slc
logo
Home   |    News
ජූලි 21, 2021
දිනන්න තිබුණු තරගයක් – චරිත් අසලංක

sinhala editor

By Chamila Karawita

අතේ තිබූ දෙවැනි එක්දින තරගයේ ජය ශ්‍රී ලංකා කණ්ඩායමෙන් ලිස්සා ගියේය.  ඒ කඩුලු 3 ක පරාජයක් ලෙසිනි. ඉන්දීය ඉනිමේ 40 වැනි පන්දුවාරය තෙක්ම තරගයේ සමස්ථ වාසියම ශ්‍රී ලංකා කණ්ඩායම සතු වූවත් 8 වැනි කඩුල්ලේ සම්බන්ධතාවය බිඳ දැමීමට පන්දු යවන්නන් අපොහොසත්වීම දෙවැනි තරගයේ පරාජය පමණක් නොව තරගාවලි පරාජයද නවතා ගැනීමට ශ්‍රී ලංකා කණ්ඩායමට නොහැකි විය.

නම් දැරූ පිතිකරුවන් 7 දෙනා මුලු ලකුණු සංඛ්‍යාව 193 ක් තිබියදී දවා ගැනීමට ශ්‍රී ලංකා පන්දු යවන්නන් සමත්වන විට ඉන්දීය ජයග්‍රහණය සඳහා ලකුණු 83 ක් අවශ්‍යව විය. පන්දු 89 ක් ඒ සඳහා ඉතිරිව තිබුණද කණස්සල්ලට කරුණ වූයේ ඉන්දීය කණ්ඩායම සතුව ඉතිරිව තිබුණේ අවසන් පිතිකරුවන් තිදෙනා වීමය. කෙසේ වෙතත් දීපාක් චහර්ට එක්වූ භුවනේෂ්වර් කුමාර් 8 වැනි කඩුල්ල වෙනුවෙන් නොබිඳුණු සම්බන්ධතාවයක් පවත්වමින් පන්දු 5 ක් ඉතිරිව තිබියදී ඉන්දීය ජයග්‍රහණය සනිටුහන් කිරීමට සමත්වූ බැවින් ශ්‍රී ලංකාවට අනපේක්ෂිත පරාජයකට මුහුණ දීමට සිදුවිය.

“ගොඩක් කණගාටුයි රිසාල්ට් එක ගැන. හැබැයි හිතනවා දිනන්න තිබ්බා කියලා. අපිට වැරදින්න කළින් ඒ දෙන්නා හොඳට බැට් කළා. ඒ දෙන්නට ගෞරවය යන්න ඕන. ඒත් තව පන්දු යවන්නෙක් තව කඩුල්ලක් දෙකක් අරන් වනිඳුට සහයෝගය ලබා දුන්නා නම් මීට වැඩිය වෙනස් කතාවක් වෙන්න තිබුණා” යි වේදනාත්මක පරාජයෙන් පසු ශ්‍රී ලංකා ක්‍රීඩක චරිත් අසලංක අදහස් දක්වා සිටියේය.

ශ්‍රී ලංකා ඉනිමේ වැඩිම ලකුණු ලාභියා වූ චරිත් අසලංක පන්දු 68 කදී ලකුණු 65 ක් ලබා ශ්‍රී ලංකා ඉනිමේ කොඳු නාරටිය බවට පත් වූවේය. ඔහුගේ ඉනිම වටා සෙසු පිතිකරුවන් ගොඩ නැගෙද්දී පන්දුවාර 50 අවසනදී ලකුණු 275 ක අභියෝගයක් ඉන්දියාව හමුවේ එල්ල කිරීමට ශ්‍රී ලංකා කණ්ඩායමට අවස්ථාව උදාවිය. මෙහිදී පසු පෙළින් පැමිණි චාමික කරුණාරත්න පන්දු 33 කදී නොදැවී රැස් කරන ලද ලකුණු 44 ද අමතක කළ නොහැක.

“මේ පරාජයේදී කණ්ඩායමේ සාමාජිකයින් මෙන්ම පුහුණු අංශයත් ගොඩක් හැඟුම් බර වුණා. තරුණ කණ්ඩායමක්, ජයග්‍රහණ අඩුවෙන් ලබපු කණ්ඩායමක් වුණත් රට වෙනුවෙන් ක්‍රීඩා කරලා තරගය ජය ගන්න තමයි හැමෝටම ඕන වුණේ. ඒ බව හැමෝම දකින්න ඇති. හැමෝම එකතුවෙලා ගොඩක් ලොකු උත්සාහයක් දැරුවා. නමුත් අවසානාවන්ත විදියට අපිට ජයග්‍රහණය කරන්න බැරි වුණා. ගොඩක් දුකයි” යි තරගාවසානයේ පැවැති මාධ්‍ය හමුවේදී අසලංක අදහස් දක්වා සිටියේය.

ඉන්දීය කණ්ඩායමේ ජයග්‍රහණය වෙනුවෙන් අවසන් පන්දුවාර 10 තුළදී ලකුණු 67 ක් අවශ්‍ය වූ අතර එය නවතාලීමට ශ්‍රී ලංකා කණ්ඩායමේ සැලසුම වූයේ පන්දු සහ ලකුණු පරතරය අඩුකර ගැනීම බව එහිදී අසලංක සඳහන් කර සිටියේය.

“ලකුණු ලබා ගැනීමේ වේගය වැඩි කරන එක ගැන තමයි අපි අවධානය යොමු කළේ. නමුත් එයාලා කඩුලු දවා ගන්න අවස්ථාව ලබා දුන්නේ නෑ. ඔවුන් වනිඳුට පරිස්සමින් ක්‍රීඩා කරලා අනිත් අයට ලකුණු ලබාගන්න තමයි එයා ප්ලෑන් එක හදලා තිබුණේ. ඒක සාර්ථක වුණා. මං දකින විදියට වනිඳුරට ඔවුන් ලකුණු ගන්න ගියානම් සමහර විට තරගය ඔවුන් පරාජයට පත් වන්නත් ඉඩ තිබුණා”

“ඒත් නොම්මර 8 යි 9 යි බැට්ස්මන්ලා ඇවිල්ලා පන්දුවට පහර දෙනවා කියන්නේ පන්දු යවන්නන් විදියට අපි තව ටිකක් ඉගෙන ගන්න වෙනවා. විශේෂයෙන් එයාලව කොහොමද හසුරුවන්නේ කොහොමද එයාලට බෝල් කරන්නේ කියන එක ගැන. කණ්ඩායමක් විදියට මේක හොඳ අත්දැකීමක්” යැයි පවසන අසලංක “වැරදුණ වෙලාවෙදි අපිට ගොඩක් දේවල් හිතෙනවා. තනි තනියෙන් ගත්තත් කණ්ඩායමක්විදියට ගත්තත් ඒ වගේ දේවල් හිතෙනවා. මෙහෙම වුණා නම් හොඳයි කියලා අපිත් ඒවා කතා වෙනවා. නමුත් ඒ වෙලාවේ ගන්න තීරණය කණ්ඩායමත් එක්ක එකතු වෙලා ගන්නේ. ඒක තමයි ඇත්ත කතාව” යැයි තියුණු තරගයකින් පසු ලද පරාජය සම්බන්ධව අසලංක වැඩිදුරටත් අදහස් දක්වා සිටියේය.

Active filters

Recent Posts

  • බාළිකා ලෝක කුසලාන විනිශ්චයට ශ්‍රී ලංකාවෙන් දේදුණු යයි
    මැලේසියාවේ පැවැත්වෙන වයස අවුරුදු 19 න් පහළ බාළිකා ලෝක කුසලාන ක්‍රිකට් තරගාවලියේ විනිසුරු කටයුතු වෙනුවෙන් පත් කරන ලද නිලධාරීන් 20 දෙනා අතරට ශ්‍රී ලංකා කාන්තා ක්‍රිකට් කණ්ඩායමේ හිටපු සාමාජිකාවක […]
  • තරග රැසකටම වර්ෂාවෙන් බාධා
    බම්බලපිටිය පොලිස් ක්‍රීඩාංගණයේ අද (19) පැවැති මේජර් ලීග් තුන්දින අන්තර් සමාජ ක්‍රිකට් තරගාවලියේ පොලීසිය සහ මීගමුව අතර  තරගයේ දී පොලිස් කණ්ඩායමේ නායක අෂේන් බණ්ඩාර පන්දු 66ක දී හතරේ […]
  • ශ්‍රී ලංකා බාළිකාවියන්ට විශිෂ්ඨ ජයක්
    වයස අවුරුදු 19 න් පහළ බාළිකා ලෝක කුසලාන ක්‍රිකට් තරගාවලිය ආරම්භ කරමින් ශ්‍රී ලංකා වයස අවුරුදු 19 න් පහළ කණ්ඩායම තරග වැදි පළමු තරගයෙන්ම මැල්සියාවට එරෙහිව ලකුණු 139 ක දැවැන්ත තරග […]
  • බදුරලිය ජයග්‍රහණය අභියස
     ශ්‍රී ලංකා ක්‍රිකට් සංවිධානය කරන මේජර් ලීග් තුන්දින ක්‍රිකට් තරගාවලියේ මේ සති අන්තයේ දෙවැනි දිනය වු අද (18) එස්.එස්.සී. ක්‍රීඩාංගණයේ පැවැත්වෙන එස්.එස්.සී. – සී.සී.සී. තරගය මේ වන විට […]
  • චානක රුවන්සිරිගෙන් තුන් ඉරියව් දක්ෂතා
     ශ්‍රී  ලංකා ක්‍රිකට් සංවිධානය කරන මේජර් ලීග් තෙදින අන්තර් සමාජ ක්‍රිකට් තරගාවලියේ අද (17) මග්ගොන සරේ ක්‍රීඩාංගණයේ පැවැති රාගම – බදුරලිය තරගයේ දී බදුරලිය කණ්ඩායමේ චානක රුවන්සිරි පන්දු […]

Pin It on Pinterest

LKR Sri Lankan rupee