slc
logo
Home   |    News
අප්‍රේල් 23, 2022
සුධීරගේ පන්දු යැවීමෙන් ටැමිල් යුනියන් ලකුණු 87 කින් පෙරමුණට එයි

sinhala editor

කොළඹ එස්. එස්. සී. පිටියේදී අද (23 දා) දෙවැනි දිනටත් පැවැත්වෙන නැගී එන කණ්ඩායම් අතර ක්‍රිකට් තරගාවලියේ අවසන් මහ තරගයේ දෙවැනි දිනට ක්‍රීඩාව නිමා කරන විට නැවතත් සිය දෙවැනි ඉනිම ක්‍රීඩා කරමින් සිටින ටැමිල් යුනියන් කණ්ඩායම ලකුණු 39 ක් ඇතුළත කඩුලු 3 ක් දැවී අසීරු තත්ත්වයක පසුවිය.

පළමු ඉනිමේදී ලකුණු 87 කින් පෙරමුණට පැමිණීමට හැකිවීම නිසා තවත් කඩුලු 7 ක් අතැතිව ටැමිල් යුනියන් කණ්ඩායම මේ වන විට ලකුණු 126 ක් දෙවැනි ඉනිමේ ඉදිරියට පැමිණ සිටියි.

රවිඳු ප්‍රනාන්දුගේ ලකුණු 76 ක ඉනිම හේතු කොට ගෙන පළමු ඉනිම වෙනුවෙන් ටැමිල් යුනියන් කණ්ඩායමට ලකුණු 254 ක් රැස් කර ගැනීමට හැකියාව ලැබිණ. ඊට පිළිතුරු ඉනිම ක්‍රීඩා කළ සෙබස්තියනයිට්ස් කණ්ඩායම ලකුණු 167 ක දවා ලීමට දිලුම් සුධීර ප්‍රමුඛ ටැමිල් යුනියන් පන්දු යවන්නෝ සමත්වූහ.

පන්දු යැවීමේදී කැපී පෙනුණු සුදීර ලකුණු 65 කට ප්‍රතිවාදී පිතිකරුවන් 7 දෙනෙකුම දවා ලමින් පන්දුවෙන් කැපී පෙනුණි. සෙබස්තියනයිට්ස් පිල වෙනුවෙන් වැඩිම ලකුණු රැස් කරගන්නා ලද්දේ විමුද් සප්නක වන අතර ඔහු ලකුණු 46 ක් රැස් කළේය.

ටැමිල් පළමු ඉනිම සීමා කිරීමේදී තරිඳු රත්නායක කඩුලු 5 ක් දවා ගැනීමට සමත්වීම කැපී පෙනුණ. පළමු දිනයේදී කඩුලු 4 ක් දවා ගෙන සිටි වමත් දඟ පන්දු යවන්නා අද දිනයේදී තවත් කඩුලු 2 ක් දවා ලමින් එම කඩුලු 5 ට හිමිකම් කීවේය. ටැමිල් දෙවැනි ඉනිමේදීද දැවී ගිය කඩුලු 3 න් 2 කටම හිමිකම් කියන ලද්දේ තරිඳු රත්නායක වේ.

ටැමිල් යුනියන් පන්දුවාර 71.5 කදී ලකුණු 254 යි – (රවිඳු ප්‍රනාන්දු 76, කවිඳු පතිරත්න 24, රවීන් ද සිල්වා 30, සංතුෂ් ගුණතිලක 27. දිලුම් සුදීර 23 නවෝද් පරණවිතාන 10, සුපුන් කාවින්ඳ 24, තරිඳු රත්නායක 113/5, මනෙල්කර් ද සිල්වා 36/2, සඳුන් ප්‍රනාන්දු 24/2) සහ දෙවැනි ඉනිම කඩුලු 3 ට ලකුණු 39 යි – (නවෝද් පරණවිතාන 14, සංතුෂ් ගුණතිලක 10*, දිලුම් සුධීර 10*, තරිඳු රත්නායක 14/2)

සෙබස්තියනයිට්ස් පළමු ඉනිම  පන්දුවාර 67.1 කදී ලකුණු 167 යි – (සඳුන් ප්‍රනාන්දු 26, තරිඳු රත්නායක 23, විමුද් සප්නක 46, ටෙහාන් ෂාෆ්ටර් 14, විශාල් සිල්වා 14, දිලුම් සුධීර 65/7)

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

USD United States (US) dollar