඹයක නිරත වූවත් පළමු ඉනිමේ වූ අතපසුවීම මඟහරවා ගැනීමට නොහැකිවීම නිසා වෙලිංටන් නුවරදී පැවැති දෙවැනි ටෙස්ට් තරගයෙන් නවසීලන්තය හමුවේ ශ්‍රී ලංකා කණ්ඩායම ඉනිමක […]
  • 23 න් පහළ අවසන් සටන හෙට සහ අනිද්දා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23 න් පහළ ප්‍රධානතම නැගී ලීග් ක්‍රිකට් තරගාවලියේ මූවර්ස් ක්‍රීඩා සමාජය සහ රාගම ක්‍රීඩා සමාජය අතර අවසන් මහා […]
LKR Sri Lankan rupee

Pin It on Pinterest