slc
Home   |    News
ඔක්තෝබර් 18, 2021
ශ්‍රී ලංකාව කළු පටි පැළඳ ක්‍රීඩා කරයි

sinhala editor

සුපිරි කණ්ඩායම් 12 අතර තරග වටයට සුදුසුකම් ලබා ගැනීම සඳහා වන සුදුසුකම් ලැබීමේ තරගාවලියේ පළමු තරගය වන නැමීබියාවට එරෙහි තරගයේ කාසියේ වාසිය දිනා ගත් ශ්‍රී ලංකා නායක දසුන් ශානක පළමුව පන්දු යැවීම තෝරා ගනු ලැබීය. අබුඩාබිහි ෂෙයික් සයිඩ් ක්‍රීඩාංගණයේ පැවැත්වෙන මෙම තරගයේදී  රාත්‍රී කාලයේ ඇතිවිය හැකි පිණී තත්ත්වය පිළිබඳව සලකා බලමින් ශ්‍රී ලංකාව මෙම තීරණයට එළැඹ තිබේ.

‘ඒ’ කාණ්ඩය යටතේ තරග වදින ශ්‍රී ලංකාවට එරෙහිව තරග වදින නැමීබියා කණ්ඩායම අද තරගයට පිවිසෙන්නේ අවසන් වරට සහභාගිව සිටින විස්සයි-20 තරග 22 න් 18 ක්ම ජයගනිමිනි.

ශ්‍රී ලංකා කණ්ඩායම මෙම තරගයට උප නායක ධනංජය ද සිල්වාව රහිතව අවතීර්ණව සිටියි. පූර්ණ සුවය ලබා සිටින කුසල් පෙරේරා පැතුම් නිස්සංක සමඟ ඉනිම ආරම්භ කරන අතර දිනේෂ් චන්දිමාල් අංක 3 පිතිකරුවා ලෙස පිටියටා පිවිසීමට සූදානමින් සිටියි. දුෂ්මන්ත චමීරගේ සහායට ළහිරු කුමාරවද කැඳවමින් ශ්‍රී ලංකා කණ්ඩායම අද තරගයට සහභාගිව සිටියි.

ශ්‍රී ලංකාවේ පළමු ටෙස්ට් නායකයා වූ බන්දුල වර්ණපුර මහතාගේ අභාවය වෙනුවෙන් ශෝකය පළ කිරීම සඳහා ශ්‍රී ලංකා කණ්ඩායම මෙම තරගයේදී කළු අත්පටි බැඳ ක්‍රීඩා කරන අතරම තරගයට පෙර ඒ මහතාට ශෝකය පළ කිරීම වෙනුවෙන් විනාඩි 2 ක නිශ්ශබ්දතාවක්ද දෙපිළේ ක්‍රීඩකයින් විසින් පවත්වනු ලැබීය. මීට අමතරව අද පස්වරුවේ නිමාවට පත් ශ්‍රී ලංකා යොවුන් පිල සහ බංග්ලාදේශ යොවුන් පිල අතර රංගිරි දඹුලු පිටියේ පැවැති තරගයේදීද යොවුන් කණ්ඩායමේ ක්‍රීඩකයෝ කළු අත්පටි පැළඳ ක්‍රීඩා කළහ.

නැමීබියාව – ස්ටීවන් බාඩ්, සැන් ග්‍රීන්, ක්‍රෙග් විලියම්ස්, ගෙහාර්ඩ් එරස්මස්(නායක), ඩේවිඩ් වීස්, පිකියා ෆ්‍රාන්ස්. ජේ. ජේ. ස්මිත්, ජැන් ෆ්‍රයිලින්ක්, ජැන් නිකොල්, රුබෙන් ටෘපල්මන්, බර්නාර්ඩ් ෂූල්ට්ස්.

ශ්‍රී ලංකාව – කුසල් පෙරේරා, පැතුම් නිස්සංක, දිනේෂ් චන්දිමාල්, අවිෂ්ක ප්‍රනාන්දු, භානුක රාජපක්ෂ, දසුන් ශානක (නායක), චාමික කරුණාරත්න, වනිඳු හසරංග, දුෂ්මන්ත චමීර, මහීෂ් තීක්ෂණ, ළහිරු කුමාර.

Active filters

Recent Posts

  • ශ්‍රී ලංකාවෙන් ලකුණු 269 ක ඉලක්කයක්
    මුල් පෙළ පිතිකරුවන් අසාර්ථක්තවයට පත් වුවද පස්වැනි කඩුල්ලට එක් වුණු චරිත් අසලංක සහ ධනංජය ද සිල්වා ගොඩනංවන ලද ලකුණු 99 ක සම්බන්ධතාව පෙරමුණු කොට ඇෆ්ගනිස්තානයට එරෙහිව හම්බන්තොට මහින්ද […]
  • දුශාන් සහ මතීෂට එක්දින වරම්!
    By Chamila Karawita ශ්‍රී ලංකාව සහ ඇෆ්ගනිස්තානය අතර හෙට (02 දා) ආරම්භ වන එක්දින තරගාවලිය එක්දින ලෝක ශූරතාවට අයත් නොවන්නකි. එහෙත් මෙම තරගාවලියේදී ඇෆ්ගනිස්තානට කෙසේ වෙතත්ට ශ්‍රී ලංකාවට […]
  • ඒස් කැපිටල්-කෝල්ට්ස්-බ්ලූම්ෆීල්ඩ්-ටැමිල් යුනියන් ජය වාර්තා කරති 
    ශ්‍රී ලංකා ක්‍රිකට් ආයතනය මෙහෙයවන අන්තර් සමාජ මේජර් විස්සයි 20 ක්‍රිකට් තරගාවලියේ අද (ජුනි 01) පැවැති ඒස් කැපිටල් – බදුරලිය තරගයේදී ඒස් කැපිටල් නායක රොෂාන් ජයතිස්ස තුන් ඉරියව්වේදීම […]
  • සිංහ – ඇෆ්ගන් සටනේ ‘ටිකට්’ ස්ථාන 3 කින්
    ඇෆ්ගනිස්තානු ක්‍රිකට් කණ්ඩායමේ ශ්‍රී ලංකා තරග සංචාරය යටතේ පැවැත්වෙන තරග 3 කින් සමන්විත එක්දින ක්‍රිකට් තරගාවලියේ ප්‍රවේශ පත්‍ර ශ්‍රී ලංකා ක්‍රිකට් ආයතනය නිල වෙබ් අඩෙවියට (www.srilankacricket.lk) පිවිසි මිලදී […]
  • ඇෆ්ගන් – ශ්‍රී ලංකා සටනේ නිලධාරීන් නම් කරයි
    හෙට (02 දා) හම්බන්තොට මහින්ද රාජපක්ෂ ක්‍රීඩාංගණයේදී ආරම්භ වන ශ්‍රී ලංකාව සහ ඇෆ්ගනිස්තානය අතර එක්දින තරගාවලියේ තරග තීරකවරයා ලෙසින් ප්‍රවීන තරග තීරක රංජන් මඩුගල්ලේ මහතා කටයුතු කරනු ඇත. […]
USD United States (US) dollar

Pin It on Pinterest