slc
Home   |    News
ඔක්තෝබර් 14, 2021
දෙවැනි පෙරහුරුවත් ශ්‍රී ලංකාව ලකුණු 38කින් ජය ගනියි

sinhala editor

විස්සයි-20 ලෝක කුසලාන ක්‍රිකට් තරගාවලියට සූදානම් වීම සඳහා අන්තර්ජාතික ක්‍රිකට් කවුන්සිලය විසින් ලබා දෙනු ලබන පුහුණු තරග අතර ශ්‍රී ලංකා කණ්ඩායමේ දෙවැනි පුහුණුව බවට පත් වුණු පැපුවා නිව්ගිනියාවට එරෙහි තරගයෙන් ලකුණු 38 ක පහසු ජයක් වාර්තා කර ගැනීමට ශ්‍රී ලංකා කණ්ඩායම අද (14 දා) සමත්විය.

ජයග්‍රහණය සඳහා ලකුණු 162 ක ඉලක්කයක් හඹා ගිය පැපුවා නිව්ගිනියාවට ශ්‍රී ලංකා පන්දු යැවීම හමුවේ රැස් කර ගත හැකි වූයේ කඩුලු 7 ක් දැවී ලකුණු 124 ක් පමණි. ප්‍රතිවාදී පිතිකරුවන් අතරින් අසාද් වාලා ලකුණු 51 ක් ලබා හුදෙකලා සටනක නිරත වද්දී දුෂ්මන්ත චමීර සහ වනිඳු හසරංග කඩුලු 2 බැගින් බිඳ හෙළූහ. ඔවුන්ට අමතර නායක දසුන් ශානක, චාමික කරුණාරත්න සහ මහීෂ් තීක්ෂණ කඩුල්ල බැගින් දවා ගත්හ.

අබුඩාබිහි ටොලරන්ස් ඕවල් පිටියේ පැවැති මෙම තරගයේදී කාසියේ වාසිය දිනූ ශ්‍රී ලංකා පිල පළමුව පන්දුවට පහර දෙමින් කඩුලු 5 ක් දැවී ලකුණු 162 ක් රැස් කර ගත්තේය. පිතිකරුවන් අතර වැඩි බලාපොරොත්තුවක් බවට පත්ව සිටින අවිෂ්ක ප්‍රනාන්දු මේ තරගයේදීද සාර්ථක වෙමින් අර්ධ ශතකයක් රැස් කරගත්තේය.

ආරම්භක පිතිකරු ස්ථානයෙන් පන්දුවට පහර දුන් අවිෂ්ක අංක 4 පිතිකරුවාගේ වගකීම භාර ගත් දින සිට කැපී පෙනෙන සාර්ථකත්වයක් පෙන්නුම් කරමින් සිටියි. පන්දු 37 කට මුහුණ දුන් අවිෂ්ක වේගවත් ලකුණු 61 ක් ලබා ගත්තේය. එම අගනා ඉනිම සඳහා ඔහු හයේ පහර 4 ක් සහ හතරේ පහර 2 ක් එල්ල කළේය.

වේගයෙන් අවිෂ්ක ලකුණු රැස් කළද ඉනිමේ වැඩිම ලකුණු ලාභියා වූයේ පැතුම් නිස්සංකය.

අවසන් ඉනිම කීපයේදීම ලකුණු අතර නොසිටි පැතුම් තේරීම් කමිටුවේ බලාපොරොත්තු මල්ඵල ගන්වමින් අද තරගයේදී ලකුණු අතරට පැමිණියේ  ඉනිමේ වැඩිම ලකුණු ලාභියා බවට පත්වෙමිනි. අවිෂ්ක තරම් වේගයෙන් පැතුම් පන්දුවට පහර නොදුන්නද මුහුණ දුන් පන්දු 58 න් ලකුණු 76 ක් තම කණ්ඩායමට දායාද කළේය. හයේ පහර 2 ක් සහ හතරේ පහර 6 ක් සමඟින් ලකුණු රැස් කළ හුරුබුහුටි දකුණත් පිතිකරුවා ඉනිම ආරම්භයේ සිට 19 වැනි පන්දුවාරයේ පස්වැනි පන්දුවේදී දැවී ගියේය. විස්සයි-20 ලෝක කුසලාන ක්‍රිකට් තරගාවලියේ සුදුසුකම් ලැබීමේ තරග වටය යටතේ ‘ඒ’ කාණ්ඩය නියෝජනය කිරීමට නියමිත ශ්‍රී ලංකාව එහි පළමු තරගය සඳහා ලබන 18 වැනිදා නැමීබියාවට එරෙහිව තරග වදිනු ඇත. එම තරග වටය යටතේ ශ්‍රී ලංකාව 20 වැනිදා අයර්ලන්තයට එරෙහිවද 22 වැනිදා නෙදර්ලන්තයට එරෙහිවද තරග වදිනු ඇත.

Recent Posts

  • යාපනයේ ක්‍රිකට් ගැන විතූෂාන් කතා කරයි
    යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් […]
  • ශ්‍රී ලංකා යොවුන් පිලට ලකුණු 62 ක පරාජයක්
    අබුඩාබිහි පැවැත්වෙන තුන්කොන් ක්‍රිකට් තරගාවලියේ ශ්‍රී ලංකා වයස අවුරුදු 19 න් පහළ කණ්ඩායම තරග වැදි දෙවැනි එක්දින තරගයේදී ඇෆ්ගනිස්තානු පිළ හමුවේ ලකුණු 62 ක පරාජයක් ලැබීය. මෙම ජයත් […]
  • නැගීඑන ශූරතාව මුවර්ස් දිනා ගනියි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23න් පහළ ප්‍රධානතම ලීග් ක්‍රිකට් තරගාවලියේ අවසන් මහා තරගයේ පළමු ඉනිමේ ජයග්‍රහණය ලැබූ මුවර්ස් ක්‍රීඩා සමාජය මේ වසරේ […]
  • අවසන් සටනේ මුල් දිනයේ රාගම කඩුලු 8කට ලකුණු 258යි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23 න් පහළ ප්‍රධානතම ලීග් ක්‍රිකට් තරගාවලියේ අවසන් මහා තරගයේ මුලින් පන්දුවට පහරදෙන රාගම ක්‍රිකට් සමාජය පළමු දිනයේ […]
  • දිමුත් සහ චන්දිමාල් ‘විස්ඩන්’ ලෝක කණ්ඩායමට
    ක්‍රිකට් ක්‍රීඩාවේ බයිබලය ලෙසින් සැලකෙන ප්‍රකට විස්ඩන් (Wisden) සඟරාව විසින් තෝරනු ලබන ටෙස්ට් ලෝක ශූරතා තරගාවලිය සඳහා ක්‍රීඩා කරන ලද ලොව හොඳම ක්‍රීඩකයින් 11 දෙනා අතරට ශ්‍රී ලංකාවේ […]
LKR Sri Lankan rupee

Pin It on Pinterest