ශ්‍රී ලංකා ක්‍රිකට් කණ්ඩායමේ පිතිකරණ පුහුණුකරු ලෙසින් කටයුතු කරනු ලබන ග්‍රාන්ට් ෆ්ලවර්ට කොරෝනා වෛරසය ආසාධනය වී ඇති බව අද (08 දා) සිදුකරන ලද පී.සී.ආර්. පරීක්ෂණයේදී තහවුරුවී තිබේ.

එංගලන්ත තරග සංචාරයට සහභාගිවීමෙන් අනතුරුව යළි ශ්‍රී ලංකාවට පැමිණ සිටින ෆ්ලවර්ට වෛරසය ආසාධනය වී තිබෙන බව හැඟුණු වහාම ඔහුව කණ්ඩායමේ සෙසු සාමාජිකයින්ගෙන් වෙන්කොට හුදකෙලා කිරීමට පියවර ගනු ලැබීය. කෙසේ වෙතත් ඔහු මේ වන විට වෛසරය ආසාධනය වීමේදී අනුගමනය කරනු ලබන වෛද්‍ය උපදෙස් වලට අනුව කටයුතු කරනු ඇත.

පිතිකරණ පුහුණුකරුට වෛරසය ආසාධනය වීම මත ශ්‍රී ලංකා කණ්ඩායමේ සාමාජිකයින්ට සියල්ල අද පස්වරුවේදී යළිත් පී.සී.ආර්. පරීක්ෂණයට භාජනය කරනු ලැබීය.