පල්ලකැලේ ජාත්‍යන්තර ක්‍රීඩාංගණය අවට ප්‍රදේශයට පස්වරුවේ ඇද වැටුණු වර්ෂාව හේතුවෙන් ඩයලොග් SLC ආරාධිත පන්දුවාර විස්සයි-20 ක්‍රිකට් තරගාවලියේ සමාරම්භක තරගය වන දසුන් ශානකගේ ග්‍රේස් සහ අශාන් ප්‍රියන්ජන්ගේ ග්‍රීන්ස් අතර තරගය නියමිත වේලාවට ආරම්භ කිරීමට නොහැකිව තිබේ.

ප.ව. 1.30 ට පමණ ක්‍රීඩාංගණය වසා තිබූ වැසි ආවරණ ඉවත් කිරීමට ක්‍රීඩාංගණ කාර්යය මණ්ඩලය පියවර ගත් නමුත් මිනිත්තු කීපයකට පසු යළිත් වර්ෂාව ඇද හැළීම නිසා එම ආවරණ යළි වසා දැමීමට සිදුවිය. කෙසේ වෙතත් එතැන් පටන් මේ දක්වාම වර්ෂාව ඇද හැළෙමින් පවතියි.

අද පැවැත්වීමට නියමිත දෙවැනි තරගය ධනංජය ද සිල්වාගේ බ්ලූස් සහ දිනේෂ් චන්දිමාල්ගේ රෙඩ්ස් අතර ප.ව. 7.00 ට ආරම්භ වීමට නියමිතව තිබේ.