slc
logo
Home   |    News
අගෝස්තු 14, 2021
සැලසුම් හරියටම ක්‍රියාත්මක වුණා – අෂේන් බණ්ඩාර

sinhala editor

Chamila Karawita reporting from Pallakele

බ්ලූස් පිලේ දඟ පන්දු යවන්නන් වුණු නායක ඇන්ජලෝ පෙරේරා සහ ප්‍රවීන් ජයවික්‍රමගේ දක්ෂ පන්දු යැවීම නිසා දිනේෂ් චන්දිමාල් නායකත්වය දරනු ලබන රෙඩ්ස් පිලට එරෙහිව ලකුණු 56 ක පහසු ජයක් වාර්තා කිරීමට බ්ලූස් කණ්ඩායම සමත්වූවේය. මෙම තරගයේදී රෙඩ්ස් පිලට ලකුණු 149 ක තරම් පහසු ඉලක්කයක් හිමි වුවද බ්ලූස් පන්දු යවන්නන්ගේ දක්ෂතා හේතුවෙන් 17 වැනි පන්දුවාරයේදී ඉනිම ලකුණු 92 කට සීමා විය.

පන්දුවට පහර දීමේදී එක පිට එක කඩුලු දැවී යෑම බ්ලූස් පිල තරමක තැති ගන්වනු ලැබූ කරුණක් බවට පත් වූ නමුත් අංක 7 පිතිකරණ ස්ථානයෙන් පන්දුවට පහර දීම සඳහා පිටියට පිවිස් අෂේන් බණ්ඩාර වටිනා පිතිකරණයක නිරත වෙමින් පන්දු 25 කදී වේගවත් ලකුණු 45 ක් රැස් කළේය. හතරේ පහර 5 ක් ද ඇතුළත් වුණු එම ඉනිම අෂේන්ට තරගයේ වීරයා සම්මානයෙන් පිදුම් ලැබීමට අවස්ථාව ලබා දුන්නේය.

“මගේ සහන්ගේ ප්ලෑන් එක තිබ්බේ  ඕවර 17 වෙනකම් විකට් එක නොදී ලකුණු වේගය රඳවා ගනිමින් ක්‍රීඩා කරන්න. ඒ දේ හරියටම කරලා තිබුණ නිසා ඒ වගේ ලකුණු සංඛ්‍යාවකට යන්න හැකියාව ලැබුණා” යැයි බණ්ඩාර තරගයෙන් අනතුරුව පැවැසීය.

බණ්ඩාර පන්දුවට පහර දීමට පැමිණෙන විට කඩුලු 5 ක් මුලු ලකුණු සංඛ්‍යාව 69 ක්ව තිබියදී දැවී ගොස් බ්ලූස් පිල අසීරු අඩියකට වැටී සිටියේය. එහෙත් සහන් ආරච්චිට එක් වුණු අෂේන්, 6 වැනි කඩුල්ල වෙනුවෙන් ලකුණු 49 ක සම්බන්ධතාවයක් පවත්වමින් බ්ලූස් පිල අසීරුතාවයෙන් මුදවා ගත්තේය. “මට තිබුණේ ගේම් එක අන්තිම වෙනකම් ඇදගෙන යන්න. ඉතිං මං හිතන්නේ ඒ දේ මට කරන්න පුලුවන් වුණා. මට ටීම් එකේ තියෙන රෝල් එක මොකද්ද කියලා අඳුනගත්තා. ඒ දේට ගොඩක් ප්‍රැක්ටිස් කළා. ඒ නිසා තමයි මේ වගේ ලකුණු අතරට එන්න පුලුවන් වුණේ” යැයි පවසන අෂේන් ” සැලසුම තිබ්බේ මුල් විකට් දෙක තුන යනකොට ආකමණික කාරී විදියට තරගයට යන්න.  ඒක තමයි බෝලර්ස්ලා ඒ දේ හරියට කරලා කළා. ඒ වගේම විකට් එක පොඩ්ඩක් මන්දගාමී වෙලා වගේ තිබ්බා. මං හිතන්නේ නායකයා ගත්ත ඩිෂිෂන් හරියට හරි. ඉතිං හරි දේවල් කරපු නිසා මේ තරගය ජය ගැනීමට හැකි වුණා” යි වැඩිදුරටත් සඳහන් කර සිටියේය.

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee