slc
logo
Home   |    News
අගෝස්තු 15, 2021
ග්‍රේස් – බ්ලූස් අපරාජිතභාවය රැකගැනීමේ සටනක

sinhala editor

ඩයලොග් – SLC ආරාධිත පන්දුවාර විස්සයි-20 ක්‍රිකට් තරගාවලිය යටතේ හෙට පැවැත්වෙන තරග අතර රාත්‍රී කාලයේ පැවැත්වීමට නියමිත දසුන් ශානකගේ ග්‍රේස් සහ ධනංජය ද සිල්වාගේ බ්ලූස් කණ්ඩායම් අතර තරගයට විශේෂ අවධානයක් යොමු වී තිබේ. ඒ මෙතෙක් පැවැති තරගවලදී දෙපිලම අපරාජිතව භාවය රැක ගනිමින් හෙට තරගයට අවතීර්ණවන බැවිනි. ඒ අනුව හෙට දිනයේ ජය වාර්තා කරනු ලබන කණ්ඩායම අපරාජිත භාවය තවදුරටත් රැක ගැනිමින් තරග වැදීමේ අවස්ථාව උදාකර ගනු ඇත.

මෙතෙක් පැවැති තරග වලදී වැඩිම ආකර්ශනයක් දිනාගෙන සිටින කණ්ඩායම බවට පත්ව සිටින්නේ ධනංජය සිල්වා නායකත්වයට නම් කරන ලද බ්ලූස් කණ්ඩායමයි. මෙතෙක් පැවැති තරගවලදී හඹා යමින් ජය වාර්තා කරන ලද එකම කණ්ඩායම බවට පත්ව සිටින්නේ බ්ලූස් කණ්ඩායම වේ. ග්‍රීන්ස් පිලට එරෙහිව ලකුණු 181 ක ඉලක්කයක් හඹා ගිය ග්‍රින්ස් කණ්ඩායම පන්දු 3 ක් ඉතිරිව තිබියදී ජය ගැනීම මෙතෙක් තරගාවලියේ වාර්තාවුණු කැපී පෙනෙනතම ජයග්‍රහණය විය.

එමෙන්ම එම තරග 2 ම බ්ලූස් පිල ජයග්‍රහණය කරන ලද්දේ ඔවුන්ගේ නම් කරන ලද නායක ධනංජය ද සිල්වා රහිතවය. ඉන්දීය තරගාවලියෙන් පසු දින කීපයක් විවේක ගැන්වීමට තේරීම්වලදී තීරණය වී තිබීම නිසා ධනංජයට පළමු තරග දෙකට ක්‍රීඩා කිරීමේ අවස්ථාව අහිමිවූ අතර කණ්ඩායම මෙහෙයවීම උප නායක ඇන්ජලෝ පෙරේරා විසින් සිදුකරනු ලැබීය.

කෙසේ වෙතත් ධනංජය ද සිල්වා මේ වන විට කණ්ඩායමට එකතුව සිටින අතර හෙට තරගය ඉලක්ක කර ගනිමින් ප්‍රථම වතාවට අද දිනයේදී සිය පුහුණුවීම් වලටද සහභාගිවූවේය. මෙම තත්ත්වය බ්ලූස් කණ්ඩායමේ ශක්තිය තවත් වැඩි කරවන්නක් බවට පත්ව තිබේ.

ධනංජය ද සිල්වා බ්ලූස් කණ්ඩායමට එක්කාසු වන විට ඉන්දියාවට එරෙහි තරගාවලියේදී පිතිකරුවකු ලෙස කැපී පෙනුණු චරිත් අසලංකගේසේවය හෙට තරගයේදී ග්‍රේස් පිලට ලැබෙනු ඇත. මොවුන් දෙදෙනාම අද දිනයේදී පුහුණුවීම් සිදුකරන ලද්දේ එකට වීමද කැපී පෙනෙයි.  ඒ අනුව කණ්ඩායම් අතර වන ක්‍රීඩකයින්ගේ දක්ෂතාවයන් සංසන්දනය කිරීමේදී කණ්ඩායම් දෙකම ඉතාමත් සමබර තත්ත්වයක පසුවෙති.

මෙතෙක් ක්‍රීඩා කරන ලද තරග 2 ම ජය ගෙන සිටින දසුන් ශානකගේ ග්‍රේස් පිලද ප්‍රසාද ලකුණු 4 ක් ලබමින් ග්‍රේස් පිල සමඟ සම තත්ත්වයේ සිටින නමුත්, ලකුණු ලබා ගැනීමේ වේගය මත දෙවැනි ස්ථානයට පත්ව සිටියි. කෙසේ වෙතත් හෙට දිනයේදී ජයග්‍රහණය කරනු ලබන කණ්ඩායම ප්‍රසාද ලකුණු අතින්ද පෙරමුණට පැමිණෙනු ඇත.

හෙට තරගය පිළිබඳව අදහස් දක්වා සිටි බ්ලූස් නායක ධනංජය ද සිල්වා “හොඳ සූදානමක් තියෙනවා. ගහපු තරග දෙකේ පන්දු යවන්නන් පිතිකරුවන් බැලුවහම ඔක්කොම අය හොඳට කළා. ග්‍රේස් කණ්ඩායම ගත්තත් ඔවුන් හොඳට කරලා තියෙනවා. හෙට තරගයේදී ලොකු තරගයක් තියෙයි කියලා මම විශ්වාස කරනවා”යි සඳහන් කර සිටියේය.

“හොඳටම ක්‍රීඩා කරලා තියෙන වෙලාවක කණ්ඩායමේ මානසිකත්වයත් ඉතා ඉහළයි. ඒ අවස්ථාවක කණ්ඩායමට එකතුවීමට අවස්ථාව උදාවීම ගැන සංතෝෂ වෙනවා. බලාපොරොත්තු වෙනවා මේ තරගයත් හොඳට ක්‍රීඩා කරලා ජයග්‍රහණය කරන්න. පිතිකරණයෙන් සහ පන්දු යැවීමෙන් තවත් 10% ක වගේ හදාගන්න තියෙනවා. කොහොම වුණත් ලොකු වෙනස්කමක් සිදුකරන්න අවශ්‍ය වන්නේ නෑ” යැයි කණ්ඩායමට එක්ව සිටින චරිත් අසලංක පුහුණුවීම් අතරතුරදී අදහස් දක්වා සිටියේය.  

මේ අතර හෙට දිනයේ පළමු තරගය ලෙසින් තරගාවලියේ මෙතෙක් එකම තරගයක් හෝ ජයග්‍රහණය කිරීමට අසමත්ව සිටින දිනේෂ් චන්දිමාල්ගේ රෙඩ්ස් පිලත් අශාන් ප්‍රියන්ජන්ගේ ග්‍රීන්ස් පිලත් ප.ව. 2.30 ට තරග වදිනු ඇත. මෙහිදී රෙඩ්ස් කණ්ඩායම වෙනුවෙන් ඉන්දීය තරගාවලියේදී වේග පන්දු යවන තුන් ඉරියව් ක්‍රීඩකයකු ලෙසින් බොහෝ දෙනාගේ අවධානය යොමු වුණු චාමික කරුණාරත්නද ක්‍රීඩා කරනු ඇත.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar