slc
Home   |    News
ජූලි 29, 2021
ශූරයින් තෝරන තරගයේ ඉන්දියාව පළමුව පන්දුවට පහර දෙයි

sinhala editor

තරග 3 කින් සමන්විත විස්සයි-20 තරගාවලියේ ශූරයින් කවුරුන්ද යන්න තේරීම වෙනුවෙන් අද (29 වැනිදා) පැවැත්වෙන තීරණාත්මක තෙවැනි විස්සයි-20 තරගයේ කාසියේ වාසිය දිනූ ඉන්දීය නායක ශිකර් ධවාන් ප්‍රථමයෙන් පන්දුවට පහර දීමට තීරණය කළේය.

දෙරට අතර පැවැති පළමු තරගයෙන් ඉන්දියාවද, දෙවැනි තරගයෙන් ශ්‍රී ලංකාවද ජය වාර්තා කිරීමට සමත්ව සිටීම නිසා මෙම තරගයට දෙපිළම පිවිසෙන්නේ 1-1 ක් ලෙස තරගාවලිය කරට කර හිඳිමිනි. ඒ අනුව අද තරගයේ ජය ගන්නා කණ්ඩායම තරගාවලියේ ශූරයින් ලෙස කිරුළු දරනු ඇත.

තරගය සඳහා සකස් කර ඇති තණතීරුව මීට පෙර භාවිතා නොකරන ලද නවතම තණතීරුවක් වන බැවින් ඊයේ තරගයට වඩා වැඩි ලකුණු සංඛ්‍යාවක් බලාපොරොත්තුවිය හැක. කෙසේ වෙතත් කාසියේ වාසිය උරගා බැලීමෙන් අනතුරුව අදහස් දක්වා සිටි දසුන් ශානක සඳහන් කර සිටියේ පන්දු යැවීමට අවස්ථාව හිමිවීම සතුටට කරුණක් බවයි.  

කණ්ඩායම තුළට කොවිඩ් – 19 වෛසරය ඇතුළුවීම හේතුවෙන් නම් දරා සිටින හර්දික් පාණ්ඩ්‍යා, සූර්යකුමාර් යාදව්, කෘනාල් පාණ්ඩ්‍යා, මනීෂ් පාණ්ඩේ මෙන්ම නවක ක්‍රීඩකයින් වන දීපාක් චහර්, ඉෂාන් කිෂාන් යන ක්‍රීඩකයින් හුදෙකලා කිරීමට ලක්ව සිටින බැවින් දෙවැනි තරගයට ක්‍රීඩා කරන ලද කණ්ඩායමේ නව්දීප් සයිනි වෙනුවට කේරළ ප්‍රාන්ත ක්‍රීඩකයකු වන සංදීප් වොරියර් අද විස්සයි-20 වරම් දිනාගත්තේය.

මේ අතර දෙවැනි තරගයට ක්‍රීඩා කරන ලද ඉසුරු උදාන ආබාධයක් හේතුවෙන් අද තරගයට ක්‍රීඩා නොකරන අතර ඒ සඳහා පැතුම් නිස්සංක ක්‍රීඩා කරනු ඇත.

ශ්‍රී ලංකාව – 1. අවිෂ්ක ප්‍රනාන්දු, 2. මිනෝද් භානුක,3. සධීර සමරවික්‍රම, 4. ධනංජය ද සිල්වා, 5. පැතුම් නිස්සංක, 6. දසුන් ශානක (නායක), 7. වනිඳු හසරංග 8.  චාමික කරුණාරත්න,  9. රමේෂ් මෙන්ඩිස්, 10.  අකිල ධනංජය, 11. දුෂ්මන්ත චමීර.

ඉන්දියාව – 1. ශිකර් ධවාන් (නායක), 2. රුටුරාජ් ගයික්වාඩ්, 3. දෙව්දත් පඩික්කාල්, 4. සංජු සැම්සන්, 5. නිතීෂ් රානා, 6. භුවනේෂ්වර් කුමාර්, 7. කුල්දීප් යාදව්, 8. රාහුල් චහර්, 9. සංදීප් වොරියර්, 10. චේතන් සකරියා, 11. වරුන් චක්‍රවර්තී.

Active filters

Recent Posts

  • යුද හමුදාවේ අසේල ගුණරත්න නැවත ලකුණු අතරට
     ශ්‍රී ලංකා ක්‍රිකට් ආයතනය මෙහෙයවන මේජර් අන්තර් සමාජ විස්සයි 20 ක්‍රිකට් තරගාවලියේ අද (31) පැවැති යුද හමුදාව සහ පොලීසිය අතර තරගයේදී යුද හමුදාව නියෝජනය කරන හිටපු ශ්‍රී ලංකා […]
  • ඉසුරු උදානගේ ප්‍රහාරයෙන් ටැමිල් යුනියන්ට ජය
    ටැමිල් යුනියන් සහ එස්.එස්.සී. අතර අද (30) එන්.සී.සී. ක්‍රීඩාංගණයේ පැවැති ‘සී‘ කොටසේ තියුණුම මුහුණුවරක් ගත් තරගයේ අවසාන පන්දුවාරයේ පන්දුවක් ඉතිරිව තිබියදීම කඩුලු 4 ක ජයක් වාර්තා කර ගැනීමට […]
  • දිමුත් කරුණාරත්න යළිත් එක්දින පිලට
    ඇෆ්ගනිස්තානු පිලට එරෙහිව පැවැත්වෙන තරග 3 කින් සමන්විත එක්දින තරගාවලියේ පළමු තරග 2 සඳහා වන ශ්‍රී ලංකා කණ්ඩායමට දිමුත් කරුණනාරත්නව එක් කිරීමට තේරීම් කමිටුව පියවර ගෙන තිබේ. ක්‍රීඩකයින් […]
  • ලෝක ටෙස්ට් ශූරතාවලියෙන් ශ්‍රී ලංකා පිලට කෝටි 6ක තෑග්ගක්
    ජාත්‍යන්තර ක්‍රිකට් කවුන්සිලය මෙහයවූ ලෝක ටෙස්ට් ශූරතාවලියේ පස්වැනි ස්ථානයට පත් වූ දිමුත් කරුණාරත්න ප්‍රමුඛ ශ්‍රී ලංකා ටෙස්ට් කණ්ඩායමට ත්‍යාග මුදල ලෙස ඇමෙරිකානු ඩොලර් 200,000 ක් පිරිනැමීමට ජාත්‍යන්තර ක්‍රිකට් […]
  • පළමු කඩුලු 5 චමෝද්ගෙන්
    එන්.සී.සී. ආරම්භක පිතිකරු නිරෝෂන් දික්වැල්ල යුද හමුදාව සමඟ අද (29) පැවැති අන්තර් සමාජ විස්සයි 20 තරගයේදී පන්දු 11කදී හයේ පහර තුනක් හතරේ පහර තුනක් සමඟ ලකුණු 34ක් රැස් […]
USD United States (US) dollar

Pin It on Pinterest