slc
logo
Home   |    News
නොවැම්බර් 5, 2021
ශ්‍රී ලංකාවට එන කොදෙව් පිලට අලුත් මුහුණක්

sinhala editor

ශ්‍රී ලංකාවට එරෙහිව නොවැම්බර් මස 21 වැනිදා ගාල්ල ජාත්‍යන්තර ක්‍රීඩාංගණයේදී ආරම්භ වන ටෙස්ට් තරගාවලිය සඳහා නම් කරන ලද 15 දෙනෙකුගෙන් සමන්විත බටහිර ඉන්දීය කොදෙව් කණ්ඩායමට නවක ක්‍රීඩකයකු වන ජෙරම් සොලොසනෝව එක් කිරීමට රට තේරීම් වලදී පියවර ගෙන තිබේ. වමතින් පිත්ත හසුරුවන සොලොසනෝ ආරම්භක පිතිකරුවෙකි.

2014 වසරේ පැවැති වයස අවුරුදු 19 න් පහළ ලෝක කුසලාන ක්‍රිකට් තරගාවලිය නියෝජනය කරමින් බටහිර ඉන්දීය කොදෙව් ‘ඒ’ කණ්ඩායමද නියෝජනය කිරීමට වරම් ලද සොලොසනෝ මෙම තරගාවලියට පෙර ඇන්ටිගුවාහි පැවැති දෙවැනි පුහුණු තරගයේදී පන්දු 216 කට මුහුණ දෙමින් ලකුණු 74 ක් ලබා ගැනීමට සමත්වී තිබේ. එම තරගයේදී ඔහු පෙන්වන ලද ඉවසීම සහ සන්සුන්තාවය ප්‍රධාන කොට ශ්‍රී ලංකාවට එරෙහි අවසන් 15 දෙනා අතර ස්ථානයක් වෙන්කර දීමට එරට තේරීම් වලදී පියවර ගෙන තිබේ.

මීට අමතරව අවසන් වතාවට 2015 වසරේදී ටෙස්ට් තරගයකට ක්‍රීඩා කර දඟ පන්දු යවන වීරසාමි පෙරුමාල්වද බටහිර ඉන්දීය කොදෙව් කණ්ඩායමට එක් කර තිබේ. ඔහු දඟ පන්දු යවන්නන් ලෙසින් කණ්ඩායමට එක්ව සිටින රකීම් කෝන්වෝල් සම ජොමෙල් වොරිකන් සමඟ කටයුතු කරනු ඇත. ක්‍රේග් බ්‍රැත්වයිට්ගේ නායකත්වයෙන් යුතු බටහිර ඉන්දීය කොදෙව් ටෙස්ට් කණ්ඩායම අවසන් වතාවට බංග්ලාදේශයට එරෙහිව පැවැති තරගාවලිය 2-0 ක් ලෙස ජය ගැනීමට සමත්විය.

ශ්‍රී ලංකාවට එරෙහි තරගාවලියට සහභාගිවීම සඳහා බටහිර ඉන්දීය කොදෙව් පිල මෙම මස 11 වැනිදා ශ්‍රී ලංකාවට පැමිණීමට නියමිත අතර පළමු ටෙස්ට් තරගයට 21 වැනිදා සහභාගිවනු ඇත. ඊට පෙර ඔවුන්ගේ කණ්ඩායමේ ක්‍රීඩකයින් දෙපිළ බෙදී පවත්වනු ලබන සිව්දින පුහුණු තරගයකටද සහභාගිවීමට නියමිතය. ජෛව බුබුලු පරිසරයක් යටතේ පවත්වනු ලබන තරග 2 කින් සමන්විත ටෙස්ට් තරගාවලිය ගාල්ල අන්තර්ජාතික ක්‍රීඩාංගණයේදී පැවැත්වෙනු ඇත.

බටහිර ඉන්දීය කොදෙව් කණ්ඩායම – ක්‍රෙග් බ්‍රැත්වයිට් (නායක), ජෙරමින් බ්ලැක්වුඩ් (උප නායක), කෘමා බොනර්, රොස්ටන් චේස්, රකීම් කෝන්වෝල්, ජෂුවා ද සිල්වා, ශෙනන් ගේබ්‍රියල්, ජේසන් හෝල්ඩර්, ෂායි හෝප්, කයිල් මේයර්ස්, වීරසාමී පෙරුමාල්. කෙමාර් රෝච්, ජේඩ්න් සීල්ස්, ජෙරම් සොලොසානෝ. ජොමෙල් වොරිකන්.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar